عشق

تكملة 45 الاخير

عشق تكملة البارت الاخير من الجزء الاول
سيدرا💫💜
.
.
فكيف تكفُّ الروحُ عَن الروحِ والروحُ في الروحِ تُقيم
.
.
.
شهد...
الطريق كلها واني نحكي مع غرام
تهبل بكل ناعمه هلبة صوتها ورقتها انوثتها وقوتها واضحة صعبة بكل...
وعيونها كلها تتوعد لمهاب من الواضح انها مش ناوية علي خير
كلمة كلمتين تقول يصير خير الحساب يجمع
شهد: غرام حاولي تهدي من روحك قدام عشق راهي تعبانة هلبة
غرام بعصبية: ليش هيك انتوا ليش ماعندكم تقة في حالكن يعني رجال طولك عرضك يضحكوا عليك بكم صورة لكن انتوا مو رجال اشباهن اي والله

انس: تي خيرك تحكي بالجمع مش كلنا هكي
غرام: لا تبرر لو سمحت
انس: انتي وسعي بالك راهي خيتك مكملتها بكي تزديش عليها
غرام: اكيد رح اخدها من هون ترتاح انا مجهزة كل شي بس اوراقه والبسبور
انس: لو تبي اي مساعدة قوليلي انا جاهز
غرام: يالله قديش مهضوم اي بدي اعمل سطو علي بيتوا اخد اغراض اختي بدي ياك توصلني او تعيرني السيارة انا من حالي روح..

انس: لالا معاك نشالله في كل شي
غرام بنظرة امتنان : استاز انس رح كون كتير ممنونة الك بس مابدي سببلك مشاكل انت في غني عنها انا اعلنت الحرب وبدا جنود اقوياء
انس: ههههههه والله بالله معاك هيا اصلا هالعيلة هادي اني ناقم عليها
.
.
وصلنا وغرام نزلت بكل غرور وقوة مافيش خجل انها جاية لمكان تعرفاش لالا بسرعة خذت ميانة في التعامل من الواضح انها اجتماعية هلبة

خشت معانا والحوش كان هدوء
حناي تقرا في قرأن اول ماشفتها عقدت حواجبها عشان بدون حجاب بس سرعان ماتحولت ملامحها للترحيب
بعد السلام خشت علي عشق
لقتها راقدة وحمودي نايض جنبها علي السرير يناغي ويلعب بأيديه
سرعان ماعيون غرام دمعت وهيا تتأمل في ملامح عشق التعبانة..
قرفصت قدامها..وهمست بصوت كله حنان: اختي حبيبتي اجيت
.
.
_______
.
.
عشق...
الانتظار زاد عن حده عرفت ان تأخر موعد الطيارة مش غريبة نحن في ليبيا وتأخير موعد الطيارات شي عادي اصبح
قعدت نلعب مع حمودي نلهي في روحي
نحكي معاه وكأنه يفهمني
انا: حمودي بابا وجعني بكل تقعدش زيه حقير
يرفع في ايديه في الهواء خذا ويبحت فيا غااا غااا
انا تنهدت: تعرف مرة قالي لو شفتك مانصدقش كيف صدق عليا هذا للي قاهرني
حمودي يبي يجيك اخ او اخت توا نربيكم احسن تربية
يديكم في يدين بعضكم وديما تحبوا بعض
توا نكافح عشانكم ونحارب ندير كل شي نقعد لكم ام "سكتت شوي وبلعت غصتها بصوت يرجف " واب
تمدد جنبه وانا نلعب معاه وكل شوي نقرص في خدوده
يهبلن وغفيت من غير مانحس علي روحي
بين والوعي والاوعي
سمعت كلمة اختي فتحت عيوني بشوية نلقي قدامي غرام
كأني كنت نغرق وعطوني طوق نجاتي تلاقيت مع تؤامي وعيوني تشرح مدي معاناتي واهاتي
ذبيت روحي في حضنها واستقبلتني بكل رحابة صدر
قعدت نبكي ونشهق وهيا جامده تهدي فيا ونستمد منها القوة لما تقولي
: كل شي بخير ماتخافي انا معك
بعد العتاب والسلام
حطوا الغداء مبطن وكفته وشيش ورشدة
اول مرة ناكل بكل شهية وكل مرة نبحت في غرام نملئ عيوني منها
حسيت هالمرة ان حتي لو مهاب مصانيش غرام حاتحميني
بعدها خشينا انا وغرام للغرفة وغرام سكرتها
ضمت ايديها لبعض بحزم ورفعت حاجب: هلئ بدي تحكيلي كل شي ولما قول كل شي ياعشء بقصد كل شي
منشان اعرف كيف اتصرف...احكيلي علي سعاد وعلي للي تحت مسمي اخوتك وكيف زواجك بمهاب وليش من اول مطب تخلي عنك..
كل شي عشء