عشق

عشق30

عشق30
سيدرا💫💜

سمعت بعض الكلمات منا قلبي ماتحملش صدمة زي هذي
ولا انا مستعوبة شي هكي
يمكن لاني بالغت بالحلم في حياتي معاه ،يمكن لاني وثقت اكثر من اللزوم يمكن ان كرهني وينافق فيا
يمكن لان مخادع
لكن مهما كثرن الاسباب ...للي سمعته رجعني لواقعي
مشيت بخطوات مهزوزة للحمام
بكيت بكاء وكأن جديدة ماتت من جديد وكأن بابا اليوم مات جرح في قلبي كبير
انا روحي في مهاب هو عايفني مش متحمل قربي
واكيدة شكلي نسيت نفسي وبالغت في طموحي
مهاب راجل شرقي بطباع شرقية
راجل عربي اصيل حتي لو تطور وتحضر يضل ليبي يرضش علي نفسه ياخذ وحدة كيف حالتي
فتحت الدوش وقعدت تحته
دموعي مع الدوش ينزلوا
عبراتي المكتومة يطلعوا مرة مرة ضاغطة علي روحي
لدرجة مع كل شهقة قلبي يوجعني ينقبض ويرجع ينبض
بعد ساعة وانا في الحمام
نسمع في دقات باب الحمام قلت بصوت نحاول نتحكم في رعشته: ن نن نعم
مهاب: خيرك من بكري في الحمام اطلعي عشقي جهزتلك الفطور
ضغطت علي سنونها وغمضت عيونها : ب بباه تو نطلع شوية
كملت ولفت منشف في شعرها ولبست ديشنبر الحمام
وربطاته
مشت للصالة وشفت مهاب يجهز في السفرة ابتسمت بألم وقلت بهمس: منافق
رفع راسه وبحت فيا أبتسم قرب مني : صباح الخيرات بعروسي
انا: صباح النور
قربت جا يبي يسوبني درت روحي مش منتبه ومشيت جلست علي الكرسي وبديت ناكل
مهاب: طالع يا عشقي اليوم عندي خدمة هلبة
انا: ربي يقويك
مهاب: حطيتلك مصروفك الشهري
انا بأستغراب : مصروف شهري
مهاب: اي 600 يكفوك
انا: مافيش داعي لو نبي شي تو نقوللك
مهاب: لا في داعي اني مش ديما قاعدلك مرات طالع مرات مشغول نقدرش نجيبلك
انا: اممم باهي كثر خيرك
مهاب: انت خيري
انا ابتسمت بهزوة: كيف خيرك
مهاب: انتي الخير للي جي في دنيتي
انا: امممم مشعارفة شن نقول
مهاب خذا كوب العصير وشربه في فم واحد وخذا حبة زيتونة وصبي باسني في خدي : اني طالع تو باهي ومتأخر اخري بس قلت لازم نصبح بهالوجيه الحلو
حط يديه في جيوبه يدور في تلفونه
طق الباب مشي يفتح
طلع وهاب يبيه
نزلوا هما الاثنين
وقبل ماينزل غمزلي ورمي قبلة في الهواء
ابتسمت من قلبي وفرحت برغم الاحساس للي كان جايني ان اخر مرة نشوفه
طلع وهو يضحك وسكر الباب
رجعن دموعي من اول وجديد مشيت للدار تمددت حضنت مخدته وطلقت بكيتي للي ماسكتها في قلبي
شهقاتي تتعالي وعقلي مليان كلام وافكار ومبررات
.
.
____________________
.
.
تتذكر في كلام وليد قلبها لها ، وقلبها يتألم ويبكي بس
رنا نزلتش ولادمعة اقتنعت ان مش نصبيها وحولت كل امل له..
فلاش باك
ركبت في سيارة وليد مع امه واخته زهرة
لا كل السيارات كانن مليانات
تشم في بنة عطرا تركز بوجه وفي ملامحه
حواجبه عيونه واخذة راحتها وتشوف من الخمار كل شي
ايدا لابس خاتم حجرا اسود والساعة سودة لابس سورية سودة...علي سروال جينز اسود علي كويش بيضة بس للي عاكسة اللون
لحيته الغزيرة السودة وشعرا الاسود عيونه المكحلات
تفكر..ليش خلاته خطيبته وهو هكي جميل
ومتضايقة بكل انها ركبت للسيارة لولا احراج امه
.
ام وليد: رنا متريحة
رنا بصوت واطي: اي
ام وليد: حولي الخمار بنيتي اكيد نخنقتي فيش حد براني
رنا: لالا عادي
زهرة: وليد نبي مية
وليد: ماتوا كنتي في عرس ياهمي كلتيش غادي
زهرة : خلاص معش نبي وانت مافيك فايدة
وليد خزر فيها : ضمي فمك خير مانوقف السيارة ونكسرك
زهرة لفت وجها للروشن
ورنا ماسكة ضحكتها
وصلوا وجت رنا تبي تنزل
لان الفيلا امتاعهم تصادر في الفيلا امتاع
وليد: استني يا جارة نوصلك
رنا تمشي بسرعة بالكعب :لالا فيش داعي
تعثرت بالكعب وقريب طاحت وليد شدها من يدها: اسم الله عليك
حولت يدها بقوة وكملت طريقها وهيا انفاسها متضربة
من قربه
وليد: معليش جارتنا عندي معاك كلمتين عادي
رنا: شن
وليد: عندي معاك كلمتين
رنا وصلت في الباب: تفضل خوي
وليد: اني والله يشهد ربي انتي غالية عليا
رنا في لحظة حست روحها بطير
وليد: غلاوتك زي غلاوة زهرة اختي
بس انقصن جناحات رنا قبل ما تطير وتحلم
وليد: اني عارف ان الحاج خطبك والله من راسه
وانتي قتلاش ولي مامرضاه في وخيتي مانرضاه في بنات الناس
وبوكي مش دنبه الدنب دنب بوي ،واني اسف وخيتي كان سببتلك ازعاج ومرة تانية معش ناديلك الا وخيتي ولا جارتنا
رنا حاولت تماسك وماتبينش انها تأثرث بكلامه: صار خير يا خوي وليد
في داخلها قلبها يعيط يقول لا وليد قلبك حبك روحك
طموحك...هدا اولا
لما قالت هكي ابتسم ابتسامه جانبيه وبانت فيها غمزاته
ورفع حاجبه
تانياً مشكلتي اني وبوي انت ولا عمو مالكمش دخل
وبيني وبينه
وليد هز راسه بأيجاب
رنا: تالتا
وليد وسع عيونه بصدمة من عجرفتها
رنا: لا تقولي ولا نقولك اني مش اختك ولا تقولي جارتنا
اني عندي اسم وهو رنا
وليد: اي باهي يا رنا كويس
رنا: اهمم تمام تبي شي
وليد: لالا سلامتك شكرا
مشي بسرعة
ورنا تنفست بعمق ، واخيراً قطعت الشك باليقين
وقررت تقلب صفحته من صفحات حياتها وتحرقها...
.
.
نجمية كانت في دراها وتبكي
جاها راجلها عبدالكريم
عبدالكريم: علاش تبكي قولي
نجمية: بناتي يمشو وحدة وحدة شوي وتمشي رنا وتخليني
عبدالكريم: وهاب مزال طايش قاعد في الرقبة تخافيش
ورنا سكت
نجمية مسحت دموعها: عاد بنتك وتربايتك انتوا الزوز اعند من بعض
عبدالكريم : اني نبي نطمن عليها يانجمية ، رنا شخصيتها قوية هلبا وعارف انها روحها في وليد
نجمية: شنووو
عبدالكريم: مرة كاتبة في مذكرة ليها وليد قلبي شكيت
بعدها كل ما نحكي علي وليد نشوف في عيونها وتوترها
ولما خطب لقيتها كم مرة تبكي
نجمية: بالله عليك؟؟
عبدالكريم تنهد: اني نعرف بناتي وحدة وحدة ونعرف عقولهم كلهم..نحس بيهن ..نبيهاش تتعذب يا نجمية
نسيتي احني كيف بصعوبة تزوجنا وكيف واجهنا صعوبات هلبة ... واني الحق كنت نراقب في وليد
وللي عرفته انها يبيهاش وان روحه في بنت عمه
نجمية: الله عليك كيف عرفت لالا هكي هلبة والله
عبدالكريم: هههههه تشوفيش في شيباتي اني عارف الدنيا ودارسها ولانسيتي وغمزلها
نجمية بحرج: يا حاج كبرنا والله عيب
عبدالكريم: ماعيب الا العيب
نجمية يانجم الليل يا ضو العين يافرحة تنسيني كل الضيم
نجمية: ههههه عليك ايام حلوة كانت
عبدالكريم: ربي جزانا علي صبرنا وتحملنا والحمدالله صغارنا كلهم كبروا ونشوف فيهم من الصالحين
نجمية ابتسمت: ياحاج غدوة ندوي مع رنا نشالله مايصير الا خاطرك طيب...
عبدالكريم: تقعد طيبة اني طيب والله لما الحاج عمران طلب رنا اني طول قلت خليني نقولها برضاي
عشان نحطهاش في موقف محرج..تفاجأت انها رفضت
نجمية: بنيتك ياحاج وكرامتها فوق كل شي
عبدالكريم: فعلا للي يكون نفسه عزيزة يعيش عزيز
وبحت فيها وغمزلها طالعه عسل يانجم الليل..
نجمية ضحكت باحراج....
.
.
____________________
.
.