#عشق13
للكاتبة سيدرا💫💜نضت علي العشية وانا جوي معكر
اصلا من سنة ونا جوي معكر وبارد
صبيت بحتت لقيت اجديدة مش جنبي، لميت شعري كعكة
خشيت للحمام للي في الدار
دوشت قعدت قريب ساعة وانا نفكر نفكر
المية تنزل وانا وانا نفكر شاغل عقلي تفكيري بالحلم
ووووف لامتي هكي
انا تو خلاص معش نبي شي بس نعيش مستقرة
طلعت من الحمام لفيت روحي بالمنشف
قربت من الدولاب وفتحته لقيت فيه ملابسي رتبتهن اجديدة امس
خذيت تيشرت ابيض عادي سبعة من قدام ونص كم
عليه سروال جينز ازار ازرق داكن
بحتت في وجي في المراية
واضح عليه التعب والهالات للي يشوفني يقول
صايرتلها انيميا
باهي شن ندير وانا عفت الحياة ..
حتي الاكل للي كنت نموت فيه ناكل بالغصب
توا يعني نضت في العشية لا غداء ولا فطور ولا عشاء من امس
نسمع في اصوات ضحكهم وسهاريهم
يعوينهم ربي يدوم لمتهم عائلة حلوة في كل شي
كاملة مكملة ....
ياريت بس عندي بابا وماما
لالا ماما بس كنت حانكون اكثر الناس سعادة___
طلعت من الدار وانا لابسة محرمة الصلاة الوشاح بس
من غير القونة
شفتهم كلهم في الصالة وواضح عليهم الانسجام
تحمحمت:صباح الخير
نجمية بضحكة : صباح العشية
رنا: انتي تاخدي الاوسكار في النوم 😂
ريما: مشالله كيف قادرة تعيشي من غير تاكلي شي الا وجبة الغداء بس
انا ضحكت: كنت تعبانة بكل قدرتش ننوض
اجديدة: هذي حالها مقضيتها نوم من ميتت بوها
ذكرتني او بررتلي مش مش عارفة للي عارفته اني وطيت راسي وقلت بهمس: الله يرحمه ويسامحه
وردوا كلهم قالو الله يرحمه
ريما تغير الموضوع :هيا تعالي تو معاي ناكلوا ونشربوا
رنا : هههههه تو تسمنك هادي
ريما: تي عظمة تعالي تعالي نتغدوا
نجمية: مش تغيدتي انتي و عصرتي معانا هههههه
ريما بدلع طفولي : امممي
نجمية : سكتنا باهي باهي وانتي شي يوم حاتنفجري من الماكلة
ريما: خلاص النية طارت وكشرت وجها زي العيال الصغار
رنا: هيا معاي اني عشق قبل ماتهبط نيتها
عشق: هههههه باهي
اجديدة تبحت فيا بفرح عشان ضحكت
ريما: بوب بوب هبطت جاية معاكم
مشينا للمطبخ للي هو بار
نعلي يابنات بعيدا عن كل شي مطبخهم ايهبلرنا : طبعا ياعشوقتي انتي لازم تاكلي اليوم اغدانا مشوي خوي مهاب شوا شوايا تهبل هلبه
عشق: مهاب حلو الاسم
ريما: امي مسمية الولاد مهاب وايهاب و وهاب
فيهن نفس الحروف ونحن البناويت كلنا نبدوا بحرف الراء
عشق : انتن بس بنات ولا في اخري
رنا: اني وريما ورباب ورانيا تو يجن اليوم هما ومفرخهم
عشق: اها ربي يحفظكم حلوة عيلتكمسخنتلي الشواء وحطاته لقيته لحم وانا في الاكل نحبش نجامل
عشق: شكرا بس والله ماناكل فيه
رنا: علاش ياهبلة في حد يحبش اللحم
عشق: مرة وانا صغيرة قالتلي مرة بوي ظمي مكان الحولي وهوا كان مربوط وبعدها مش عارفة كيف انفك الحبل جا ونحطني طول من يومها مستحيل نحطه في فمي
عشق
كنت عارفة ان سعاد فكاته بيش تخلص مني او نتعوق
بس ماحبيتش نحكي
JE LEEST
عشق
Romantiekرواية ليبية باللهجة الشرقاوية، تتكلم عن الاغتصاب تتكلم عن معاناة عشق للي امها توفت وعاشت مع زوجة بوها ... تعرضت للالم والمعاناة والانهيار توضح معاناة البنت المغتصبة في وطن مليئ بالذئاب البشرية بس ديما في وجود للعشق ووجود للحب للي حا يغير حياتها بس...