زوجتي سحاقية.
قصة بالدارجة المغربية.....
الزواج الإجباري أمر ماشي غريب على شخص ضعيف الشخصية و عندو عائلة متسلطة...وهو منهم تحط امام امر الواقع لهو "الزواج الإجباري" و طيحو القدر انه يتزوج بنت حومتو.
و آجي نشوفو هاد بنت حومتو...لدايرة بحال المسكة...
حسنة كتفتح الباب ديال الدار و هي كترحب بغيثة و إدريس من موراهم قالب عنييه و ماعاجبو حال. -حسنة كترحب و ابتسامة الصفراء على فمها: دخلي ا بنتي دخلي.... غيثة جامعة يديها بخجل زعما راه حشمانة: شكرا ا خالتي. حسنة: سيري كلسي في صالون دار دارك متحشميش.
غيثة شافت في ادريس بسرعة ورجعات نزلات راسها للأرض زعما الحشمة ا خوتشي : وخا اخالتي.
دخلات غيثة لصالون وهي كتبقشش بعنيها في دار كلسات في سداري و جمعات يديها عندها كتفكر تحذيرات امها و تهديدتها بآنها هتستعمل السلاح القاتل (صباط حلومة) اذا شكات ليها حسنة من شي تصرف ماشي حتى لتم
بما اننا ذكرنا حسنة نمشيو نشوفوها هي ولدها لي مخشين في الكوزينة. إدريس مخرج عنيه و كيدوي مغدد: واش حماقيتي مدخلة هادي لدار؟؟ حسنة كطل من الباب لكتكون كتسنط عليهم : حتى انا معاجبنيش الحال ا دريس ولكن واش نجريو عليها؟؟
إدريس عروقو خارجيين و ساخط على الوضعية: مالها هتبات في زنقة؟؟ ياك هتنعس في دار واليديها معززة مكرمة؟؟ ولا ماحرقاتش دارهم جااات تحرق دارنا؟؟
حسنة جمعات يديها معوجة فمها هي بنفسها ممطمناش لوجود غيثة في دار: متزيدش فيه!! البنت راه مادايرة ليك والو.... إدريس حط يدو على كرجوطتو:مكنحملهاش ..و مكتبلعش ليا.فهمتي؟؟ حسنة تنهدات: بلا ماتخرج فيا عنيك الله....وجه الخلاا البنت راه كالسة و طلبات مني تبتات اش ندير انا؟؟
إدريس شاف في مو مكرهش يجري على هاديك لي مكتسماش...ولكن ما عندو ما يدير هادي ماشي دارو...بل حتى هو يقدرو يجريو عليه شي نهار خصوصا في الايام الآخيرة رجعو محكرين عليه بزااف في امر الخدمة. إدريس تنهد بقلة حيلة: انا خارج...نمشي نتقهواا مع دراري. حسنة متكية على البوطاجي: امم إدريس حك راسو ونطق بلا حشمة ولا حيا: ضبري عليا بشي 20 درهم.
حسنة شافت فيه حتى عيات و تنهدات بقوة ماعندها مادير ولد واحد لي كتكساب...و الكبدة صعيبة جبدات صنديقة فوق الثلاجة وجبدات ليه 20 درهم: شد ولكن مع 7 د لعشية تكون في دار... وانت لهتوجد العشا... إدريس شد لفلوس وشكون تسوق لشنو قالت: اييه ا لواليدة اييه.
يتبع........
К сожалению, это изображение не соответствует нашим правилам. Чтобы продолжить публикацию, пожалуйста, удалите изображение или загрузите другое.
