زوجتي سحاقية
-كذبة محتال جعلتني موصومة بالإثم و العار-
فتحات ليها حسنة باب البيت و طلقات منها... وهي ضاحكة ليها و كتحاول تطمنها بعنيها.
شدات ليها نكافة من يديها اليمين
و نكافة أخرى في يد الشمال . و وحدة اخرى وراهم كتزغرت من اللور و تصلي على النبي.
اما قلب غيثة فهو كيرفرف بالفرحة. لذة الانتصار ممزوجة بنشوة الحب لي كتعصر قلبها . وأخيرا قدرات تتزوج لي بغاتو بعد 11 عام تقريبا. قدرات تربح ديك الأفعى لي بغات تتلوى عليه و تأخذو ليها.
ابتاسمات للحضور لي كانو معمرين القاعة بحال جميع الاعراس المغربية كتعرض واحد و
داك الواحد كيعرض 10 .
كلسات حدا العدول و بقات كتستنى ادريس
لي مزال ما وصل. وهي كتفرك يديها بتوتر...
وهي كتسمع الوشوشات على شكلها الذميم.....
و الأغلب كيقارنها ب إدريس.
الوقت كيدوز و الهضرة اللاذعة كتتعالى.
15 دقيقة وهي كالسة على سداري بيض مزين و مخصص ل
بلاصة عقد القران.
و حتى العدول بدا كيتأفف.....و كيبغي كل شوية ينوض.
حيث الامر طوال بزاف.
الموسيقى بنفسها طفاوها بعد طلب العدول الخمسيني لي قال راسو ضارو....وحتى هو دارو ليه الخاطر باش ما يمشي بحالو.
كل واحد كالس على جمر.....
خصوصا هي.........
موجات قوية كيخبطو في قلبها
كتشوف كاع الانظار موجهة ليها وهاد شيى لي كيزيد يوترها
غمضات عنيها....كتحاول تمسح كلشي من بالها كتقنع راسها ان كلشي بخير مع انه حتى حاجة ما بخير. حتى حاجة!!
يتبع.......
YOU ARE READING
زوجتي سحاقية((بالدارجة))
Romantikkزوجتي سحاقية. قصة بالدارجة المغربية..... الزواج الإجباري أمر ماشي غريب على شخص ضعيف الشخصية و عندو عائلة متسلطة...وهو منهم تحط امام امر الواقع لهو "الزواج الإجباري" و طيحو القدر انه يتزوج بنت حومتو. و آجي نشوفو هاد بنت حومتو...لدايرة بحال المسكة...
