زوجتي سحاقية((بالدارجة))

20

زوجتي سحاقية
البارت _20_

في بيت خلوذ....وبضبظ على نموسيتها ناعس إدريس وهو شبه عاري كيحك ذقنو...
يمكن تسرع في قرارو باش يقضي ليلة غرامية مع خلوذ....ومكانش وقتو....(شاف في الإيزار لي مكانش عليه و لو بقعة دم)
غمض عنيه بندم اكبر...حيث الطامة الكبرى انه الأنثى لي وضع عليه يدو....مكانتش عذراء....ويد رجل اخرى لمسها.....
تفتح الباب و دخلات وهي مزنكة شعرها فازك لي كيوضح انها كانت كدوش.....
ناض من الناموسية و توجه باش يخرج من البيت يدوش....
خلوذ: إدريس.....راه.....(فركات يديها مع بعضياتهم)بغيت نقول ليك واحد الحاجة.....
إدريس شاف فيها و قال مستهتر و مستهزء بنبرة مستفزة: ياك ما كانت عند بيكالا و انت صغيرة؟
-خلوذ بلعات ريقها: دريس مكنضحكش.....
إدريس دوز يدو على شعرو: متصدمش منك ا خلوذ ....
حيث من دقيقة لي شفتك عرفتك هتكوني هاكا....
خلوذ : مدويش هاكا!! متديرش راشك بحالا مكتعرفنيش ا دريس ....
إدريس: حيث بصح راني مكنعرفكش ا بنت ناس....انا يلاه سيمانة باش تلاقيتك....و ماكنعرفك ما كتعرفيني....
(طلعها وهبطها بنظراتو) متصدمتش ملي سلمتي ليا راسك بكلمة معسولة مني....ومتصدمش ملي عرفت شمايت قايسينك....
ولكن تصدمت لي فتحتي باب دارك في الوقت لي كلشي شد باب دارو....... تصدمت من راسي كيف وليت كندير حوايج وانا مواعيش...
-خلوذ تنهدات و حاسة براسها حابسة البكية....حسات بالذل ومكرهاتش تنتف راسها: والله ماحط عليا شي راجل يديه....
ادريس طلع فيها عنيه باش يلوح ليها كلمة مستهزءة....ولكن لقا عنيها مدمعين و سبقاتو بالكلام: كنحلف بالمصحف والله لي خلقني و خلقك ا دريس بلي عمر شي راجل ما حط عليا صبعو...كنحلف من تراب لي تصنعت انا و تصنعتي وانت...و كنخلف ليك بالنفس لي نفت فيا ربي.....

عطاها بظهرو وخرج من البيت....بلا ما يتسنط لديسك ديال الحلوف و القسم ديالهة

اما هي مشات كلسات فوق الناموسية و حوطات راسها بين يديها لي كيترعدو....
-خلوذ: آش درت يا ربي آش درت(زيرات على راسها) لقااي شي كذبة ا خلوذ لقااي

#
حسنة كالسة في صالون وهي حاطة يديها على راسها....عنيها حمرين و منفوخين بقلة نعاس....وجهها صفر....و ملوية عليها شال خفيف في الموطارد.....
قلبها مكوي على كبدتها لي معرفاتو فين بايت وفين صابح.....(معارفاش بلي وها راه كيذوق الحلوة🙂🙂) 

يتبع..........