¤¤ زوجتي سحــــــاقية ¤¤
بالدارجة المغربية
كتابة: //djkayz//
--------------------------
كالسة ذات الكرش المنتفخة فوق السداري و جامعة يديها عندها...كتنتاظر على جمر يجي حبيب القلب...سمعات صوت خطوات كيقربو وهي تقاد كلستها و بدات تحنحن علات عنيها و يديها كيترعدو...راه هدا الحب ا خوتشي و الحب مامعاهش اللعب.
و لكن خاب ظنها ملي شافت حسنة هي لي داخلة ماشي دريس.
حسنة كلسات حداها: اوا ابنتي ياك ما قنطتي؟؟
غيثة بنفي و ماعاجبها حال:لاآ غير لقتيني ساهية !! فين هو ادريس؟؟
حسنة خرجات فيها عنيها ها ضسارة لي ما بغاتش: خوك ادريس خرج مع واحد البنت صاحبتو. ناوي معاها الحلال ان شاء الله غير يلقا خدمة يخطبها.
غيثة حركات راسها بالإيجاب سحاب ليكم تقلقات؟؟ او كتنتاظرو نقول قلبها تحطم؟؟ لا...لا هادي غيثة مولات الكريشة لي ماعندها نفس ولا كرامة.
غيثة بتساؤول:شكون هادي؟؟
حسنة غير كضور عنيها بحال البومة :مكتعرفيهاش ا بنتي.
غيثة صغرات عنيها في حسنة ...راه وخا تكون خبز ربي في طبكو تعرف بلي حسنة غير طالقة السلوكية المرأة ماكتعرفش تكذب بتااااتا
حسنة حمحمات ملي شافت تخنزيرة غيثة: احم...راني وجدت ليك الحمام...نوضي حكي راسك و زولي الوسخ.
غيثة عقدات حجبانها باينة ليوم تنتف هاد الشارفة من صباح وهي تحشي لي الهضرة بطاي طاي: اشنو؟
حسنة بنية صافية ماقصدات والو مسكيينة : قصدت تزولي ريحة الغاز و العافية لي لصقات فيك.
عيثة وقفات:وخا علاش لا اخالتي....لقتني محتاجة ليه.
حسنة وقفات حتى هي : اايه تبعيني.... نعطيك الحوايج و شمبوان.
خرجات حسنة من الصالون و اتجهات لدروج لكيطلعو للطابق الثاني و ست الحسن و الجمال من وراها.
عند الفارس المغوار و خاطف القلوب
كان شاد طريق للقهوة داير مع صحابو يحضرو للماتش. ماعرف لا كيفاش ولا فوقاش حتى وقفات عليه واحد تيتيزة...اش نقول لاطاي هاربة زوينة و شابة
خلود زولات النظاظر ديال الشمس من عنيها: كوكو فين سهيتي؟؟
إدريس كيسقي عينو بالجمال: اوووااااه هادي انت؟ بالرب ما عقلتك!!
خلود دورات عنيها في شاريع لي كان خاوي و سيدة بدات تزعم، قربات منو وشدات من الكول ديال القاميجة: ويلي نسيتيني؟
إدريس بلع ريقو كيشوف البنت لاسقة فيه: لا لا (بلع ريقو للمرة ثانية) غير تبدلتي!!
خلود غمزاتو: كيفاش تبدلت؟؟
إدريس بدا يسخن و الشيطان حضر : انا قصدت (ضور عنيه ليكون جاي شي احد من جيران ولا صحابات موو و يشوفوه مع خلود و يوصل لوالديه لخبار) المكياج بدلك وحتى (شاف في شبر د ثوب لي لابسة):قبايل كنتي بعيدة شوية مشفتكش مزياان...
خلود قربات فمها من فمو: انا كنت بعيدة؟؟
ادريس عينيه تعسلو و حتى هو قرب وجهو منها حتى ولاو لاصقين في بعضياتهم: ااه....
خلود شافت فيه لثواني يلاه بغات تبدا شغلها و تسخن الطرح.....حتى شعرات بماء بارد تخوا عليهم من الفوق...
علاو عنيهم و شافو إمرأة اربعنية كطل من شرجم حازمة راسها بزيف حياتي وفي يدها سطل قدو قد السخط...
عاقدة حجبانها و ماعاجبها حال خنزرات فيها مزيااان و طلقات حلقها : لا خرجو الناموسية و ديرو المنكر في الزنقة....
ولات عندنا هنا دار دعارة ...الله ينعلها تربية.
وانت يا الصلكوطة عنين البومة شوفي فيا....
خلود فتحات فمها بصدمة و جسمها كلو فازك. اما سيدهم المبودر فجمع فمو بتقزز من الماء لي كان موسخ.
إدريس رفع عينو في المرأة و حتى هو على سبة شاعل:مالنا اش نديرو؟؟
الأربعنية وجهها مقزدر ماتحشمش: قول اشنو ماديروش ا صلكوع لي عندو شي 5 سنتيم يجي يفوح علينا بيه زعما الرجولة.
إدريس حس بيد كتجرو من كتفو ضار وشاف في خلود لي الماسكارا سحات ليها و الروج حتى هو اما شعر خلاص.
تقول غير الجوكر. .
خلود: عفاك ا ادريس خلينا نمشيو بحالنا بلا شوهة. هاد شيئ هيجبد ليا المشاكيل.
إدريس شاف فيها و شاف في المرأة لي مزال كطل عليهم قلب عنيه و زفر بضيق: زيدي.
خلف وهي تابعاه من اللور...
خلود: إدريس...
شاف فيها عاقد حجبانو: اشنو؟؟ باغا شي حاجة؟؟
خلود بدات تتمسكن و تتحلون: واقيلا هاد شيئ بسبابي(وهبطات يديها كتلعب بصدفة ديال قميجتها) سمح ليا.
إدريس شاف فيهﻻ لبرهة: من بعد ا خلود من بعد.
خلود حركات راسها بالإيجاب و شدات ليه في مرفقو: نقول ليك واحد الحاجة؟؟
-إدريس وقف وشاف فيها: اشنو؟؟
خلود ابتاسمات وهوما يظهرو غميزات الزين لي عندها: صافي نسا.
إدريس معصب بوحدو: دوي ولا سكتي.
خلود تنهدات: وقيلا باقي مقلق؟؟ ولا انت من نوع ديال غير تصاحب مع الوحدة كتقلب عليها؟؟ مالك تبدلتي؟؟
إدريس شاف فيها لا بل خرج عينو فيها كيقول ليها واحد المخ قجها و خليها مرمية تما:فوقاش تبدلت عليك وانا عاد تعرفت عليك اليوم ( احح هاد القمعة شحال خايبة ما يعرفوها غير لي المقموعين بحالي)
-خلود خرجات عنيها ويلي مال هدا تسيف عليها...
اما هو مشا مكمل طريقو مخليهاا واقفة....
يتبع ......
مقتطف من الفصل الموالي...
وقف متجمد و عينيه خارجين...
كيشوف فيها وهي ملوية شبر ثوب على جسمها الممتلئ و الماء كيقطر من شعرها و حنيكاتها مزنكين طاح عليها واحد سر اش هنقول ليكم ... سهاا فيها في هاد لحظة وبدا يقرب منها سيد ليوم ناوي يضرب شي طرح ملي مصدقاتش ليه مع خلود يجرب مع غيثة....
قرب وشد ليها كتافها العاريين.... ونطق بين شفاهو بهمس: غيثـــــــة
←←←←←←←←←←
YOU ARE READING
زوجتي سحاقية((بالدارجة))
Romanceزوجتي سحاقية. قصة بالدارجة المغربية..... الزواج الإجباري أمر ماشي غريب على شخص ضعيف الشخصية و عندو عائلة متسلطة...وهو منهم تحط امام امر الواقع لهو "الزواج الإجباري" و طيحو القدر انه يتزوج بنت حومتو. و آجي نشوفو هاد بنت حومتو...لدايرة بحال المسكة...
