زوجتي سحاقية
_بالدارجة المغربية_
__كذبة محتال جعلتني
موصومة بالإثم و العار__
حلّ الصباح...وبدا نهار جديد.....
كالس إدريس فوق السداري وهو كيفطر....تحت عنيه زاد زراق بسباب دق باباه....علا عينو في خلوذ لي كانت شادة القنت وحاطة يدها على حنكها كتخمم...
ادريس نزل الخبز و شاف فيها: مالك؟
-خلوذ تنهدات: واش قلبك مهنيك؟ مكيضركش؟
ادريس راه ديك المراة لفعة...مكنعرفهاش ولكن لي عاودات ليا عليه خالتي كافي....راه تقدر تغرقك....
-ادريس جمع يديه عندو: راني اصلا غارق....درهم هو اللخر معنديش في الجيب....لا ديبلوم...لا خبرة.....ولا خدمة ساهلة في هاد البلاد....صحاب حتى هوما قلبو عليا....
حتى لو مفتحتيش ليا باب دارك راه كنتي هتلقايني بايت في زنقة....
-خلوذ حكات نيفها بتوتر: منقدش نخليك معايا بزاف....راه يوماين و ترجع خالتي....
_ادريس: عارف....اصلا هنضبر الحل هاد الليلة...وأجي تفطري و متندميناش علاش عاودنا ليك....
خلوذ إبتاسمات و قربات لطابلة: وليتي تعرضني...وانا في داري؟
ادريس بادلها الابتسامة و نزل راسو كيأكل .... كرشو هي الاهم في الحياة.......سحاب ليكم يشد القنت و يتحسر😏 طوز
#
حنان كالسة في الصالون مع غيثة......وكل وحدة فيهم شادة سداري....
-حنان كتشوف في كأس لي منزل فوق طبلة : شربي...داك شيى راه اخر مرة ندوي معاك.....
-غيثة قلبات عنيها : اووف اش هاد شيى ا حنان؟؟(هزات الكاس و شماتو) ياك ما حاطة ليا فيه شي سم؟
-حنان بضيق: مكرهتش نديرها ليك....دابا شربي داك شيئ راه غير الما دافي مع الليمون....كيقولو شربو على الريق كيهبط الشحمة....
-غيثة نزلات الكأس: عرسي قرييب ا حنونة.....
حتى لدار راجلي و نرقاق.....اما دابا هياخذني كيف ما انا
و يبغيني كيف ما انا....
-حنان هزات الكأس و شرباتو في دقة وحدة: لهلا لمك....انا لي يهودية كنفكر فيك.....
-غيثة طلعاتها و هبطاتها: متخرجيش فيا عنيك ا حنان...
حنان: مالي كنت كنلعب معاك في صغرك؟
قالت ليك حنان حافية؟ شفتك مبقتيش تحشمي.....
غيثة ناضت من سداري: انت لي شفتك مبقيتيش تخافي....
خليني نسكت و نسترك....راه اذا فتحات لالاك غيثة فمها....هيرميك بابا لزنقة ويجيب لالاك تخدم عليا....(حطات يديها على فمها) نسيت...راني مهنبقاش في دار با...و هنمشي لدار راجلي.....(غمزات ماماها) ولكن مزيان منها نية بابا يعيش الحياة باركا ثلاتين عام ديال المرض و القيفار معاك.
قالت كلامها و مشات خلات حنان كتخزز في الخليقة لي ولدات....
........................................
-غيثة كالسة فوق الناموسية...ومتكية راسها على الكادار....
كترسم أحلام اليقظة مع فارس أحلامها.....
كان بالنسبة ليهاصعب المنال....ولكن هاهو زهر جمعهم....
او نقولو المجمار لي جمعهم.....يمكن بصح إلتجءات لطريق الشعوذة باش تكسب مرحلة من مراحل نجاح خطتها ولكن
متنكرش ان الحظ كان عندو نصيب....
وحتى عكوزتها الشارفة كان عندها دور(إبتسمات ملي فكراتها) خاص تلقا ليها حل في اقرب وقت تتهنى منها....هي باغا تعيش هاانية مع حبيب قلبها إدريس..... بلا عكوزة ولا شيخ....ولا ضرة....باغا تكون هي بوحدها لي في حياتو...ولي قرب ليه تنفيه.....ولو كانو والديه......
تنهدات بحب و ضمات يديها لصدرها.......
يتبع............
وجدو تكاشطكم ا درياات راه العرس قرب.......
YOU ARE READING
زوجتي سحاقية((بالدارجة))
Romanceزوجتي سحاقية. قصة بالدارجة المغربية..... الزواج الإجباري أمر ماشي غريب على شخص ضعيف الشخصية و عندو عائلة متسلطة...وهو منهم تحط امام امر الواقع لهو "الزواج الإجباري" و طيحو القدر انه يتزوج بنت حومتو. و آجي نشوفو هاد بنت حومتو...لدايرة بحال المسكة...
