🚫زوجتي سحاقية🚫
كالسة فوق سرير و كتمضغ المسكة...و حداها حنان لي كتلعب ب صباعها باينة فيها كتخمم...
-غيثة : مي...
حنان مطلعاتش فيها راسها: نعام؟؟
غيثة ابتاسمات:اذا عندك شي فلوس جبديهم باش توجدي لعرس بنتك العزيزة😏
حنان :يسحاب ليك غير هيجي ادريس و يدفن شبابو معاك .... صبري حتى نشوفو داك العقروشة واش هتوافق او لا....
غيثة:و اذا موافقاتش؟؟
حنان شافت فيها بنص عين: اذا موافقاتش....هادي ندخل البوليس ونقول ليهم اغتاصبك...من بعد المحكمة هي لي هتبزز عليه يتزوجك.
غيثة ابتاسمات: هاد الليلة هننعس مهنية.... هنتزوج بحب قلبي
حنان تنهدات:غيثة...واش درتي شي حاجة بلا خباري؟؟
غيثة:اش درت؟؟ لي درت راه قلتو ليك!!
حنان : استغفر الله يا ربي....(ضارت عندها)كيفاش حتى قرب ليك؟؟ و جاتني فشي شكل هاد ادريس يدخل عليك عريانة....اش درتي ا بنت كرشي؟؟
غيثة ضحكات ليها الضحكة الصفرة : صدفة
حنان:اييه و هو محبة فيك مشا يعنق و يبوس فيك في الحمام؟؟ و هو عارف بلي مو في دار!!
غيثة:لي مجا بالمحبة يجي بالسحور
حنان خرجات فيها عنيها : سحرتي ليه؟؟
#
كالسة فوق ناموسية كتنخصص....وعنيها الكحلين تنفخو بالبكا.... تيلفونها سالا ليه الصولد.... من كثرة ما عيطات لإدريس ....
مسحات خنونتها...ورمات البابي في الارض....
وشدات المالطا تلوات فيه وكملات تنخصيصها....
#
نطق صوت الغليض:ادريس....
ادريس شاف في مو مخلوع : الواليدة واش قلتيها للواليد؟؟
حسنة ناضت من سداري مخلوعة...و وجهها صفر:عنداك تكون حنان وصلات ليه الخبار؟؟
دخل للصالون رجل غليض و عريض...عاقد حجبانو وباين فيه معصب
شاف حسنة لي واقفة تفتف...و ادريس كفس منها ركابيها مشدوهش وكلس على سداري(و نعمة الرجولة اخوتي😂😂)
حسنة: عمر جيتي.....
عمر نطق بصوتو لغليض وشاف في ادريس :اجي لهنا....
حسنة شافت في ادريس: الحاج تهدن وتكايس على راسك!! ياك ماواقع باس؟؟
عمر :قلت ليك اجي!!
ادريس ناض وقرب لباباه:نعام ا لواليد؟؟
عمر جمع يديه و طرش ادريس جابو مطيح في الأرض: نوض ا لموسخ نوض....
حسنة ناضت كتجري كتنوض ولدها:واش حماقيتي!! اش كدير..... شكون قاليك ضرب ولدي.....
-عمر: خليتك تربيه ولكن مربتيش....ودابا نوبتي نربيه...
شدو من الكول ديال التيشورت لي لابس...وزاد ليه ضربة حتى رعفو: يا عيفت الرجال...تخلي الناس يشيرو عليا؟؟
ادوي ا لكلب!! يجيو عندي جيران و يقولو ليا انا ربي ولدك؟؟
حسنة وقفت كتفك وعينيها المكمشين وصغار تدمعو: عمر دير عقلك واش حماقيتي؟؟ هتقتل ليا ولدي..
عمر بعد شوية كيحاول يبرد على راسو: عرفتي اش دار ولا معرفتيش؟؟ شوهني مع جيران...و حدا لي يسوا ولي ميسواش....
حسنة شافت في ادريس لي طايح في الارض و كيمسح دم من نيفو وباينةفي كيتألم زرجعات شافت قي راجلها مرة اخرى متخوفة من لي هيقول : اشنو؟؟
-عمر دوز يديه على وجهو: جيران تشكاو ليا منو....شافوه مع شي صلكوطة...
حسنة يديها كيترعدو شوية وتموت ليهم: راه مزال عقلو صغير ا عمر....وكاع لولاد قدو كيديرو بحالو...
- عمر غوت حتى قفزهم بزوج: واش مريضة في مخك ولا اشنو.... راه قالو ليا على شوية و يمارس ليهم الفحشاء في شارع...وانت اش كتقولي؟؟عقلو صغير؟(ضحك بإستهزاء) فوق ما كنبغي نربيه تقولي صغير...صغير ....صغير(غوت على حر جهدو) هاهي سمعتي تلطخات....واش صغير هتبدل شي حاجة؟؟ كيفاش نشوف في جيران؟؟
-حسنة وسعات عنيها ومشا بالها غير لغيثة...سكتات ةهي متلقية صفعة قوية
يتبع......
(اكيد عمر كيتحدث على الوقت لي كان مع خلود و تقرب منها.....ولكن الحظ لاعبها مع غيثة وكيف كيقول المثل الله يعيطنا زهر الخايبات... )
YOU ARE READING
زوجتي سحاقية((بالدارجة))
Romanceزوجتي سحاقية. قصة بالدارجة المغربية..... الزواج الإجباري أمر ماشي غريب على شخص ضعيف الشخصية و عندو عائلة متسلطة...وهو منهم تحط امام امر الواقع لهو "الزواج الإجباري" و طيحو القدر انه يتزوج بنت حومتو. و آجي نشوفو هاد بنت حومتو...لدايرة بحال المسكة...
