زوجتي سحاقية((بالدارجة))

**ليلة الزفاف**

{زوجتي سحاقية}
-كذبة محتال جعلتني موصومة بالإثم و العار-

واقفة وهي كتفرك صبعانها بتوتر.....لابسة تكشيطة بيضا محجرة من جيهة الصدر.... و واسعة من الأكمام....
شعرها مجموع بشكل بسيط.....
واقفة من وراها النكافة كتربط ليه حزام تكشيطة وهي كتآفف: اوووف واخيرا تشد .... عنداك غير يتفسخ ليك ملي تنزلي!!
-غيثة بعدات من نكافة و مشات شافت راسها في المراية معوجة فمها: ممم متخافيش مهيتفسخش!!
نكافة طلعاتها و هبطاتها بتخنزيرة، وبدات كتسب فيها بصوت منخفض....ما حملاتها ما قبلاتها جاتها ثقيلة على القلب....وما فيها ما يتحب....لا قلبا ولا قالبا.....

اما الأخرى فكتشوف غير راسها في المراية....وكل شوية تخرج خصلة من شعرها و ترجها ورا وذنيها متوترة لأقصى حد....
كتحس براسها دابا تسخف.
وبعد ألاعيب كثيرة غيثة لي ربحات الحرب الباردة
لي خاضتها....
بعد ما راهن الكل على خسارتها ربحات..

ودابا ما كيفصلها بين زواجها بإدريس غير دقائق.....
فقط عقد ورق.....هيوقعوه
وهتكون زوجتو على سنة الله و رسوله.....

تفتح الباب و دخلات حنان لي كانت لابسة فقط جلابة خفيفة....وعاقدة حجبانها....ماعجبها حال .....
نكافة غير شافتها خرجات بحالها. هي بزز باش تحملات غيثة فكيفاش هتحمل ماماها....هبطات لتحت تابعة صحابتها اانكافات وخلاتهم بوحدهم....

غيثة عضات على شفتها: كيف جيتك.
-حنان: كيف الزفت
غيثة: كنحمد الله....نجي كيف زفت حسن ما نجي
كنشبه ليك(مدات يديها وهزات عكار كطلسو لشفايفها)

- حنان: كندعي الله تنوض شي عافية و نتحرقو كاملين
و متتزوجيش بيه.
-غيثة: مزال هتتحرقي في جهنم ا حنونة....
بزاف عليك تتشوطي في دنيا و الآخرة.

- حنان نطقات : متتزوجيش بيه ابنتي.
-غيثة حطات العكار و هزات البرفام: هنتزوج بيه ...

-حنان شافت في الارض و نطقات: خاص نقول ليك شي حوايج!!
-غيثة علاات نيفها الفوق: الهضرة سالات....من شحال هادي.
-حنان تنهدات بضيق: هاد الهضرة عمرنا بديناها باش تسالي.

-غيثة حطات البرفان بعد ما خوات نصو وهي عاطية بظهر لحنان مكتشوفش في وجهها: كاين حوايج كيساليو قبل ما يبداو!!
-حنان: بحال زواجك!!
غيثة شافت فيها بسخط:آش بغيتي دابا؟!
-حنان: بغيتك ما تتزوجيش!! مهيستاهلكش!! مبغيتش تكون أخرتك بحالي!!
-غيثة: متخافيش نهايتي مهتكونش هزان الرجلين!! و مهتكونش نرمي بنتي في بيت و نشد عليها!!

تفتح الباب للمرة الثانية و دخلات حسنة، لي كانت لابسة تكشيطة بالجوهر على حقها و طريقها....مع شال منقر جا مع وجهها.
-حسنة:ايوا اعروستنا...قالو ليا بلي كملو ليك
- غيثة بعدات عنيها من ماماها و شافت في حسنة وهي مبتسمة بخجل مصطنع: اه ا خالتي.
حسنة قربات و شدات ليها في يديها: بغيت ندوي معاك
وخا عارفة حتى ماماك هتكون قالت ليك هاد شيى لي بغيت نقولو.
-غيثة كلسات فوق الكرسي:وخا ا خالتي كلسي و نهضرو.
كلسات حسنة فوق الكرسي قريبة من غيثة و حنان بقات واقفة على راسهم.
حسنة: بدايتنا مكانتش مزيانة....
-حنان: حتى أخرتكم مهتكونش مزيانة!!
-حسنة شافت فيها بخزي ورجعات شافت في عروستها:  مفهمتش مزيان...ولآحد الان مفهماش!!
آش وقع داك نهار في الحمام؟! ولا واش بيناتكم شي حاجة
وخا دازت 3 شهور على لي وقع. مزال ما فهمت والو!! 
بغيتك تفهميني!!
-غيثة هزات يد حسنة و باستها: مزال لي وقت طويل مع عكوزتي و هنشرح ليها كلشي.(شافت في حنان و رجعات شافت في حسنة) و اصلا معانا بنادم أخر!! حتى نكونو بوحدنا ا لغالية.
حسنة ناضت من الكرسي و باست راسها: وخا ا حبيبتي. هاانا هنمشي لتحت. نشوف كيف دايرة الاجواء.
-غيثة حركات راسها بالإيجاب....و الأخرى خرجات بحالها و بقات مع ماماها بوحدها.
-مسحات على فمها بتقزز: اووف الخنز!! بقا لي غير نبوس يدها اعع.
حنان شافت فيها: اش وقع ليك باش وليتي هاكا.
-غيثة:قولي اش درتي ليا!!
-حنان: قولي انت اش درتي لراسك!!
-غيثة: وليتي كتتعاطاي معايا الهضرة بزاف!!؟
-حنان: انا هي لي علمتك كيفاذ تهضري. وعلمتك حتى كيفاش تمشي لطواليط و تمسحي خنونتك!!
غيثة ناضت ضربات في الكوافوز بسخط: سيري بعدي مني اش باغا دابا اش؟! خلينا نكون فرحانة غير نهار في حياتي.
-حنان: باش هتكوني فرحانة؟! براجلك لي مزال مجاش؟!
-غيثة عقدات حجبانها: كيفاش مجاش؟! واش كضحكي عليا؟!
-حنان: انت لي كضحكي على راسك....الله يرضي عليه اذا مجاش. مغطيا ليه رضايا و مفرشاه بيه.....ان شاء الله طريق لي يجي منها تكون عامرة شوك ....
قالت كلامها و ناضت بحالها شاعطة الباب وراها. خلاتها كالسة بوحدها كضور في عنيها.

_________________

كالسة على الرملة. وعنيها مفكسين على البحر
و الهوا الخفيف كيدي شعرها لي صبغاه بالبني الفاتح.
حطات راسها على كتفو
-خلوذ: هدير داك شيى؟!
-إدريس شد يديها و باسها: اه....
سكتات مدة و نطقات: مبغيتش يوقع ليها هاكا...
كيف ما منبغيهش لراسي.....
-إدريس عقد حجبانو: هي لي بغات هاد شيئ!!
-خلوذ سكتات مرة اخرى و عاودات نطقات: عنداك تغدرني و تتزوجها.
-إدريس شاف فيها: علاش انا نخلي زوينة ديالي؟! ونمشي عندها؟!
-خلوذ باست خذو و تمخشاشات فيه: اذا كان ولد شنو نسميوه؟!
-إدريس حط يدو على كرشها لي باقا ما تنفخات: منعرف!!
باقي الحال.....وانا اصلا باغيها بنت!!
-خلوذ: هنسميها غيثة اذا كانت بنت.
إدريس تنهد بضيق:10 ونص دابا...خاص نمشي.
-خلوذ باستو من خذو: الليلة هتكون صعيبة علينا كاملين.
-إدريس ناض وهو كينفض الرملة: كان الحل ساهل....ولكن هي لي ختارت طريق صعيبة.
خلوذ: مكنتش نظن انها لفعة...لديك الدرجة.
روحها و رخيصة عليها...ممثيقاش انها بغات تقتل راسها باش تقنع ماماك انها كتبغيك.
-إدريس شد في يديها وبداو يتمشاو في الرمل: هي كلها رخيصة.
-خلوذ طلقات من يدو: خاصك تمشي. هتتعطل.

إدريس شاف في معصمو لي مزين بساعة جلدية  رجع شاف في خلوذ : تأخرت على زوجتي
خ

لوذ: زوجتك السحاقية.
علا فيه عنيها و واصل بمزاح: زوجتي سحاقية.
ابتاسمات: عنداك تزيد شي حاجة من راسك. خاص تطبق لي قلت ليك بالحرف. 
ادريس: وخا...

يتبع........