🚫زوجتي سحاقية🚫
طلعات لغرفتها بخطوات سريعة هاربة من نظرات حنان... فتحات باب بيتها و رجعات شداتو بحذر...و تكات عليه و هي كتنفس بضيق...شعور الكره استوطن قلبها...بينما جفونها بدات كتفرز الدموع...لي مفارقوهاش طول هاد الليالي... لكن صافي كلشي قرب يسالي عذابها هينتهي عما قريب...و هتنهي هاد المهزلة.
----------------------------------
كانت متكية على صدرو بينما هو كيلاعب بطنها المسطحة لي مزال ما تنفخات...مشاركين سرير...و الاحضان...
-خلود: لقيتي خدمة¿
-إدريس تنهد و نطق: ماشي شي خدمة!! ولكن كنقضي بيها!!
-خلود بتساؤول: اشنو هي¿
-إدريس زم شفاهو لثواني و رجع نطق: كنجيب صنادق الحوت من المارصا و كنعاود فيهم البيع في السوق!! الربح صغير حيث مزال عدد صنادق لي كنشري مكبيرش بزااف!!
(واصل كلامو بعد ما شافها ساكتة و معطاتوش رأيها) كندير هاد شيئ غير عليك و على ولدي. لو لقيت بديل مكنتش هنختار هاد الخدمة...ولو مكانش بابا لي توسط باش يضبر لي شبر د الارض في السوق مكنتش هنكون خدام...
انا لي كنت كنعزل في الخدامي...نرفض هادي و نقبل هادي...وليت بااغي نخدم فاش ما كان المهم نضيباني راسي...باش في راس سيمانة نلقى حصيصة لي نصرف عليك بيها!! و نتقاتل باش نخبي لدواير زماان... ووااا خلوذ واش كتسمعيني¿¿
خلوذ فاقت من سهوتها: تشهيتو!!
عقد حجبانو بإستغراب: اشنو لي تشهيتي¿¿
خلوذ دوزات لسانها على شفهها: الحوت!!
ابتاسم ليها و بادلاتو الابتسامة...
-خلود: ياك هتشريه لولدك¿¡
-إدريس: نوضي لبسي!! انا هنسبقك برا
باش ما يشوفنا شي حد!!
صفقات بحماس و ناضت كتنقز بمرح!!
كأنها ماشي هي لي كتكره الحوت بجميع انواعو...و مكتطيقش ريحتو!!
بينما هو وسع ابتسامتو و ناض خارج من دارها متسلل...
كانت هي الأخرى خارجة لابسة جلباب واسع زاد بين غلضها....ملوية عليها زيف بعشوائية وهي غير مهتمة بشكلها الخارجي.
و حداها باباها لي فجأة تبدل ليه رأي و جدد موعد الطبيب لظهر بدل العصر!!
ركبات السيارة في الكراسي اللورانية.و شعطات الباب بجهد حتى عقد رضوان حجبانو...
ضورات وجهها لنافذة وهي مراضياش بوضعها...حتى خصوصياتها انتهكات...و رجعو يدخلو لبيتها بدون اذن...و كانت على وشك تكتشف مخططاتها...
تنهدات بضيق!! لا بكي تقدر تبكيه على خاطرها...لا شكوى تقدر تشكيها و تآمن شي شخص و تخوي عليه قلبها....
مكرهاتش ولو مجرد صديق تتكئ على كتفو و تحكي ليه الصدمة لي كتعيشها...وعلى خطتها واش في محلها او غالطة...
هي حاليا انسانة عميااء....
الحقد كوشاح اسود مغطي ليا نظرها...مقادرة تميز والو من غير ظلام....محتاجة شخص يمسك في يديها و يوريها الطريق الصحيح...
ولكن هاد الشخص غير موجود...اذا هاد طريق الصحيحة مهتسلكهاش...
عقدات حاجبانها و مسحات دموعها لي ضببو ليها الرؤية...فتحات فمها بالقليل من عدم التصديق وهي كتشوف من نافذة السيارة
إدريس ماسك يد انثى اخرى...و الابتسامة مرسومة على وجههم بزوج!!
شافت في باباها لي كان ملهي بسوكاان...و ممنتابهش ليهم...
بغات تنطق و تقول ليه هاهو ا بابا كيخوني!!
و كذب عليا باش يعيش حياة غرامية مع انثى اخرى...
ولكن زمات لسانها و سكتات...هادا ماشي باباها وعمرو هيكون باباها...و خطتها الجاية كافية تغير مجرى كلشي...(مسحات دمعتها لي نزلات سخونة على خذها) هوما كيتظاهرو بالعمى...و ما كيشوفوش الحقيقة الواضحة قدامهم. اذا هي علاش هتضيع حياتها باش توصف ليهم الواقع البشع لي ظاهر امام عيونهم!!
رجعات طلات من زجاج كتشوف في العاشقين لي فرحانين...و عضات شفتها بغل...مستحيل تخلي فرحتهم تدوم!! كيف دمرو فرحتها هتدمر فرحتهم .....
و العين بالعين!! و السن بالسن!!
يتبع.....
🚫تفاعلو شوية بما انه نهاية على الابواب
و شاكو معايا أرائكم و انتقاداتكم
توقعاتكم في الاحداث و شنو هتكون نهاية¿¿🚫
STAI LEGGENDO
زوجتي سحاقية((بالدارجة))
Storie d'amoreزوجتي سحاقية. قصة بالدارجة المغربية..... الزواج الإجباري أمر ماشي غريب على شخص ضعيف الشخصية و عندو عائلة متسلطة...وهو منهم تحط امام امر الواقع لهو "الزواج الإجباري" و طيحو القدر انه يتزوج بنت حومتو. و آجي نشوفو هاد بنت حومتو...لدايرة بحال المسكة...
