عشق39
سيدرا💫💜
"لايك وكومنت حبوبات وتصويت للقصة"❤
.
.
لا وطن يفهم غُربتِي.
.
.
شهد....
الايام تمر وزواجي مع ايهاب فترتة طولت
انتبهت ان ديما عندا نظرة استهزاء علي ستايل لبسي
لما نطلع معاه...
مشيت الموضوع قلت اكيدة اني وايهاب في بينا فروقات...
الحمل اصبح عقدة من عقد حياتي ...
ضيق يضايق فيا ويخنقني..احياناً نفكر ونقول تسرعت في اختياري لايهاب..
وبعدها نتعوذ من الشيطان نقول ايهاب نصيبي وحب سنيني صح عمري 26 سنة ...
بس نحبه من واني في الجامعه كبرت علي هالحب
وانزرع بذرته داخل قلبي كبرت وصارت شجرة مثمرة
نحاول نهتم بأدق تفاصيله لبسه ديما نظيف والشقة
نحب نديرلها اجواء ونخليها ديما ريحتها بخور وعطور..
لبسي وشكلي نعطي فيه حقه وزايد مش مقصرة معاه...
بأي شي..
امه وخواته نحاول نتقرب منهن ديما ندير في انواع عشان خاطرهن وانزل وندز مع ان مرة لقيت رانيا
ملوحته في الكناسة "كيس المهملات" وجعتني روحي وقتها بكل بس مع ذلك سكتت
في رمضان حاولت نتقرب منهم كلهم من ام ايهاب ورنا
كل يوم ندير اصناف انواع وننزل بيهن بس نبيهم
يرضوا عليا...
وفعلاً ام ايهاب تقبلتني وكذلك عشق طلعت ظالمتها
وطول فترة رمضان كانت تتوحم علي الشاروما للي ندير فيها...
خلتني كل يوم نديرها لحد مازبطتها ...
وقعدت ادير فيها بروحهاا..
ايام يمرن وحياتي مع ايهاب حلوة...
كان مدللني وديما يضحك فيا، وطيب معاي عشت معاه فترة جميلة ولطيفة..
ولامرة قتله علي مضايقات رانيا ولا علي نظرات وفاء
وتلقيح امتاعها "تلقيح تجريح بمعني رمي الكلام😂"
بس الشي الوحيد للي كان حزين عليه وهو الحمل
مبين لهفته علي طفل
ديما يقولي نبي شي منك ...
دائماً مغرقني بالغزل والاشعار والاغاني عمرا ماقصر معاي...
في اخر فترة تغير ..
وللاسف ما انتبهت الا لما طب الفاس بالراس💔...
ايهاب: شهد الروح
شهد: اممممم
ايهاب: وش طابخة يا بعد كلبي
شهد: مادرت شي
ايهاب: وعلاش انشالله
شهد: نايضة تعبانة اليوم
ايهاب: وشنو للي متعبك
شهد : هاا هكي بس صداع
ايهاب رفع تك حاجب: اممم قتلي صداع منين يجيك صداع بالله وانتي حتي حمل ماتحملي...ولا عندك صغير يبكي ويصدع راسك
شهد: ايهاب مش ملاحظ نفسك انك علي كل موضوع تذكر الحمل
ايهاب: لا بس استغربت
شهد تنهدت بحسرة وغضمت عيوني شوية وفتحتهن: ايهاب لو تبي صغار اصبر عليا سنة وربي يرزقنا
ايهاب: اني خايف من كلام الدكتورة قالت عقم يعني عقيمة
شهد حست بخنجر في قلبها: ربي يرزق من يشاء يا ايهاب..انت ليش تحسسني اني متقصدة اني اخري في خاطري طفل يكون مني ونحضنه ونشم ريحته ونهتم بيه
ايهاب: مش كل شي نبوه نحصلوه
شهد: ونزرعوا نحقنوا نمشوا برا نعالجوا
ايهاب بعصبية: اني المحامي ايهاب عبدالكريم ال##
علي اخر العمر تمشي نعالج شن تشوفي فيا مش راجل
شهد: الطب توا تطور وهدا الشي عادي توا..
YOU ARE READING
عشق
Romanceرواية ليبية باللهجة الشرقاوية، تتكلم عن الاغتصاب تتكلم عن معاناة عشق للي امها توفت وعاشت مع زوجة بوها ... تعرضت للالم والمعاناة والانهيار توضح معاناة البنت المغتصبة في وطن مليئ بالذئاب البشرية بس ديما في وجود للعشق ووجود للحب للي حا يغير حياتها بس...
