عشق

البارت57

عشق57
سيدرا💫💜
.
.
Sedra ramadan
.
.
بتوصل لمرحلة من حياتك ما بيفرق معك مين بروح ولا مين بيجي ولا بهمك إذا حدا سأل عنك أو ما سأل
بتوصل لمرحلة معد عندك قدرة تعاتب ولا تجامل..
إنك تواجه أي شي بصير بابتسامة هادا أجمل شعور فعلاً
.
.

.
.
_________________
.
.
عشق...

خشيت لهيام في دار راقدة للي كان يرقد فيها حاضنه مخدته وغاطه في النوم..
مشيت لبناتي وحدة راقدة ووحدة نايضة
انا: شروقي يا عمري نايض الحلووو ااه نايضة سموحتي
نجيلي البنوتات

تذكرت عمر لما قال " حان وقت الشروق"
كان يومها يبكن كل مرة وحدة ومعش عرفنا شن نديروا
كل مانمسكوا وحدة تنوض الاخري
عمر قعد يدير في اشعار عليهن ويضحك ويغير في جوي لاني كنت نبكي..
ااااااه اهات واجدة في صدري وهموم فوق كتافي ثقيلة
اولهن ورداتي هيام وغرام و شوق وشروق ووليدي حمودي

نحس بيها ثقل عليا مش عارفة ايش ندير نفكر فيهم كيف نبي نربيهم هل تو نقدر او لا ؟؟

شافني حمودي في حضني شروق وفي فمها الاهية
جا وكرها منها
شروق قلبتها عياطات
فنصت في حمودي : جيب امتاع اختك امشي خوذ امتاعك حبيبي
ضربني علي كراعي قعد يبكي عزق اللهاية ومشي تحت السرير

تنهدت وصبيت غسلت اللهاية حطيتها في فمها
وجيت لحمودي هملته واجد بعد ما جبت هالبنتين
ابتسمت: تعال يا عمري تعال حبيبي كنه سموحي راجلي الكبير كنه ظهري في كبرتي كنه وليدي هاا تعاال
جاني وخش في حضني
رفعته عندي: زعلان يا روحي نا سامحني حبيبي ماعندي الا انتم بس انتم ذخري من الدنيا كلها

رفع راسه ومد شفايفه: وييزز ابي وييز
قرصت خشمه بخفة وضحكته: عيونك الكوكيكز ها زي امكك انت هااا يا عمري انا يا قلبي

رفعته في يدي وفتحت الدولاب مافيش
بحتت في التلاجة مافيش والتلاجة فاضية تبيلها حاجات...

تأفافت وطلعت قلت لحمودي. : فيش يا ماما كوكييز شن نديروا
بوز شفايفه يبحت فييا بطريقة طفولية زعلان
وجعني نحبش نقص عليهم شي نحس بيهم يتامي

طلعت من فلوس الايجار عطونا مقدم خمس شهور
وطبعا الحوش مقسم علي اربعة
غرام تبيش فلوس الايجار قالتلي خوذيهم انتي
وحصة عمر مابتيش ناخذ منها عطيتها لهيام

قلت تو نقول لايمن يوصلني لو قاعد..
لبست جاكة لتحت الركبة سودة ووشاح اسود
حتي ميك اب ما حطتيش لاني حزينة
ومع ان عندي مضمون الحزن مش انك تهملي وجهك وتشيني روحك
بس هالمرة كنت شايلة همووم واااجدة مش انا بس كلنا
عمر بين عيوني ضحكة وبصارته عفويته
اخر ايامه كان يبيني نسامحه كان موجوع خاطره
حاس بروحه يبي يموت
لا اعتراض علي قضاء الله بس هالامتحان صعب
اختبار ربي هالمرة صعب ..
عمر بعيدا عن مشاكلنا كان مش سندي نا بس حتي هيام وغرام
كان يهتم علي بدواء هيام ويجي كل يوم يحكي معاها يضحكهاا يغير جووها...