زوجتي سحاقية
-كذبة محتال جعلتني موصومة بالإثم و العار-
فتحات عنيها على وسعهم...وهي كتشوفو داخل عاقد حجبانو....لابس الكوستار الأسود...و حالق ذقنو ومقاد تسريحة شعرو. كتشوفو اوسم الرجال و اشهمهم. وخا عمرها شافت في راجل غيرو. حب مراهقتها...وعشق عشرينية عمرها. اليوم على وشك تختم الثلاتين....و رجع ملكها زوجها على سنة الله و رسوله . ثواني و صاف و هيسالي كلشي
هتسالي هواجسها. و هيتحقق حلمها....مهيبقاش فقط خيال انما حقيقة و هيكون راجلها.....
تطلقات الموسيقى ثاني....وتعالات الاهاجيج.....
وحسنة كتشوف في ولدها برضا...وكيف مخسرش ليها الخاطر وكيف فضل رضاها على سخطها و قرر يتزوج غيثة. مع ان اقناعو مكانش ساهل و خذا منها 3 شهور.
اما حنان فسخطات و زادت على السخط سخط.
كانت بنات أمل على انه يهرب....معرفاتش لا بنتها ولا جارتها اشنو دارو باش قنعوه.....
سالا وهم كل واحد..... وبدات ساعات الواقع.
-إدريس بصوت مرتفع خلا كاع الضيوف يشوفو فيه: فرتكو هاد الحزاق كامل ....
العدول ناض من كرسيه: آش واقع انت مالك كتغوت؟؟
-حنان قربات للطابلة فين كالسة بنتها و هضرات مع عدول و هي كتحاول تهدن الاوضاع: راه هدا العريس....
العدول رجع كلس في كرسيه و سكت.
حنان شافت في ضياف لي كيشوفو بترقب... وقربات عند ادريس ونطقات بصوت مستوي: مالك انت؟؟ علاش كتغوت؟؟
حسنة حتى هي قربات ل ولدها:ولدي مالك آش واقع (ضورات عنيها في ضيوف) وآش هاد الشوهة داير في القاعة؟؟
جاي معطل....و كتبرح من الفوق؟!
إدريس سكت لثواني كيتذكر الخطاب لي حفظو مع خلوذ و من بعدها نطق: ممزوجش هادي...
حسنة قربات من ولدها وهي مخرجة عنيها: سكت الله يسكت ليك الشقف....آشنو كتقول واش حماقيتي.
حنان حطات يديها على خصرها ما بغاش يتزوج بنتها ولكن مبغاتش هاد شوهة قدام هاد جيران: كيفاش مهتزوجش بيها؟؟ ياك ماحاسبنا مخيات؟؟ تلعب بينا كيف ما بغتي ا سي دريس؟؟
غيثة واقفة متجمدة. ولي خافت منو وقع نطقات بصوت مرتعش وهي كتقرب بإتجاهو: كيفاش مهنتزوجوش ا دريس؟!
إدريس نفث الهواء بغضب و خاطب غيثة: سكتي انت مدويش...
غيثة كملات خطواتها البطيئة بسباب طالون لي لابسة: إدريس؟؟ مالك؟؟ انا راه مراتك (رسمات ابتسامة واسعة) مرتك....مرتك
واش مكتفهمش؟!(شافت في عكوزتها و نطقات) انا مراتو ا خالتي انا مراتو.....
إدريس عقد حجبانو وهو محاملهاش :سكتي انت منسمعش صوتك... (شاف في ضياف) نوضو ا سيادي ماكاين لا عرس لا زفت.
حسنة خرجات عنيها على أخرهم :إدريس بلا ضحك....
إدريس: مكنضحكش انا مهنتزوجش هادي وخا تقتلوني هنا.
غيثة شافت فيه و دموع تحقنو في عنيها....كتحس بالإهانة. كتحس بيه كينتقص منها بكل حرية. وهي مقاداش حتى تصدو. خايفة تنطق شي كلمة و تخسرو وخا عمرها ما ربحاتو ولا كان في ملكها.
YOU ARE READING
زوجتي سحاقية((بالدارجة))
Romanceزوجتي سحاقية. قصة بالدارجة المغربية..... الزواج الإجباري أمر ماشي غريب على شخص ضعيف الشخصية و عندو عائلة متسلطة...وهو منهم تحط امام امر الواقع لهو "الزواج الإجباري" و طيحو القدر انه يتزوج بنت حومتو. و آجي نشوفو هاد بنت حومتو...لدايرة بحال المسكة...
