عشق

عشق24

عشق 24
سيدرا💫💜

في الطيارة
ربطنا احزمة الامان ، مسكت يد مهاب وغمضت عيوني
وانا ندعي من قلبي ان اهل ماما يتقبلوني بس
ماطالبة شي الا انهم يتقبلوني
حسيت بيد مهاب للي مسكت يدي بقوة
حاس بيا يفهمني
مهتم بيا ...بمسكة ايده يقولي كان الدنيا كلها خلاتك
انا معاك
ياترى مهاب يحبني صح، او يشوفني واجب انساني.
باهي من يدري هل من الممكن نكون معاه في يوم
من الايام اسرى او لا
كل الاسئلة في راسي...والافكار وحاسه بنفسي متشتتة
وقلبي واجعني مقبوض خايفة
واكيد الخوف طبيعي
غمضت عيوني بشوية ودخلت لعالم النوم للي نهرب فيه
مع ان كانن الليالي للي فاتن كان مهاب يشجعني ويطمني
ونرقد جنبه وفي حضنه نسيبش الا ع الصبح
لكن توا درلي شعور الخوف وهربت اخري بالنوم
والصراحة طبيعي نخاف بعد كمية الخيبات للي تعرضتلها💔

___________

رنا وريما في السوق مع بعض
ومعاهن ميار ولمار
ريما: عصام قالي كتري الارواب
ميار: اي هما للي فيهم جو خودي خودي
ريما: ترا ضمي فمك نادمة اني خديتكم
رنا: ريما تو نشوفلك اطقم ملابس داخلية حلوة وناعمه
ريما وجهه احمر وقالت بهمس: بري بروحك من غير الفرخات
رنا: باهي ريمووو
لمار: اني حانشوفلك العطور عندي خبرة فيهم
ريما: يعني دوقك حلو فيهم
ميار: حي لمار عارفة كل انواع الورد والزهور والعطر والروائح مغرمه بيهم هلبا لو تشوفي عندها صندوق كامل فيه ورد
ريما: باهي اختاري كم عطر ونشوف صنتهم قبل وبعدها نشري
مشن لمار ورنا
ميار ملصقة في ريما: ريما اشبحي هادا محلاه
ريما: تي عريان هلبا خيرك
ميار: ريما هادا راجلك حلالك دلعيه عشان يشبحش برا فهمتي عليا
ريما: انتي لسانك طويل
ميار: وااك ريما عمري 18 سنة تنسيش للي بعمري بصغارهم،الله يسامحك يا بوي مايبي يعطيني الا بشهادتي
ريما: وانتي خيرك تقولي فيها بحزن هكي
ميار: اني مش متاعت قراية الحق مليت من العزوبية نبي راجل ونجيب صغار ونكمل قرايتي في حوش راجلي
ريما تشوف للملابس: ماشفتش تؤام زيكم انتي ولمار
وحدة طموحه ووحده فاشلة
وحدة استغلالية ومغرورة ووحدة هبلة ورومانسية
ميار: مع ان كلامك فيه قلت ادب يا بنت عمي لك معليشي سامحتك ، لان ببساطة نحن تؤام مختلف نختلف عن بعض...
اني نبي نتزوج ونبي نكون اسرة ويكون عندي حوش صغير نخليها مملكة مريحة هادية
اااه بس من السنغلة
ريما: هههههههههه هدا وانتي عمرك 18 بس
شن تقولي عليا
ميار: لو تبي اي نصيحة بي ال...
ريما: اسسس نعرف من غير ماتقولي نعرف
وبعدين فتحت هدرزة بري شوفيلي بجامات وناديلي
ميار مشت وهيا تتمتم😑

لمار تشوف في الميك اب وتسأل علي النوع
لمار: معليشي مافيش الا درجة وحدة من هدا الكريم
الشاب: الاسبوع الجاي يجينا درجات من النوع هدا
لمار: اممم باهي المسكارا هادي مش اصلية وله
الشاب: كوبي من درجة الاولي
لمار: يعني مقلدة اممم باهي نبي كونسيلر لاكثر من استخدام
الشاب: عندنا نوعين اهوا واهوا
لمار: حلووو بوكل وعطيني عدسات اصليات لو سمحت يكون لونهم رمادي ورموش مش كبار هلبة ومش صغار
نبيهم يبانوا طبيعيات بس بشكل حلو