عشق

عشق البارت14

#عشق14
للكاتبة سيدرا💫💜

ركبت لتاكسي ومشت
كول الطريق دموعها ينزلوا ماسكة عبرتها بالغصب قلبها
يتألم علي فراق روحها تبكي مش بس تبكي تبكي دم
لانها كانت متأكدة ان القرار للي خاذاته صحيح

اما عن حالة ايهاب
لو نقولوا ان تمني يموت في اللحظة وماسمع الكلام منها
تمني تجيه رصاصة وتنهي حياته
تمني ان يهاجر
تمني ان ماانولدش علي الدنيا

فلاش باك

شهد ببكي: ايهاب انت متأكد انك تبيش تسيبني
ايهاب: لو الدنيا كلها عارضوا انتي ليا واني لك
شهد: انا واثقة ومتأكدة منك انت اهلي يا ايهاب
ايهاب: اوثقي وتأكدي ان مستحيل يوم نخليك قلبي بس ينبض بأسمك
شهد: هههههههههه
ايهاب: تتسهوكي اسمعي شهد شهد شهد شهد شهد
يقول شهد
شهد: انحبك
ايهاب: انموت فيك

الوقت الحاضر
ايهاب عرف ان خذل شهد
والخذلان ديما يقتل الروح قتل
وندم اشد الندم ان في يوم كان امانها
قعد خذلانها
ان في يوم كانت واثقة فيه ،والثقة من الصعب
ان اي بنت توثق في شخص ثقة كاملة
لالا اي شخص صعب ان ينعطي الثقة الكاملة
الا لما يحس بالامان مع الطرف الاخر
لكن شهد فقدت الشعور بالامان معاه💔🤷‍♀️

هذا كله عرفه ايهاب
وفقد الامل من ان شهد ترجعله
بس مزال حايحاول بكل الطرق
بكل شي
مزال يتنفس معناها مزال يحاول

ويبقي الامل

___

جا ايهاب خش للفيلا بعد غياب اكثر من اسبوع علي امه
واول ماخش سلم
جت امه نجمية: باهي للي جيت عرفت ان عندك ام
وطلعت من راسك هادكا الموضوع
ايهاب عيونه حمر: خلاص تهني سيبتني بسبب بنت اختك وبسببك قالتلي انها معش توثق فيا وقالت ان طريقنا انتهيت تعرفي علاش لاني خفت عليك من المرض وخليتها سنة كاملة....افرحي يا امي افرحي لان اكثر حاجة كنت نبيها عدت
كلهم تأثروا وقلوبهم انوجعت
مشي ايهاب لم ملابسه كلهم
وطلع من الحوش

الجو مشحون بالطاقة السلبية
والكل متضايق البنات اكثر متضايقات من امهن
اما عشق فاخشت للدار طول تبيش تسبب بوجودها غير ارتياح الموضوع عائلي لانه وهيا مش من العائلة

جت رانيا ورباب وصغارهم
وتعرفوا الفوضي للي تصير لما يجو 😂

رانيا من اول ماشافت عشق وهيا مش حبتها بلكي عشان لاقت اهتمام من الكل والكل عاجبتها شخصية عشق ويمدحوا فيها

رانيا ونجمية ورباب قاعدات في الجنان يحكن
ونجمية تبكي
رانيا : امي انتي مش غلطانة كيف تخشي في حوشنا بنت امها سحارة كيف حانطمنوا منها نحن
رباب: امي اني صديقتي تكون جارتها قالت البنت قمة في الاخلاق كويسة بكل ومعلمة وجميلة ياماما
رانيا: لالا سمعتيش المثل للي يقول ظب الجرة ع تمة تطلع البنت لامه
عشق بصدفة سمعت الكلام
قربت وبأبتسامه
عشق: عميمة عادي نحكي معاك في الموضوع ونعطيك وجهة نظري
رانيا : لالا حبيبتي الشي هدا له علاقة بالعيلة
نجمية فنصت في رانيا: قعمزي بنيتي بلكي نرتاح
عشق: قوليلي اسباب رفضك ليش
نجمية: القصة ومافيها ان وووووو
قوليلي مش انا للي جبت وكبرت مش حقي نختار
باهي يبيش اختياري عادي بس يجيب بنت اصل
عشق بحتت فيها شوي وهيا ساكته: عميمة الام لماتجيب طفلها علي الدنيا مش تبي ان ديما تشوفه فرحان
نجمية : ايه واني هادا للي نبيه لاني عارفة مصلحته
عشق: عمتي ربي قال (ولاتزر وازرة وزر اخري)
اصابع اليد مش زي بعضهن
اقرب مثال قابيل مش زي خوه هابيل
سيدنا يوسف مش طماع زي خوته
المفروض انتي تقعدي مثال ضد الظلم
شهد للي قلتي عليها ظروفها صعبة اكيدة ياما بكت من اهلها وياما تبهدلت
اكيد متضايقة...لكن ياعميمة شهد عندهاش ذننب
رانيا: لا ذنبها ان امها سحارة وطالقينها عند جدتها العزوز اكيد قاعدة علي حل شعرها مع الولاد
عشق بصدمة: كيف تقدري تتبلي علي الناس في اعراضهم مش حرام تقذفي بكلام زي هذا علي بنت مافيش بينك وبينها كلام ماعندكش دليل تي حتي للي زنت لازم اكثر من شخص يشوفها وفي نفس الوقت
ليش لان ربي امر بالسترة لان للي يستر اخوه المسلم يسترا الله يوم القيامة، ربي قال يا رانيا ( ويل لكل همزة لمزة) يعني للي يحكي اعراض الناس يا ويله ويل من ربي حرام السترة كويسة حتي لو شفتي بعيونك تسكتي وماتحكيش لان الدنيا داورة ويوم للي بتستري علي انسان ربي يستر عليك...وقلت بحدة :مابالك تتكملي من غير دليل
رباب: صح يا راينا عيب حرام عليك
رانيا انكسفت ووجها قعد احمر وتضايقت من عشق لين خلاص وقعدت تشبح فيها في شبحات زي السم ومعش ردت