عشق

عشق31

عشق31
سيدرا💫💜

.
فهل ترجعُ الدارُ بعد البُعد آنسةً ، ‏وهل تعودُ لنا أيّامُنا الأُوَلى🧡؟
.
احياناً الحياة تعطينا منعطفات نحن مش حاسبين حساب ليها
مرات المنعطف يكون علي هيئة فقد شخص غالي عليك.
مرات علي هيئة صدمة
مرات علي هيئة كسر
مرات علي هيئة وجع
لكن الشئ الاكيد ان المنعطف مش حايدوم ..وحاترجع الطريق مستوية
بس المنعطف هذا حايسبب اضرار...
اضرار ممكن تتعالج في وقتها
وممكن تتعالج مع الايام
ومرات حتي مع السنين🤷‍♀️
.
.
الرسالة كان محتواها
" مهابي عشت معاك اجمل ايامي ،نسيتني فيهن كل المر
عطيتني حنان الاهل للي خسرته، عوضتني وكان العوض جميل، لكن في الاخير انت من حقك تعيش
وانا مش انانية...عارفة ان عايفني ومش متحمل قربي من بعد الفيديو للي شفته عليا..هههه تعرف توقعت
ان خلاص حياتي حاتنعدل بس للقدر قرار اخر.
لازم تعرف ان مسامحتك لان درت كل شي تقدر عليه
بس غرزيتك الشرقية تضل ديما موجودة اكيد تتحملش بنت ملموسة قبلك ...اكيد تقرف مني ..
ومع ذلك بينتش بكل انك مش متحملني ؟هذا يدل علي شنو علي انك راجل وقد كلمتك ..بس انا مستحيل نزيد عن حدي معاك..تو نمشي ومعش تشوفني .. ارجع لاسنام ارجع لبنتك ربيها في عائلة مش متشتتة، انحبك واجد وشكرا علي كل شي"
.
طلع من الشقة وهو هموم الدنيا كلها فوق راسه
فكر وين ممكن يلقاها
ومشي دغري لحوش جدتها
طق الباب مرة واثنين وثلاثة ولكن بدون رد
جا راجل كبير في العمر
الراجل: ياوليدي اصحاب الحوش طلعوا
مهاب: من كان فيه ياحاج
الراجل: كان بنت ومعاها راجل مريضة غايبة عن الوعي
مهاب الدم وقف في عروقه
يتصل عليها متردش مقفل ...حاول يعرف مكان المستشفي مقدرش..
من الراجل هذا وكيف مرضت اكيدة اعصاب معدة
يارب ماتكون رجعلتها الحالة
انا غبي كيف مسحتش الفيديو كيف نسيت التلفون

كيف قدرت تصدق ان ممكن نكرها
كيف خافت مني كيف وثقتش فيا
يالله يالله
تكون بخير ....
استني نص ساعة بسيارته ماجتش
قرر ان يمشي يدور في المستشفيات..جا بيشغل السيارة

درست سيارة قدام البيت
نزل منها شاب كان عاطي بظهرا لمهاب..ولابس طاقية سودة ونزلت عشق كانت لابسة عباية وماسكة يدا وحاطة يد علي بطنها..
دخلوا للبيت والنار ركبت فيه انقهر قهر علي عشقه
هو واثق فيها بس عارف ومتأكد
انها لما تشوف الفيديو وترجعلها الذكريات مش حاتمشي مرور الكرام
.
.
.
فتحت عيوني بصدمة : احمد
احمد بنفس الصدمة: عشق
انا مسحت دموعي وجلست وقبل ما تقول خش عمر
زاد دهشتي
وعمر ووقف مكانه زي المتصنم مش قادر لا ينطق بكلمة
ولاحرف...
زدان دموعي ينزلن وانا نتذكر كل شي كل تصرفات عمر
كل ظلمه ليا علي ذنب مش مرتكبته
عمر قرب مني
بعدت تلقائي وغمضت عيوني خوفاً من ان يضربني
حطيت يديا علي رقبتي خوفاً من ان يخنقني
بس للي حسيت بيه ان ضمني ليه بقوة  ويبكي
يبكي اها
يبكي زي الطفل الصغير ويشهق ضاغط عليا
للي حسيته وجع كبير في بطني وشي ساخن ينزل مني
حسيت بسواد في عيوني
ودخت
.
.
نضت علي اني في المستشفي وجنبي الممرضة ديرلي في تغذية
الممرضة بأبتسامه: الحمدالله علي السلامة
انا بتعب: شن صارلي
الممرضة : شوية هبوط وعطيناك ابرة تثبيت للحمل
انا: شنووو حمل
الممرضة ضحكت وكيف بتحكي خشت الدكتورة
الدكتورة: لاباس عليك عشق
انا ابتسمت
الدكتورة: عمتلك ابرة تثبيت لازمك الراحة يا حبيبتي
وتقليل الحركة عشان الجنين
انا: انا حامل
الدكتورة: انتي مش عارفة ولا ايه
انا هزيت راسي بنفي
الدكتورة: انتي حامل في اول شهر كمان
انا: ها
الدكتورة: نوع حملك حمل غزلاني يعني تيجي الدورة الشهرية وانتي حامل عادي جدا
انا: كيف والنزف للي نزفته
الدكتورة: دي دورة شهرية يا حبيبتي
انا انحرجت بكل
الدكتورة: اتفضلي اخوكي جابلك كيس عشان تغيري هدومك والف مبروك للحمل
انا ابتسمت بسعادة
مشيت للحمام للي في الغرفة
وغيرت لبست بيجامه سودة منقطة نقط صغار بالاسود
جلست علي السرير
وهيا في داخلها سعادة صغيرة علي الروح للي تنموا بداخلها
كانت موقفة حبوب منع الحمل من غير علم مهاب
كانت تبي تكون اسرة
تبي تعوض عن الالم للي ذاقته ،تجيب ولد يسندها لما تكبر
تعلمه وتربيه....تجيب بنت تخليها قوية
حطت في بالها انها مش لازم تضعف
انها مش حاتكون زي امها ماتت بسبب الحب للي دمرها
.
خش عمر وهو منزل راسه
رفعت عيونها فيه
عمر: سامحيني
انا: عرفت حقيقتها ، عرفت اني مظلومة..عرفت اني كنت مذبوحة عرفت ان كل للي صار مش ذنبي
عرفت اني شريفة ها قول عرفت
عمر: اهدي اهدي خليني نحكي اهدي
مسحت دموعي بعبث لان كل مانسمح يزيدن ينزلن
عمر: عرفت اها عرفت اني نذل وحقير عرفت وضميري
ياعشق يا اختي يقتل فيا كل يوم
يحرق حرق ياعشق