عشق

تنويه

بنوتات نشالله بعد الجزء الثاني نبدا نكتب روايات حقيقية يعني صايرات في الحقيقة وابطالها عايشين معانا..
من زمان نحب نسرد بقلمي كلام حقيقي وصاير
كانت عندي الفكرة من اول ماقريت رواية غاليتي للموهوبة شهرزاد..
وكذلك انا من الناس للي نقرا روايات عراقيات
رواياتهم سماح بكل بكل
وكلهم حقيقيات وابطالهم عايشين معانا
ببساطة تعرفت اكثر علي طريقة عيش الشعب العراقي
وخذيت عليهم غير نظرة
ناس طيبة وبسيطة ويهبلوا ..
عرفتني علي الشعب العراقي وعلي مدنهم
يعني رواياتهم وقصصهم كانت نافذة نعرف بيه طريقة عيشتهم ولهجتهم والسني والشيعي وحرب الطوائف هوااية كومه سوالف واني احبنهم لانهم كلللش حلوين❤
كنت نحسب العراق دولة داعشية بس طلعت غيررر
قعدت من احلامي نزروها يوم من الايام..

لهذا قررت من يوم وغادي نكتب زيهم حقيقي
وحاليا عندي قصص بس مافيش قصة جذبتني
نبي قصة مشبعة بالاحداث والعبر..
نبي نفتح نافذة من صفحتي للناس عشان يعرفونا ويعيشوا بين اورقة حكاياتنا
طولت عليكن نعرف
المهم اي بنت تبي تشارك قصتها وتكون قوية مش قصة وخلاص..
اي وحدة حابة تشارك تجربتها مع الحياة او حتي تجربت غيرها
وتبينا نستفيدوا منها ونتعلموا من اخطاءها
تخشلي ونضمن لكم السرية التامة وتغير المعلومات الشخصية اخري..

اين ماكنتي جنوب شرق غرب دواخل ليبيا عندك حكاية خشي عليا💜