عشق61
سيدرا💫💜
.
.
Sedra ramadan
.
.
العيب من صاحب العيب ما هو عيب
والسيه ان جاتك مالعدو تقبلها
والوقت كي تمه عطيب عطيب
وان مالت الدنيا شبر ما تعدلها
وصادق الي قال الغريب غريب
ابمليون عله هي لقمة يأكلها
واهناك من ابنادم تذكره بالطيب
كبير عقل ما دار الخطأ ينزلها
واهناك من ابنادم عفن كيف الذيب
ان قابل هميله سارحه يختلها
خطرها خطر جرحي وجاب سريب
قصة انتهت ماعد عرفت أولها
سيوره اللي ظالم اينال نصيب
وين ما ايفارق سيته شايلها
.
.
____________________
.
.
نسمة...
اليوم نضت الصبح بكري درت الفطور وطلعت ملابسي عشان نمشي للجامعه
طلعت لمعاذ سورية وسروال طلعت السبيدروا الجديد امتاعهدرت شاهي حمر بالنعناع ونوضت معاذ
لقيته راقد قربت من عندا حطيت يدي علي شعرا نلعب بيه اليوم عطلته ويبي يقدم علي الدراسات
شعرا غزير وبني وناعم ملامح وجه ديما مغضبةعلي قد ماهو يبان عصبي بس حنون قداش نحبه...
كل يوم نسأل نفسي روحي لو يمشي معاذ من يصفالي
نزلت يدي علي ملامحه حواجبه لحيته
واني صافنة عليه فتح عيونه ابتسم وكرني طحت في حضنه نضحك باسني من خدي
معاذ: شن هاالصبااح الحلوو اليوم مصبح بووجه عصفورتي
رديت عليه بدلع: انت كل يوم تصبح بوجيي مش اول مرة..
طوقني بأيديه ورجليه: باهي ياسر ارقدي
نسمة: لالا درت فطوور وشاهي هيا نفطروا جهزت ملابسك..
ونظفت الشقة لازم نطلعوا حبيبي ..معاذ: باهي باهي
نسمة: تبي تاخد تاكسي ولا ؟
معاذ: مش عارف نشوف جاري ناخد سيارته ولا نحسها ثقيلة خلاص تاكسي افضلنسمة: انس خدا سيارة
خذا نفس وسكت بعدها قاال: بفلوس بووه عاد فرحان نبيش ناخد منانسمة: ايش فيها معاذ علاش هكي انت مادام حلال
معاذ: را يكون مش عاجبك ست نسمة
نسمة: مش قصة عاجبني ولا لا انت رايح تحسس من كل شي انتبه لروحكك امس كشخت وعليت صوتك علي انس وحتي معش تحترمدفعني بقوة وصبا رجفت خوف
قال وهو معصب: لمن الكلاام هاددا ليا اني معش نحترم لسانكك طاوول قليلة ادبوقفت نفرك في ايديا: مش قصدي حاجة بس قلت واقع اني وو سكتت او بالاحري جتني التأتأءة في الكلام
ف سكتت افضل
لاني لما نتوتر ولانخاف تجينيي ونكره نظرات الشفقة او اي حد يحكي عليهاامشيت طلعت من الدار
قعمزت علي الكنبة ضميت رجليه لبطني
لحقني وقالي باامر: نزلي رجلييك
داير روحه خايف علي للي في بطنينزلتهن تذكرت من زمان الابلة صبتني نقول النشيد
واني والله كنت نعرف نحكي ونقوله وحافظته في الحوش
بابا حفظة ليا وسمعه ليا
نقول فيه لروحي زي شراب المية..لما صبيت قدام الفصل تحشمت من البنات حسيت الكل يشبح فيا يستني امتي نقوله قلت اول بيت وبعدها معش عرفت
قتلي الابلة لفي وجك علي السبورة وقولي النشيد
كانت تعرف حالتي مع ذلك توترت زيادة وخربت الاول والتالي
كنت ضاغطة علي ايديا قلبي من دااخل يدق بقوة شعور حقير خجل مزري ..
لما نشوف روحي ابسط شي مش قادرة نديرا
مش قادرة نسمع النشيد للي حافظته
كان قلبي ييووجع فيا تمنيت لساني ينطق تمنيت وقتها نقهر الكل نوريهم اني نعرف
أنت تقرأ
عشق
Romanceرواية ليبية باللهجة الشرقاوية، تتكلم عن الاغتصاب تتكلم عن معاناة عشق للي امها توفت وعاشت مع زوجة بوها ... تعرضت للالم والمعاناة والانهيار توضح معاناة البنت المغتصبة في وطن مليئ بالذئاب البشرية بس ديما في وجود للعشق ووجود للحب للي حا يغير حياتها بس...