عشق

عشق25

عشق25
سيدرا💫💜

يوم الاربعاء
في الصبح

وهاب: امي امي
نجمية جاته: خيرك هبلت شن جاك شن الصوت العالي
وهاب: مش قلتي في خاطرك عرس
نجمية: اي الايام هادم في خاطري هههههه في خاطري نكون ضيفة مش صاحبه العرس
وهاب طلع كرت: تفضلي هادا كرت وليد يوم الجمعة عندك عرس وبري هيجي انتي والبناويت

علي مرواح رنا من الجامعه وهيا ماسكة شيتاتها:خيركم الضحكة من الفم للفم

وهاب: ههههه هادي امك معزومة علي عرس
رنا: عرس شكون!؟
وهاب: عرس وليد

لما قال وليد رنا قلبها زادت دقته يبي يطلع برا جسمها
حست بوهن وكل امالها ان يردلها حبيبها يرجعلها
راحت ومشت اها تقوله حبيبها حبيب طفولتها
حباته من طرف واحد من وهيا بنت صغيرة
بقرينات تطلع تمشيله
هو كان عمرا 15 وهيا 5سنين
تحبه حب طفولي حب بريئ
حب نظيف وليد يكون فارس احلامها
تخيلو عمرها 22
حباته طول المدة هذي ربطت نفسها بيه
برباط مقدس ربطت روحها برباط الحب
وفية له حتي ولو يعرفش بحبها
باهي توا خلاص بيتزوج عرفتي يارنا ان مش لك شن توا اديري!؟؟؟
طاحوا منها الشيتات لاارادي ارتبكت قريب تبكي وجها
احمر وزعلانه لين خلاص
وهاب قعد يبحت فيها زين
انتبهت لوهاب نزلت ولمت الشيتات ،تحاملت علي نفسها
وعلي قلبها للي يبكي دم...ضحكت : الف مبروك اهو طلعي كل طاقتك المكبوتة هههههههههه
وبحتت في وهاب كأنه تنهد بارتياح
رنا: اوووف تعبانة اليوم المحضرات ناااار ناعسه هلبا ماحد ينوضني
خشت للمطبخ وشربت مية...مشت لدراها عزقت روحها علي السرير قعدت تبكي لين داخت ورقدت
من التفكير من الحزن بس قرار داخلها...قررت وتأكدت انها تنساه ..وان لو ملقتش شخص زي مواصفات وليدها
وليدقلبها توقف وماتحبش حد يا زي وليد
يا احسن منا
.
.__________________

وهذا كلمة النصيب مرات سيئة ومرات جميلة

سيئة لاسنام للي توا واصلة في اقصي مراحل حزنها
واكتبائها...للي توا تأكدت ان مهاب معش يحبها ومعش يبيها
لكن للي زي اسنام نار الحقد ركزوا ها نار الحقد والغيرة
والسم في جسمها جزء من روحها مش حاتتهنى الا لماتخرب علي عشق

ومافيش اثنين سعداء حاليا زي شهد وايهاب للي فرحتهم كبيرة بكل شهد وايهاب
للي بعد 4سنين يقنع في امه بيها
شهد للي اربع سنين كملتهم في التخميم والتفكير
والهم يجي من بوها ولاخوتها ولاامها
جاها ايهاب حبها وصناها وقعد زي بوها
حب عمرها
يقوللها شهد الروح شهدي بنتي وامحلاه الحب النظيف
ياناس ركزوا الحب النظيف
الخالي من الدنائس والشهوات...المليان مشاعر وشغف
للي كل طرف يخاف علي الثاني
للي يحبك يابنات يخاف عليك حتي من نفسه

ها شوفوا من نفسه قبل الناس

نردوا لواقعنا شوي الواقع الليبي للي مهما نتحضروا
ونترقوا الطبع يقعد موجود عند كل ليبية😂