[زوجتي سحاقية]
نزلات من طومبيل وهي جارة وراها قفطان زفافها الأبيض. و عنيها فيهم أثار الدموع.
شعور الخيبة ممزوج مع شعور الخوف.
مهتنكرش ان قلبها كيرتجف من اشنو هيوقع. واشنو هيكون مصيرها.
فتحات حنان الباب و دخلو بزوجهم للدار. بينما رضوان بقا في سيارة وهو كيكمي. و خوفان من وصمة العار لي ولدها._______________
طلعات من دروج وهي متاجهة لغرفتها بقلب مكسور عكس قبل ساعات قليلة. كانت فرحانة وهي كتجمع حوايجها باش تنتاقل لدار راجلها. ولكن كلشي سالا دابا. و غيثة المنحوسة الذميمة المكروهة و المذلولة رجعات. البنت لي ممكتابش ليها تفرح.
كذااب هداك لي قال(الله يعطينا زهر الخايبات).كلسات فوق ناموسيتها الصغيرة...وحضنات رجليها و طلقات الحرية لدموعها.
_____________________
متكية على حافة الباب و كتشوف فيه و هو كيجمع حوايجو. وباين فيه فرحان بجوعو لعائلتو....عكسها هي
-خلوذ: إدريس...بقا تجي عندي مرة مرة.
إدريس مشافش فيها ونطق وهو ملهي كطوي حوايجو : مهنقدرش نجي الواليد هيكون حاط عليا العين. حتى يفوت هاد شيئ
-خلوذ نطقات بتذمر: إدريس راه باقي ليا غير شهراين و كرشي هتنفخ وتبان....
شاف فيها ونطق:مالك ثاني؟! ياك غير قبايل ماكان عندك باش
اش مرضك في مخك دابا!!
خلوذ سكتات لثواني ونطقات ثاني: و بقا تجي باش تشوف ولدك!!
ادريس شد فاليزتو الصغيرة. وجرها خارج من دار بلا ما يجاوبها
ااما الأخرى كلسات فوق السداري وهي كتفكرك يديها بتوتر. خوفانة يتخلى عليها. او ماماه متتقبلهاش و تلعب بعقلو.
حيث كيف ما فرضات عليه يتزوج غيثة
تقدر تفرض عليه مايتزوجهاش هي!!
شدات راسها بين يديها بحزن وهي متخوفة "يدير عذريتها" سبب و يتخلا عليها...ويخليها واحلة مع ولد في كرشها....و شيطان بدا يكتفها بوساويسو الخبيثة. و الحبالة زادة لعبات على نفسيتها
يتبع....
●•●نهاية الجزء الأول على الأبواب●•●
VOUS LISEZ
زوجتي سحاقية((بالدارجة))
Roman d'amourزوجتي سحاقية. قصة بالدارجة المغربية..... الزواج الإجباري أمر ماشي غريب على شخص ضعيف الشخصية و عندو عائلة متسلطة...وهو منهم تحط امام امر الواقع لهو "الزواج الإجباري" و طيحو القدر انه يتزوج بنت حومتو. و آجي نشوفو هاد بنت حومتو...لدايرة بحال المسكة...