زوجتي سحاقية
لابسة عباية باهتة وملوية عليها زيف بعشوائية تحت عنيها هلات سوداء كيوضحو الليالي لي منعساتهمش و سهرات فيهم و هي كتخمم...
قلبها مقبوض عليها....بالها مشغول على ولدها لي غبر عليها يوماين.....
بين يديها قفة صغيرة تسخرات فيه....وهي ناوية تعرض على حنان للعشا . و يتناقشو في موضوع أولادهم!!
مستحيل تسمح لهاد المهزلة تطول كثر من هاكا....بغا تعرف آش وقع...
غيثة... ماشي نوع البنات المفضلين عند ولدها....
ولكن شيئ لي شافتو بعنيها...ولي سمعاتو بوذنيها كينفي هاد شيئ.
تنهدات بضيق و استغفرات ربها....كتدعي انه الامور تتحسن. ويكون هادي مجرد آزمة و هتفوت......
.............
عنيها تغرغرو بدموع....و كتحس بدقات قلبها هتوقف....
باغا ترمي راسها و فنفس الوقت مباغاش.....
باغا ترتاح من هاد المشاكل و صداع باغا ترتاح.
كتشعر بأنها عيات....إكتافات من كلشي....
الكأس فاض....و مابقا ليها فين تزيد....
كثر من عشرين عام...وهي صابرة على الاستهزاءات
وعلى نظرات التقزز....كلشي كيشوف فيها بدونية...
كلشي بدون استثناء.......
حتى من شخص لي دق ليها قلبها. كيكرهها آشد الكره!!
مكيطيقهاش لأقصى حد!! بدون سبب!!
عمرها ما آذاتو!! ولا فكرات تآذيه.....
كانت كل ليلة كتبكي ملي كتشوفو مع شي بنت....و الغيرة كتشعل في قلبها.....
كانت كتحرق ملي كتشوف الدراري كيحكرو عليه و كيضربوه خصوصا ملي كان كيتحشش.... وكيمشي مع شي دراري ماشي حتى لتم....وبعض الاحيان كيشدوه كيهلكوه عصا....حتى كتكون روحو هتزهق........
كانت كتحزن ملي ماماها كتسبو و تعايرو....و كتصدها و تبدا دافع عليه....وخا تضور فيها المهم عندها انه تبقى صورتو نقية في عنيها
هي كانت كتبغيه كثر من أي واحد!!
وهو كان كيكرها كثر من أي واحد!!
وضعات يديها كاتمة شهقتها لي خرجات بدون إرادة منها.....
و رغبتها في أنها تنهي حياتها كتزيد.....
و السؤال لي يكضور في راسها هو!!
شنو ذنبها اذا كانت ضحية أم قاسية؟!
أم حبساتها وهي في عمرها 10 سنين على القراية....حرماتها من الخروج وخلاتها في بيت مشدود عليها!! لمدة 4 سنين و نص.....
عمرها شافت فيها الضوء....ولا شمات فيه الهواء.....
شدات عليها بالمفاتح فهاد الغرفة الصغيرة......
حتى!! لقات راسها مرضات....تعقدات....و حقدات على كلشي.....
وكان حبها الصغير....هو شيئ لوحيد لي مزين حياتها الكحلة.
:رمي راسك....و موتي!!
ضارت غيثة و عنيها مغرغرين بدموع...و شافت ماماها لي جامعة يديها عند صدرها و نظراتها الباردين موجهين ليها: زيدي رمي راسك آش كتستناي؟! قتلي راسك...حيث موتك حسن من حياتك!!
غيثة شافت فيها و داخلها قلبها كيتمزق.....روحها كتتقطع....
حنان: آش كتستناي رمي راسك....و موتي....ريحي راسك و ريحينا معاك!!
غيثة رجعات شافت جيهة شرجم...و حطات رجلها لى نافذة...وشبتات راسها بيديها....وجهات نظرها لتحت!!
-حنان شافت فيها بتمعن: مهتقديش ديريها....حيث انت غير ديك الخوافة....لي كتعرف غير تبكي.....كتعرف غير تهدد
وكتعرف غير تهضر.....انت هي لي..........
قبل ما تكمل كلامها كانت غيثة طلقات يديها على حافة شرجم و اندفعات للأمام رامية راسها........
يتبع.......
YOU ARE READING
زوجتي سحاقية((بالدارجة))
Romanceزوجتي سحاقية. قصة بالدارجة المغربية..... الزواج الإجباري أمر ماشي غريب على شخص ضعيف الشخصية و عندو عائلة متسلطة...وهو منهم تحط امام امر الواقع لهو "الزواج الإجباري" و طيحو القدر انه يتزوج بنت حومتو. و آجي نشوفو هاد بنت حومتو...لدايرة بحال المسكة...
