عشق

البارت65

عشق65
سيدرا💫💜
.
.
Sedra ramadan
.
.
في صوتهِ ذابَ الجمالُ عذوبةً
‏لله درُّ الصوتِ ما أحلاهُ !
‏لولا مخافة أن يُقال بأنني
‏بالغتُ في وصفِ الذي أهواهُ
‏لحلفتُ قد خُلقَ الكلامُ لأجلهِ
‏ والصمتُ حكمٌ واجبٌ لسواهُ.

معاذ.... مهاب....مقدام....حيادر...ايمن❤
.
____________________________________
.
.
نسمة...
صفنت عليه قتله: مش ديما نسامحك معاذ انس نحبك نسامح بس ماننساش عمري في حياتي كلها
من من من ان اني وصغيرة كل اذية صايرة معاي مذكرتها في راسي

طلعته القطن وخذيت من الديتول نعقم في الحرج وهو كرمش جفن عينه تألم
شفت للجرح نفخت عليه بهدوء
وكملت كلام: انت بو ولدي للي في بطني وانت راجلي بس مش ديما نسامحك مرات معش تلاقيني وح تندم هلبببة لكن اني في وقتها نكون مش موجودة...

خذيت الفاشة ونلف في علي يدا: تخيل ضربتني علي بطني وطاح الطفل مش حانسامحك وقتها
ورفعت حواجبي: مش كل شي نسامح عليه
كانت نبرتي تهديد وهو ززي للي خاف شاف خطورة الوضع وشاف اني جدية..

حاول تحكم بأعصابك لاني مانرضاش نكون مرأة معنفة
ونظام انك تجرح وتدواي نكرهها

شفتله يتنفس بقوة زدت العيار شوية
وانك تفش غلك فيا هادي مش رجولة
فز لما سمع كلمتي وحول يدا بس رديت شديتها.: ونكمل لف
المفروض تواجهه مع للي يضايقك مش من الكبت الخارجي تجي تلقاني سطل تفرغ فيه غضبك
اعتبرني زي الشيشة نعبي نعبي ولما نتملي ننفجر

كملت لف يدا رفعتها بستها من داخل وقتله بأبتسامة: سلامتك حبيبي

كنت نحكي بتعب ونعس
خذيت علبة الاسعافات وشلتها مكانها
ومشيت للمطبخ بتعب ووهن نبي ندير شاهي وحليب ساخن عشان رقبتي

قربلي كرسي قالي :تريحي
وهو تفكل بالحليب الساخن والشاهي
شربت منه شوية شوية
وكملته وهو عينه عليا رفعت عيني عليه
كان نظرات عيونه تعب ندم حزن واهم شي حب

ببس مهما صار مش ديما نسامحه مش ديما ننسي
مش ديما نتنازل معاذ لازم يتربي ويعرف ان الله حق
اني مطيعة له في كل شي
بس هو لا عنيف معاي واقل شي يكب الاعصاب
المفروض نعرف طبعه ويعرف طبعي
عشان نتفاهموا الحياة اخذ وعطاء
معاذ: نسمة انزلي لحناي
نسمة: ليش!!
معاذ: عشان رقبتك توا دلكها لكي
نسمة هزيت راسي نفي : لالا واعرة
معاذ: ماتخافيش حناي يدها يدها خفيفة بسرعة بسرعة

سكتت ونزلت دارت زي لوز علي رقبتي وفركتها ليا واني كل شوي ونبكي بصوت وجعتني وانس في الصالة يضحك عليا ومعاذ يبرم خايف عليا
عارفة معاذ موجوع ونفسيته تعبانة
اني حاسه بيه اني نحبه
بس لازم يجوز من اطباعه ويخفف من مزاجيته
والحدة متاعه
كملت حناي بعد الف ياويلاه
ركبت فوق ومعاذ وراي زي ظلي
وانا باردة جامدة وهادية...
مش متقبلة منه كلام ولا تصرفات