عشق

عشق البارت 12

#عشق12
للكاتبة سيدرا💫💜

قرب مهاب من الصالة كان لابس قميص اسود سورية"
علي سروال جينز وكويش سودة
وقف علي المراية وهو يمشط في شعرا
كمل بخ عطره
مهاب: يام اني طالع
نجمية: راهم اثنين للي بتجيبهم
مهاب: مني ومني
نجمية: سالمه تعرفها وله زي وخيتي واعز الله يربحها
ولدها توفي له ست شهور وواخذة معاها حفيدتها
عشان يعيشوا في طرابلس
مهاب: وعلاش
نجمية: البنت من توفا بوها نفسيتها تعبت ومرضت
ومرت بوها مراه سميه حسدية شرانيه ، عشان هك خدتها معاها
مهاب: اممم ومطولين
نجمية: لا اسبوع ونص اسبوعين
مهاب: باهي ينورونا

____

هبطت الطيارة وبدوا الركاب في النزول
وهذكي الشاب مزال يبحت فيا
اوو سموح شكله ولابس لبسة تهبل
مع ان لبستي عادية ومش حاطه ميك اب
بس انتبهلي هههههه لو يعرف اني مغتصبة يحول احتمال يحبني نهائي...هذي انا اي شاب اي راجل يدخل لحياتي نرفضه طول نعطيش وجه
لان مستحيل حد يقبل بيا ،وانا نبيش نتأمل يكفي الوجع للي حاسه بيه
عشق : هيا اجديدة بسم الله ننزلوا
اجديدة: امسكي في يدي راك تريحي
عشق: هههه انتي للي راك تطيحي تخافيش مش حانريح

نزلنا وركبنا في الحافلة وخشينا للمطار
تلفون اجديدة يرن
عشق: تلفونك يرن
سالمة: هيتي هذي اكيدة نجمية
الو الحمدالله تو وصلنا الله يسلمك....وهيبة يجينا باهي لا عارفته وليدي نعرفه بالسلامة
عشق: كنها
سالمة: ولدها يوصلنا
عشق اوووف يا اجديدة
سالمة بحدة: تخافيش نحبش البنت الخوافة بكرا بعد حانموت مش ديمة معاك اعتمدي علي روحك
عشق عيوني امتلن دموع طبست راسي وسكتت
سالمة بحتت فيها بحزن وسكتت تبيها تكون قد روحها
تكون قوية...

___
طلع مهاب وهو مضايق عنداش نية يجامل بكل
للي فيه مكفيه...قعد عصبي وعلي ابسط شي يهزب ويكشخ...شخصيتا الهادية تحولت ...حتي الدخان للي كان يدخنش اصبح مدخن..🤦‍♂️

وصل للمطار نزل وقرب فيه وخش
يدور في عيونه لقاها ..قرب منهن وتحمحم
مهاب: اهلا اهلا الحمد الله علي السلامة عمتي سالمة
سالمة بأبتسامه: خير وهيبة الله يسلمك يابوي نعلي عليك تعب

عشق شفت واحد طويييل من بعيد يقرب
قالت اجديدة وهيبة جي
يع اسم وهيبة
المهم طبست راسي مابيتش نسلم حتي عليه ولا نبحت في وجا

مهاب: قعمزي عمتي اني نمشي نجيب الشناطي
اجديدة بحتت فيا: عدي بنيتي معاه وريه الشناطي
بحتت فيها بمعني لا فنصت فيا
مهاب انحرج: قوليلي بس شن شكلهم واني حانجيبهم
اجديدة: تو تمشي هيا امشي
صبيت وانا مضايقة بكل سرعت في خطواتي قعدت قدامه...نبحت في الشناطي واشرت بيدي من غير ولاكلمة
وهذا كله ونا منزلة راسي حتي شكله مش شايفته
مهاب: للي لونها اسود
حركت راسي بمعني اها
مهاب: تي هلبا لونهم اسود
رفعت راسي فيه وجت عيني في عينه
ياربي سبحان خلقك ابدعت في تصويرا
ماشالله يهبل....قربت من الشنطة وجيت بناخذها
مهاب: تو ناخدها اني تريحي
قالها وواضح تضايق مني
ههههه اذا هو تو مضايق انا عمري كله مضايقة خليه يضايق شوية
قتله: والشنطة الاخري للي لونها وردي
سكتت شوية وهو يبحت فيا وبعدها حول عيونه
قالي: هادي
حركت راسي بمعني اها
كنت لابسة شنطة ظهر.
مهاب : نشيل الشنطة للي في ظهرك تقيلة عليك
عشق : لالا نبش مشيت ورديت لاجديدة بسرعة ونا خايقة وقلبي يدق بقوة...تكملت معاه حتي لو كان كلام عادي بس تكلمت
اجديدة بحتت فيا: ها شن صارلك تو مصارلك شي عادي انتي خوافة دلع زايد
خلاص انا معش تحملت
عشق بحدة وعيوني دموع خلاص نزلن: اصلا اها ندلع انا ....للي مافيك ساهلة انا للي نعاني ونخاف مش انتي
اذا كان من تو ضايقتك عليش خذيتيني اخر مرة تحطيني في موقف هكي ها قتلك
اجديدة: يا بنيتي تبكيش خلاص اسفة وحطت يدها علي فمها تو نسكت معاك الحق
عشق: انتي مش حاسه بيا راك يااجديدة نخاف انا معش تحطيني في موقف هكي قريب دخت وحق الله
بحتت لقيته يقرب
طبست راسي ونا نمسح في دموعي
نزلنا معاه وطلعنا للسيارة
ركبت في الكرسي للي وراه، واجديدة من قدام