زوجتي سحاقية.
قصة بالدارجة المغربية.....
الزواج الإجباري أمر ماشي غريب على شخص ضعيف الشخصية و عندو عائلة متسلطة...وهو منهم تحط امام امر الواقع لهو "الزواج الإجباري" و طيحو القدر انه يتزوج بنت حومتو.
و آجي نشوفو هاد بنت حومتو...لدايرة بحال المسكة...
زوجتي سحاقية... ((كذبة محتال جعلتني موصومة بالإثم و العار))
غيثة شافت فيها بسخط ويلاه بغات تتعاطى معاها في الهضرة وهي تسبقها حنان: شوفي فيا مزياان.... انا هنسكت وهندير عين مغمضة على هاد الروينة لي كديري.... هنعاونك تتزوجي بداك لي ميساواش...باش تعرفي راسك شحال مكلخة و غشيمة!! -غيثة بغات تدوي و قاطعتها للمرة ثانية: حاسبة اذا تزوجتي بيه هتكسبيه؟ كتتخايلي اذا وقعتي على ورقة هتكوني ربحتي؟ قطعتي الواد و نشفو رجليك؟ غالطة ا بنتي غالطة!! وهتباقي ديما غالطة ملي حطيتي العين على واحد بحالو!! ولد الحرام!! ولد الزانية!! ولد الهجالة!! -غيثة عقدات حجبانها و نطقت بخزي: كيفاش هجالة؟ اشمن زانية ولا ولد الحرام!! علاش ممتحمليهش!! علاش مكطيقيهش!! فهميني!! -حنان: انت ا بنتي غشيمة!! و غشيمة بزااف.... حاسبة راسك بلي حمامة وطايرة في السما فاهمة كلشي.... ولكن انت غير دجاجة كيسرقو بيضها بين عنيها و متدير والو!!! -غيثة طلعات صبعها : حناان متبقايش تروني عليا في الهضرة!! فهميني!! اشمن دجاجة ولا حمامة!! -حنان هزات يديها و هبطات ليها صبعها و هي محمرة عنيها في بنتها: ماشي انت لي هترفعي صوتك....و ماشي انت لي هتجي تهدديني....اش في جهدك ما ديري؟ هتمشي عند باباك تقولي ليه ملي كنت صغيرة كنشوف مااما كتخونك مع رجال في الوقت لي كتمشي تضرب الكرفي و الذل في سبانيول؟ ( دفعاتها بيدها بقوة حتى رجعات للوراء) هتقولي بلي ماما حبساتني 10 سنين في بيتي باش منفضحهاش؟ دوي؟ اش في جهدك مايري؟ غيثة تحقنو عنيها بدموع: اه هنقولها و بعز....هنفضحك و ننزل ليك راسك....حدا دوك ناس لي ذلتيني حداهم....هنخلي دنيا تضور بيك ا حنان!! نخليك تنزلي تحت رجلين سيدك ادريس لي تتسبيه... -حنان إرتاسم ملامح التهديد و التحذير على وجهها: تنطق بحرف...هننطق بكلمة... هنفضح هاد الدرويشة المسكينة...لي كلشي كيشفق عليها!! هنقول ليهم انت هي لي سحرتي للراجل باش يتزوجك!! انت هي لي باغا تقتلي عكوزتك...وانت لي باغا ترمي ماماك لشاريع.... انت هي لي باغا غير مصلحتك... ولكن مرضتيش تقوليها....مرضتيش تكوني انت هي الخايبة و المسمومة...بغتي داىما تبقاي درويشة و يشفقو عليك. (مدات يديها و شدات ليها معصمها بقوة) اذا كنتي كتظني ان حنان تغلبها برهوشة ديال البارح!! فراك غالطة انا غير طلقت ليك الحبل....و دابا هنرجع نربطو....(طلقات ليها معصمها و خرجات بحالها من البيت) مخلية غيثة كالسة فوق الناموسية و يدها كتحسس بيه معصمها لي ضرها من الشدة لي دارت ليها..... عضات شفتها بقوة و عنيها تحقنو بالدموع كتفكر في طفولتها... 🔙🔙🔙 كانت طفلة في عمر الثامنة تقريبا...بشوشة ااوجه و ناصعة البياض...عنيها كانو كحلين وكبار...وزينها يفتن.... كانت وارثة جمال حنان... و نقدرو مقولو انها نسخة طبق الأصل على ماماها.
....حنان في داك الوقت كانت جديدة في هاد الحي ولكن في مدة وجيزة كانت فتنات عقول رجال و شعلات غيرة النسا....كلشي حط عليها العين وخا عارفينها مزوجة،ولكن هاد شيئ مطفاش شهوة اشباه الرجال فيها بل تجاوزوه ببساطة و استغلو أمر غياب زوجها في تحرش بيها...
غيثة بنفسها هاد شيئ لي عارفة....معرفاش اش وقع من بعد!! كيفاش تحولات ماماها من الأنثى الجميلة الرقيقة....ل وحدة خائنة....بائعة هوى....من أجل دريهمات قليلة.... اشنو لي هيخليها اساسا تبيع لحمها و باباها كيسيفط ليها فلوس من الخاريج و باليورو من الفوق....
عضات سنانها بين بعضهم بسخط...وناضت بغضب بعض ما طفح بيها الكيل....و مشات اتجاه الباب ناوية تفضح كلشي...تفضح حقيقة هاد الام القاسية....هاد الام الدنيئة لي مكيليقش بيها لقب ام.... وضعات يديها على البواني د الباب ...وهي تتصدم ملي لقاتو مسورة عليها.بدات تضرب الباب بقوة ولكن ما من مجيب....كتسمع الموسيقى مطلوقة في الطابق السفلي....و حنان كتتمايل مع الأغاني الشعبية و هي غير مهتمة ب غيثة لي ذكريات الماضي بدات كتتضارب في عقلها.... كتفكر كيف كانت كتحجزها في هاد الغرفة لمدة 10 سنين..... كيف قتلاتها بالسم البطيئ....و خلات جمالها يذبل.... كلسات على الأرض واضعة يديها على فمها كاتمة شهقاتها و باليد الاخرى كتضرب راسها!! مباغاش تفكر في آش وقع ليها!! وكيف تدمرات طفولتها....
ضورات عنيها في البيت...وهي تشوف الشرجم.... بخطوات بطيئة اتجهات للنافذة...و غصة حارقة في صدرها مكتخليهاش حتى تتنفس....... غمضات عنيها كتفكر تصرفات ادريس...كيف كيشمئز منها...كيف كيكرهها بدون سبب...بدون ما يعطيها حتى مجال.... هي بغاتو حب طاهر....ولكن مكانش كيستحقو!! كل الاشياء السلبية و الصعيبة لي عاشتها تفكراتها....و فتحات احضانها لوساويس الشيطان وضعات يديها على حافة النافذة لي كانت بدون شباك.....
يتبع........
Oops! This image does not follow our content guidelines. To continue publishing, please remove it or upload a different image.
