💘زوجتي سحاقية💘
أسفة على التأخر🙂🙂||ديديكاس ل صحاب د والو....لي كيشوفوك هتموت و مايعتقوك😏...||
- حنان بعدات على بنتها:كيفاش بغتيها تموت؟؟
غيثة شافت فيها وضحكات:مالك ا حنونة...تخلعتي؟؟
-حنان:غيثة....سمعي اذا غرقتي راسك فشي حاجة
مهنعتقكش....
-غيثة ابتاسمات:ويلي وتسخى بيك بنتك....
-حنان: ماشي مهم...حسنة بلاصتها دار العجزة وسالينا...
(طلعات وهبطاتها) خاص نلقى ليك حل...على الله تولي فيك شوية د الآنوثة....
-غيثة كتقضم اظافرها:ممم...مزيان
-حنان: هنجيب ليك شي كريمات و زيوت نطلس ليك بيهم داك شعر على الله يتواضع وينزل للارض ويولي بحال شعورات البنات...
هتبقاي تبعي دروس محاربة الامية في التلفازة....
وهنشري ليك خوايج جداد تبدلي بيهم....
-غيثة:هاد شيئ خليه ليك....وديريه لراسك
باش مايجب عليك راجلك الضرة....
و بصراحة ا مي...طلعتي ليا في الرأس...وكيقول ليا واحد اامخ نتهنى منك قبل من حسنة...
#
واقفة مقابلة مع المراية كتمشط شعرها الطويل....
نزلات المشطة...وهزات الروج
كتعكر بيه شفايفها...
رجعات هزات المشطة ثاني ويديها كيترعدو بالاعصاب
بدات تمشط ثاني شعرها ولكن بجهد واغلب خصلات شعرها كيطيحو
وعنيها حمرين و مدمعين....
هزات تيلفونها بالنترة....ودوزان الاتصال الثامن للإدريس...ولكن نفس الشيئ مكيردش عليها....
-خلود: مالو مكيردش.....مالو ¿¿
#
إدريس واقف كيشوف في امو لي كتمشي وتجي بالاعصاب مقدراتش تكلس....
حسنة شافت فيه :سمعتي ا عيفت الرجال؟؟
سمعتي ولا نعاود ليك اش قالت ديك الشارفة د الخلا؟؟
إدريس وقف كيشوف فيها...وساكت...
حسنة:اييه سكت...سكت وحني راسك بحال الولية....
حتى يوقفو عليك البوليس يدخلوك فين تتربى حيث انا كاع ماربيت....سحاب ليك ديك حنان ساهلة؟؟ وتدوزها ليك بالساهل؟؟ راه والله حتى ترمي طاسلة بوك في الحباسات...
هاديك كنعرفها كثر من راسي...هتنزل عليك الحق والباطل لي درتي ولا لي مدرتيهش....هتخرج ليك على شبابك ا ولد الحراام....
ادريس تنهد ونطق:وعلاش قلتيها ليها؟؟
حسنة بدات تشير بيديها:لا نوض ضربني ا ولد الحرام نوض!! انا كندافع عليك وانت كتخرج في بلالطك(عينيك)
ادريس:ا الواليدة ما خرجت لا بلالط لا عنين!!
حسنة حطات يديها على قلبها:نوض هز الموس وخشيه فيا...برد فيا المصيبة لي درتيها...ا صلكوط لأخر....
كلسات على سداري شادة راسها: كيفاش هتفكها مع باك؟؟ ا زغبي؟؟ ا لمصيبة ا لبهلول...... فين كانو عنيك فين ؟؟
في البنات كامليين ما بانت ليك غي البوديزة؟ بنت حنان؟؟
ادريس:و ماما راه والله ما بيناتنا حتى شي(غمض عنيه)استغفر الله....راه دخلت عليه للحمام بالغلط.....
حسنة شافت فيه و سكتات...هي شافتو بعنيها لي هيأكلوهم الدود...فهي ما محتاجة حتى تفسير
يلاه بغات تنطق وهي تسمع الباب ديال الدار تفتحات و تشدات بجهد ...
وصوت غليظ نطق: ادريس....
يتبع....
YOU ARE READING
زوجتي سحاقية((بالدارجة))
Romanceزوجتي سحاقية. قصة بالدارجة المغربية..... الزواج الإجباري أمر ماشي غريب على شخص ضعيف الشخصية و عندو عائلة متسلطة...وهو منهم تحط امام امر الواقع لهو "الزواج الإجباري" و طيحو القدر انه يتزوج بنت حومتو. و آجي نشوفو هاد بنت حومتو...لدايرة بحال المسكة...
