عشق

عشق البارت16

عشق16
للكاتبة سيدرا💫💜

الله اكبر علي من طغي ومن تجبر🤲

عشق بصدمة: شنوووو
ميس: والله سيبتا وخلاص نهيتها
عشق: حاسه ان بسببي صح ولالا
ميس: مش بسببك بس يكلم شوية هذا شي
عنداش ثقة فيك تخيلي وقتله واثق فيا سكت شن معناها باليومين مايتصلش، انا مش مضطرة نحب واحد
صح نحبه ونموت فيه بس هو مهمل ياعشق مهمل بكل
عشق: احكيلي شن صار باهي وتو نقولك
ميس: للي صار ووو
عشق بهزوة: يعني مني انا
ميس: وانتي امتي نخطبتي وكيف صار هذا وعارف للي صاير معاك ولالا
عشق بحدة طلعت من الدار للجنان في التركينة: وكان عارف شن يغير درت حاجة بأرداتي انا مازلت عفيفة نظيفة شريفة وللي صار ظلم والله شاهد ...يعني مش من حقي نتزوج ولا نعيش زي بنت ، تي حتي للي تغلط اتوب...انا عليش تحاسبوا فيا في شي ماليش اي ذنب له نهائي انا المتضرر الاصلي انا للي بكيت انا للي خسرت نفسي عشان هكي ماحد دخله شن نبي ندير...وانتي ياميس اذا تبي تحطي الحق انكم انفصلتوا لاء ياماما عمار هك من يوم يومه يومين كويس والباقي يتغير...سعاد ليل نهار تزن علي راسه
وشكله نفع الزر.. وصكرت علي وجها
وخذت نفس..بحتت في الساس
لفتت قبضتها علي شكل بوكس وقعدت تضرب في الساس بقوة : هاااااع هاااااااع
ماحستش الا بيد محوله يدها من ورفعتها فوق
عشق انصدمت في الجسم الطويل للي مسك يدها رفعت راسها لاقاته مهاب تنفست الصعداء بارتياح وحولت يدها منها ومشت لداخل وهيا متعصبة

مهاب حط يديه في جيوبه وبحت فيها لحد ماخشت داخل: شكلها عصبية ومغرورة هههههههه

خش داخل لقي امه تتفرج علي التلفزيون ومعاها البنات الا عشق
ابتسم علي جنب وهو عارف انها تحب الوحدة اغلب وقتها
مهاب: امي نبيك في موضوع لو سمحتي
نجمية: نعم ياولييدي خير انشالله
مهاب: نبيك بروحك
نجمية: نمشو للجنينة
مهاب : هيا

قعمزوا علي الطاولة ومهاب قعد ساكت شوي ونجمية تراجي فيه يحكي
مهاب: انا نبي نخطب
نجمية: هيييي هظا النهار المبروك ومن سعيدة الحظ
مهاب : البنت الشرقاوية
نجمية فتحت عيونها علي وسعهم ومقالتش ولا كلمة
مهاب: تبيش ناخذها مش انتي للي تقولي نجوزك
نجمية: اي بس البنت كنت نبيها لي وهاب عشان صغيرة
وانت كبير عليها
مهاب : وكان كبير نعاملها ونربيها علي ايدي
نجمية: مهاب البنية يتيمة وربي وصانا علي اليتيم
ناخدها لك ونخطبها ليش لا، بس انت تحسسها انك هلها وبوها وامها تعوضها عن كل للي راح
مهاب ارتبك: ك..كي..ف
نجمية: اني عارفة كويس سالمة تدسش شي عليا
مسيكينة للي صار معاها حار مش اي حد يتحمله
اني نبيش نحرجها اني عارفة ،
مهاب: غريبة ساكتة وحكيتش في الموضوع بكل
نجمية: تقدر تقول عشت كل لحظات للي صار معاها
سالمة كانت تتصل فيا وتبكي وتحكيلي ع البنت
عندك علم انها ماحكتش ولا حرف ولا جملة الا من فترة
مهاب: اني والله بنستر عليها ونبي نعوضها
نجمية بنبرة حنونة: خليك بوها وامها وليدي انت حنين نعرفك وطيب قليبك كبير في البداية عرفتش من تحب
بس تو عرفت
مهاب : باهي انتي شن رأيك
نجمية: اني قبل بناخدها وهاب لكن مادام تبيها انت مافيش خير منك
مهاب: نبي نسافر لخوتها ونخطبها منهم وندير الاصول بيش يعرفوا قدرها عندي
نجمية: واني حانمشي معاك غير نراجي نخطب لخوك قبل
مهاب حط يدا علي لحيته وبحت في امه: نبي العرس بعد شهر
نجمية بشك : راك تقعد عشان اسنام عشان جزيتها يا ويلك ياوليدي راهي يتيمة تحشم فيك يسد للي صارلها والكسر للي انكسراته صغيرة راهي علي الهم تحمللت هلبة..
مهاب قطع عليها: هادي التصرفات يديريها للي مايخافش من الله ومش راجل واني قد كلمتي حانعوضها انشالله ربي يقدرني ونسعدها
نجمية: شن نبي نقول ربي يهنيك اني تو نمشي نفتح معاها الموضوع
مهاب: مافيش داعي تبيني انك عارفة ياامي الله الله
الموضوع حساس هلبة
نجمية: خيرك اني كنت نعرف قبلك وساكته
مهاب قرب باس راسها ربي يخليك ليا ومايحرمني منك❤