عشق

البارت72

عشق72
سيدرا💫💜
.
.
‏خروج بعض الناس من حياتك .. رحمة من اللّٰه لاتدركها إلا مع مرور الوقت
.
.
قلبّي كان قوي وكنت إنسان سريع التجاوز، شن صايرلي توا ؟
.
.
__________________

غرام...

بعد ما رجعنا للبيت
كنت حاسه بالراحة ان هيام مرتاحة
كنت فرحانة عشانها واجد
اظن ان الحياة ظالمة تعطي انسان كل شي
وانسان ثاني يتمني في شي واحد...

اليوم كنت في العمل
وفي لحظات عملي صفنت
نتذكر كلام وهاب
مايبونيش لاني من دون اصل
كيف من دون اصل
انا بنت حلال
من اب وام متزوجين بالحلال
شنو ذنبي اذا كان ولدت في عائلة متفرقة؟
شن ذنبي كان ولدت يتيمة؟
ليش قلبي يتوجع؟

قررت نمشي ومعش نرد
عشق تطمنت عليها عندها اجمل عيلة
وهيام شفت كيف معاملتهم لها
انا لازم نمشي
نبي نحقق ذاتي
نبي نسافر في كذا دولة
بلكي ننسي
المجتمع الليبي صعب ينعاش فيه
نرجع لجدتي وخالو
يحبوني
اما خالتي ههه لا خلاص من الواضح نستني
مانبيش دور الضحية
نبي نعرف نفسي ونعرف ايش نبي
معقولة اصبح اقصي طموحي نكون اسرة
عادي غرام عادي
بالناقص من وهاب
نسافر ونتبني طفل
باهي من اي دولة
في الهند في واجد ايتام
او الصين
او مصر
او سورياا
اها نقدر نساعد الناس
انا هكي نحب
انا ليش جيت لعشق عشان نساعدها
ومش بس نساعدها
لانها اختي وقلبي ديما لها
بس برضوا عشان نساعدها
نحب نشوف الناس فرحانين
نتطوع في منظمة لحقوق الانسان
اوكي تمام عرفت ايش نبي❤

اليوم نقدم استقالتي يكفي وجع
هنا نحس بنفسي مخنوقة واااجد

مشيت لمكتب حيادر
فتحته من غير نستأذن
فز لان كان غاطس في الاوراق ومش منتبه
قال بعتب : مش.نقولك ديما طقي ع الباب انسة غرام
غرام بخجل: اسفة استاذ اخر مرة انشالله ازعجك فيها
حيادر : قولي علاش جاية هني مش عادتك
غرام: احمم استاز بدي قدم استقالتي
فتح عيونه بقوة بصدمة: السبب
غرام ابتسمت: منشان رح ارجع سافر واطلع من ليبيا كلها

بلع ريقه: ومعش تولي اهني
غرام: ممكن في العطل اذا الله راد زور اخواتي
حك شعرا من وراء وقال: يعني ك زيارة
غرام: ايه استاز ك زيارة

عض فمه ويدا علي لحيته الرصاصية نزل عيونه يشوف في الاخر وبعداا ركز فيا كح وقال: شن نقولك كان بودي
ان نعطيك طلبك بس بينا عقد

غرام: ايه نفسخ العقد مو مشكلة
حيادر: العقد ينص انك تشتغلي اهني سنتين
مزالك ست شهور انسة غرام

غرام: اعرف عادي نفسخ العقد
ابتسم علي جنب: يعني ح تدفعي غرامة

بديت نعصب
كيف يعني كم الغرامة

رفع حاجبه: مدام تدوي بالليبي علاش تتكلمي سوري
تنفست بغضب: استاذ اظن ان هاداا مش موضوعنا كم الغرامة