مساء الخير يا اجدعها عيلة، آسفه علي التأخير بجد بس انتوا عارفين إني مش بتأخر غير لو عندي سبب قوي لانه حرفيًا والله من وقت ما ظهرت النتيجه وانا مش عارفه مالي، أول حاجة عشان اطمنكم أنا نجحت الحمدلله وعدت علي خير، جبت كام فـ درجتي خاصة بيا والحمدلله على كل حال لعله خير بإذن الله ليا.
تاني حاجة أنا من وقتها مش عارفه أقعد ساعتين علي بعض قصاد الفون عشان أكتب لان البيت مليان ضيوف، انا مش من النوع الل بيشارك حياته الشخصية ع الملأ بس لازم اصرح عن شيء انتوا متعرفهوش غير القليل والناس القريبة مني الل تعرفوا وإني ايدي محتاجة عملية من وقت ما كنت بكتب روح الزين الجزء الاول رفضت اعمل العملية واخدت سكة العلاج والحمدلله اتحسنت فترة وجيت الأيام دي وخصوصًا من 3 أيام الألم زاد جدًا وبقيت مش قادرة استحملوا والله العظيم من امبارح منمتش من الوجع الل احتل ايدي مرة واحدة ودلوقتي انا محتاجة اريح ايدي علي قد ما اقدر واكرر العلاج القديم تاني عشان لو متحسنتش يبقي لازم العملية وخايفة اكلم الدكتور دلوقتي لانه هيجبرني ع العملية المرة دي وانا مش حابة كدا، بكتب حاليًا الاعتذار دا بالعافية والله لا عارفة ارد علي رسايلكم ولا حتي امسك الفون واكتب الرواية، انا حاليًا قدرت اضغط علي نفسي وكتبت نص البارت ومقدرتش أكمل لان كتابته بتاخد مني 6 ساعات متواصلين متخيلين!! ايدي بتكتب لست ساعات دا غير المعلومات الل بضيفها بتحتاج مني اتأكد منها واعمل سيرش عنها عشان اضيف معلومات صحيحة ومش أي كلام ومن وقت ما قررت اكتب في كيان فريدة وانا ناوية اقدم فيها شيء مختلف وهادف علي عكس روح الزين الجزء الاول والتاني وعشقتُ عنيدًا وانتوا اكيدد لاحظتوا دا واني بتعب فيها، فبإذن الله هحاول جاهدة اكمل البارت وهينزل بكرا ان شاء الله عارفة اني زعلتكم بس والله غصب عني انا بحب الكتابة أصلا ولو حالتي تسمح كنت كتبتلكم طول مانا قاعدة وانتوا عارفين دا كويس وكنت بكتبلكم كل يوم ومش ببخل عليكم، معادنا بكرا بإذن الله وهنزله قبل الفجر أو قبل 12 كمان علي حسب ما اخلصه.
#منار_جمال