زوجتي سحاقية((بالدارجة))

[ 2 ]

◆◇زوجتي سحاقية◇◆

بارت:2

حاني على ركابيه كيحك زرابي، ويديه عامرين بالصابون.
مكمش حجبانو وخدام بنيتو مسكين.

غافل على عنين كيراقبوه بكل حب...و الابتسامة مرسومة على شفايفها.
حسات بيد باردة تحطات على كتفها شيئ لخلاها تقفز وهي حاطة يديها على صدرها.
-غيثة شافت في آمها بخوف: مي...راك خلعتيني
حنان: آش كديري يا هاد االبايرة؟؟ ياك قلت ليك نشري ااحوايج...
دفعاتها حنان بجهد حتى كانت هطيحها... و شافت فين كانت كتشوف بنتها.

حنان شافت في بنتها بإستهزاء: قولي كتشوفي هاد الروجيل..يخخ المبنت ديال آخر زمان.

غيثة شافت في إدريس بإعجاب:علاه مسكين آش دار ليك؟؟

حنان اتجاهلت بنتها و شافت الحوايج لي منشورين في سلك و آش نقول ليكم تحشم تقول نشير غير معبزين وصافي.
-حنان حطات يديها على حنكها: ويلي كيف دارت للنشير...هيتكمش ليا.
اما زينة البنات "غيثة" فترجعات بخطوات للوراء عارفة جاكيشان ديال مها تقدر تغفلها فآي لحظة و تفوت فيها شي دقة: ومي راه مقاديين....

حنان ضارت و شافت في بنتها وبدات ديسك المعتاد: يا صلكوعة...كتقيلي غير في ضوري في زناقي حتى شغل دار ماتعرفي ديريه.(بزاقات في الآرض) لا زين لا حداكة لا فورما....

غيثة عوجات فمها: ومالي شنو كندير في زنقة؟؟يكما شفتيني كنتسلكط راني غير نخدم ا لواليدة. ونضبر طرف الخبز.

-حنان كتقاد نشير وهي كاعية على الوضعية ولدات بنت تعاونها في شقا...ماعرفات كيفاش خرجات ليها مشمكرة و مقابلة غير زناقي.

-مكيناش شي خدمة مدوزتهاش خدمات في المطبعة كتطبع فوطوكوبي،
مع الميكانيكي كتعاونو في الكراج،
مع مول القهوة كتسربي ،
و في المقاطعة دوزات الميناج و زيد و زيد...

من نهار كان عمرها 15 حتى لدبا عمرها 27...وهي كتضبر على راسها.

بطلتنا لي معيبها هو شكلها مهنقولش مرجلة
لا هي غير بعيدة على لاموض. وجهها عامر حبوب...شعرها ديما طالع في السماء. وعمرك تشوفو ممشوط.
اما الفورما فهي غليضة و كرشها سابقها. المهم بإختصار هي "كابوس" لآي شاب كيفكر في الزواج.

وحتى شخصيتها كفس من شكلها...آي مخاصمة في الحومة عرف بلي هي سبابها دايرة بحال الشيطان كتشعل المشاكل بين الحبان و العائلات. شحال من مرأة طلقات بسبابها...وشحال من واحد فسخ ااخطبة بسبب الشك لكدخو لراس العرسان. و زيد و زيد و المشاكل لسبباتهم لناس بلا مانحسبوهم شيئ لخلاها متكونش محبوبة.

اوا شيطانتنا راه طاحت في حب سي إدريس. ملي كااان عمرها 17 عام اي قبل عشر سنوات.....

ياله بغات تفكر قصة حبهم وهي تشعر بقرصة في فخضها. غيثة علاات عنيها وهي شادة الغوتة
-حنان معسبة وطالع ليها الخز لرآس :مع من كندوي ابنت الحرام؟؟
-غيثة شادة بلاصة القرصة:اااح ا مي راك قصحتيني والله حتى حراام عليك.
-حنان: مع من كندوي من صبااح؟؟ امم؟؟ دوي يال لفعة الكرطيطة.
-غيثة: و مسمعتكش. اشنو قلتي؟؟ كنت ساهية
حنان زفرات بضيق وكتحس براسها هطرطق: انا غادة عند خالتك"حسنة" يوماين وهي كتقول ليا آجي و الشغل كيشدني.

غيثة :وانا مالي؟؟

-حنان: وجدي الغدا...
غيثة خرجات عنيها:ومي راه خدامة وقال ليا المعلم مع 10:30 تكوني في المحل.

حنان هزات صبعها وبدات كتهدد فيها : اسمعيني راني والدة بنت والبنت شغلها هو الدار .ماشي عزري كل مرة فين يبروكلي. البايرة بنت البايرة....

غيثة شافت فيها ببرائة زعما راه مسكينة :واا ميي هيجري عليا المعلم اذا ممشيتش.

حنان نزلات من سطح ممسوقاش لبنتها: اذا جرى عليك هو النهار الكبير عندي باش تكلسي في دارك بحال لالياتك

-غيثة نفخات شفايفها بعدم رضا دبا هي إذا مشات للخدمة و مطيباتش لغدا راه هتآكلهاا في ضهرها....وفي نفس الوقت اذا ممشتاتش هيجري عليها الشاف....

حنان لوات عليها زيف و خرجات من دااار.

وغيثة بقات كالسة فوق سداري كتخمم....واش تمشي تخدم؟؟ ولا تمشي للكوزينة؟؟

يتبع.......