زوجتي سحاقية((بالدارجة))

[ 1 ]

{زوجتي سحاقية}

"كذبة محتال جعلتني موصومة بالإثم و العار"
بارت 1

في إحدى الأحياء الشعبية...شيى حاضي شي....
وهذا كيعرف هذا....كلشي فاتح باب دارو....
و الجارات مجمعين مع بعضياتهم شادين نميمة...
و الرجال مقسمين ل 2 انواع
شي كيضرب تمارة باش يجب طرف د لخبز لعائلتو
و اانوع الثاني مخشي في القهوة كيلعب الضاما او كيقمر مت صحابو على مبلغ مالي زهيد.......

وهو منهم...كالس في القهوة الوحيدة لي متواجدة في هاد الحي و حاط  رجل فوق رجل.....شاد تيلفون جديد كيلمع بين يدو
لابس سروال كحل و قاميجة كحلة....زعما راه كئيب وعندو شخصية غامضة.
البنت لدوز حداه يبقى متبعها بعنيه و كيعبر فيها حتى تغبر عليه....
وكل شوية يسكف من كآس اتاي لحداه.
سمع صوت تيلفون كيصوني.
هزو وهو نافخ شفايفو زعما راه شخصية مهمة.
-......:آلو؟؟
.....:إدريس؟؟ ا فينك ا جدمة؟؟
-إدريس قاد جلستو و نطق:الواليدة؟؟ آش حب الخاطر؟؟
.....:راه باغية نصبن ولقت تيد سالا....جيبو معاك واجي لدار باش تحك معايا زرابي.
ادريس خرج عينيو و نطق بخفوت باش ما يسمعو شي احد: وراه 2 دراهم لي في جيبي ا لحنانة.
-حسنة:سلعة المزاليط....سير عند حسن"مول الحانوت" قول ليه قيد حتى تخلصك "مي"
-ادريس حك نيفو بصبعو و نطق :وخا...ا لواليدة.
قطع الخط وحط تيلفون في جيبو.. وناض خارج من القهوة حتى وقفو السرباي.
السرباي:االلله ا خويا ادريس حتى اليوم مهتخلصش؟؟
ادريس حك راسو بإحراج:راه درهم هو لي في جيبي ا لخاوة (كيف رجع 2 دراهم ← درهم متسولونيش)
-السرباي:والله ا خويا دريس حتى حماضيتي...
راه مول القهوة مابقا عاجبو حال(....)
و كمل السرباي ديسك اامعتاد ديال الخلاص لي متعود عليه!!
و  خرج من القهوة وهو مكمش حجبانو من آشعة الشمس لضاربة في وجهو...
قطع طريق متاجه لحانوت "حسن" يجيب لي قالت ليه مو. حتى دازت حداه واحد التيتيزة آش نقول ليكم.
و مع خوكم عينيه زايغة يموت في تيتيز.
وقف وبقا متبعها بعنيه...حتى نطق.
-إدريس: بس...بس...زين؟؟
البنت شافت فيه وضحكات واحد الضحيكة...وآش نقول ليكم خوكم إدريس تزعط....
-إدريس قرب منها و ضحكة واصلة ليه للوذن:اوا زين مخطوب ولا كيستنى المكتوب.
البنت ابتاسمات ليه و حركاتها راسها بنفي....
إدريس تكا على واحد الطومبيل كانت مسطاسيونا تما و ربع يدو...داير فيها صعصع و واعر:  وآش سميت هاد زين؟؟
البنت طلعاتو هبطاتو بعنيها وبلا كذوب حتى إدريس واخذ حقو في زين:سميتي خلود.
إدريس كيطلع و يهبط فيها :اواااه سمية زينة بحال مولاتها.
خلود رجعات شعرها من وراء ودنيها و ابتسمات ليه من الوذن للوذن....
-إدريس: اوا ا لغزالة متعطينيش نمرة؟؟
خلود غير كتبتاسم بحال الحمقة وحتى هي
باينة عجبها:0607805698
إدريس ناض من طوموبيل:بالليل نبيبي"نعيط" عليك.
خلود حركات رآسها بالايجاب:مهتسجلش نمرة في تيلفونك؟؟
إدريس شد قلبو وغمض عينو بحال كيتألم:نمرة تسجلات هنا"شاف في قلبو"
خلود مزال كتفرنس :ههه والله حتى عندك مع ضحك. مكرهتش نبقى معاك ولكن خاص نمشي....
إدريس شدها من يدها:ا بلاتي(جبد 20 درهم من جيبو...بلا ماتقولو ليا راه عندو غير درهم ومنين جاب الفلوس وداك شيئ والله اخوتي ماعارفة)
إدريس:خودي هدا شري بيها تعبئة...باش فوق ماتوحشيني تعيطي ليا.
خلود شداتها وخشاتها بين صدرها وهي متعمدة دير هاد الحركة الخبيثة و السافلة.
خلود رمات ليه بوسة في الهواء:سمح ليا...خاص نمشي راه الواليدة هتعصب اذا تعطلت....
إدريس غير قالت الواليدة تفكر ماماه لشي نص ساعة باش عيطات ليه.نااااري قفرها.
بلع ريقو:بسلامة ا زين(كلشي ينساه من غير تعناب)
مشات خلود وشعرها لصابغاه في البني طويل و رطب على مزيناتو..... وكتعوج الطرمة مع هي لابسة غير سروال جينز مطرطق . وباينة فيها فرفارة....و في عقلها مونتيفات.

-إدريس:اححح على توت ولا في الحومة كيضور.

مشا كيكمل طريقو وهو كيفكر في خلود و بعض الافعال الخبيثة التي ستخرب عقولكم البريئة ...
وصل للحانوت ودخل مدرم....
إدريس:عمي حسن...عطيني تيد يرحم بوك راه الوالدية واقفة عليه ضروري.
حسن جبدو وحطو حداه: 5 دراهم ا ولدي.
-إدريس: و الواليدة هتجي تخلصك.
حسن طلعو وهبطو بعنيه: اهيا الولاد ديال آخر الزمن. كتتسنى مك تخلص السخرة وانت فايتها في الطول و عرض الكتاف.
إدريس شد تيد في يدو وخرج ماعندنا مانديرو هاد الولد ماعندو نفس...
كمل خطواتو حتى وصل لدارهم....دق وفتحات ليه نبع الحنان"مو"
-إدريس داخل مدرم: ها واحد السلام و عليكم .
حسنة شدات الباب: فين كنتي ا ولد الحرام؟؟
إدريس زول صباط و بانو تقاشرو متقوبين: و وقفت مع واحد خونا على واحد الخدمة.
-حسنة على نيتها سحاب ليها بصح: اوا؟؟
-إدريس:مسلكاتنيش...قالو ليا نهز الصنادق في المارشي ب 20 درهم للنهار....
-حسنة حطات يديها على حنكها: ويلي على ولد الحرام. مزال ماهداك الله تخدم بحال سيادك؟؟ هتبقى كالس ليا فوق سداري و كتتبع المسلسلات ؟؟ بحال الولية؟؟
-إدريس: و الواليدة راه ممسلكانيش 600درهم للشهر....راه ما خدمة ما حتى زفتة
حسنة زفرات بضيق: طلع للبيت وزول زرابي وطلعهم للسطح...وحكهم
هاد شيئ لصالح ليك ا وليدي....
إدريس طلع يحك زرابي...وعندو هاااانية
ممسوق لآحد.....

يتبع.....