زوجتي سحااقية💞
في طابق الثاني و بضبظ خلف داك باب الغرفة المغلقة....
#في بيت غيثة.....
كالسيين بزوجهم والصمت رفيقهم....منزلين راسهم للأرض وكل واحد كيفكر....
-حنان وجهات نظرها لبنتها....نظرات زارعة فيهم ثقة لإبنتها الوحيدة....
ثقة ماشي اتهام من عجوز يزحزحها...
ثقة لعند حنان...هي نفس الثقة لي معندش حسنة....
نطقات بعد ما وجهات نظرها اتجاه غيثة:بيناتكم شي حاجة؟؟
غيثة شافت فيها لثواني وردات عليها:لأ...
حنان بلعات ريقها و كلسات قبالة بنتها: متخافيش!!غير دوي....
غيثة شافت فيها حتى هي لثواني...وارتاسمات ابتسامة بلاهة على فمها: ياك ماثيقتي؟؟
حنان تنهدات:اه ثقت اغيثة؟؟ ثقت.....
ثقت في لكلام لكلام لي كتقول ديك شارفة....لي طار ليها العقل....ديك شارفة لي ولات بحال الحمقة ملي شافت ولدها مع بنت جارتها العريانة في الحمام...
غيثة:لا....كندوي على انك ثيقتيني انني هبيلة ا حنان!!
بنتك ا حنان ماشي هبيلة....بنتك عارفة لي متعرفيش انت و لا ديك العقروشة لي لو مكانش ادريس كنت درت ليها السم....
حنان هبطات راسها للأرض وهي كتخزي راسها...كأنها نسات وعاشت مع الدور لي كان من إخراجها....
غيثة: سكتي؟ ياك مافكرتك؟؟ فشكون انت ا حنان؟؟
شافت في بنتها وعضات على فكها:سكتينا ماشي وقت تبوهيلك...واش بينكم شي حاجة؟؟واش هداك المخنث ولد الحرام!! قرب ليك؟؟
غيثة ناضت من ناموسية وكملات كلامها كأنها مسمعات والو : خليتيني نبان هبيلة حداهم كامليين!!علاش؟؟ باش نتزوج.... في الأخر اش وقع؟؟ بقيت بايرة كلشي كيشوفني ديك المكلخة(ضربات راسها بجهد حتى طارو خصلات شعرها لي مزال سارد) خرجتيني من المدرسة وبقيت كنتحك ونتفقص حتى مرضت بالسكر وانا في وسط العشريين....وهاهي نتيجة(شافت فكرشها لي خارجة و فورمتها لي عامرة) مرضت بالسمنة....حتى وليت بحال البوديزة....
غيثة واصلات لومها بعد ما عمرو عنيها بالدموع: باغيين الحادكة مبغينش القارية هاد شيئ لي قلتي....
القراية ماعندها باش تفيدك...
سكت وحنيت رأس....وقلت كلشي الا سخط الوالدين...
صبرت وصبرت....وانا محبوسة في اربع حيطان مانخرج ما ندرج....
قلتي ليا بقاي في داركم حيث لي باغي يتزوج هيتزوج بنت دارهم ماشي بنت الزنقة....
قلنا هي تعرف في دنيا كثر مني..... وحتى على هادي حنيت رأس....
بقيت جاهلة و الآمي يعرف حسن مني...
لا نعرف نكتب ولا ندوي...ولا خلتيني نعرف بحال لبنات للباس و تزواق الوجه
لعبتي بيا كيف شي مونيكا وصبرنا....قلنا هنتزوجو ونهرب منك....نهرب من كلامك....ومن سيطرتك
نساليو من لعبة السيد و القن...اه درتيني قن ماشي غير عبيد.....
حسبتيني مونيكا ماشي بنتك.....كل شيئ باش تزوجني...علاش؟حيث مخرجتش زوينة؟؟!! بحالك؟؟ وبحال كااع بنات العائلة و جيران
خرجت مذمومة في وجهي....
جا الحكم الثالث على القن الضعيف...وقفتي حدايا وانا عمري 16 عام...وقلتي خاص نكون نية ...خاص ندير راسي ماعارفة والو "الصم البكم" قلتي رجال كيعجبهم المرا لي تكون نية وتحني ليه راس ...ردتيني بهلولة وانا بعقلي لي يشوفني يقول راهي البوديزة المبهللة جاية....
YOU ARE READING
زوجتي سحاقية((بالدارجة))
Romanceزوجتي سحاقية. قصة بالدارجة المغربية..... الزواج الإجباري أمر ماشي غريب على شخص ضعيف الشخصية و عندو عائلة متسلطة...وهو منهم تحط امام امر الواقع لهو "الزواج الإجباري" و طيحو القدر انه يتزوج بنت حومتو. و آجي نشوفو هاد بنت حومتو...لدايرة بحال المسكة...
