Unicode
ထုံးစံအတိုင်း ဂျုံးဂုက ဆေးခန်းရှေ့နားကခုံလေးမှာထိုင်စောင့်နေသည်။ ခဏအကြာ ထယ်ယောင်းကဆေးခန်းထဲကထွက်လာခဲ့တယ်။ မိုးဖွဲလေးတွေဘဲကျနေပေမယ့် ဂျုံးဂုက ထယ်ယောင်းကိုမြင်တာနဲ့အပြေးအလွှားထီးမိုးပေးတယ်။ အနားရောက် ချိန်မှာ ထယ်ယောင်းနှဖူးက ဒဏ်ရာကိုမြင်တော့ ဂျုံးဂုရင်ထဲကျင်ခနဲ။
" အကို ဘာဖြစ်ထားတာလဲ "
ဂျုံးဂုကသေချာလိုက်ကြည့်တော့ ထယ်ယောင်းကမျက်နှာလွှဲသည် ။မေးနေတာကိုမဖြေဘဲ အကို့ပုံစံကတခုခုကိုဖုံးကွယ်ချင်နေတဲ့ပုံ။ထိုပုံစံကိုမြင်လေ သူ့မှာပိုအားမလိုအားမရဖြစ်လေ။
" အကို မေးနေတယ်လေ "
" ဆေးခန်းရှေ့အော်မနေပါနဲ့ ဂျုံးဂုရယ် လာကားပေါ်သွားကြမယ် "
ထယ်ယောင်းက ဂျုံးဂုလက်ကိုဆွဲကာကားပေါ်ခေါ်သွားသည်။ ကားပေါ်ရောက်တာနဲ့ ဂျုံးဂုက လိုရင်းအားဆက်မေးသည်။ ထယ်ယောင်းပုံလေးကအခုထိဝေ့လည်ကြောင်ပတ်။
" ဟို ရေချိုးခန်းထဲချော်လဲလို့ "
" အကို "
ဘာလဲဆိုသောပုံဖြင့် ထယ်ယောင်းကပြန်ကြည့်သည်။ ဂျုံးဂုက ထိုမျက်ဝန်းတွေကိုတည့်တည့်ကြည့်တော့ ထယ်ယောင်းကထပ်မံအကြည့်လွှဲသည်။ မျက်နှာနွမ်းနွမ်းလေးကို ကြည့်ပြီး ထယ်ယောင်းတခုခုဖြစ်နေတာကို ဂျုံးဂုစိတ်ထဲအလိုလိုသိနေတယ်။
" ကျွန်တော့်ကိုညာလို့ရမယ်ထင်နေတာလား "
" အော် ဂျုံးဂုရယ် အမှန်ပြောတော့လည်းမယုံဘူး "
" အကို "
" အ "
လက်ကိုဆုပ်ကိုင်လိုက်တာနဲ့ အဆမတန်နာကျင်သွားပုံရသော ထယ်ယောင်းကြောင့် ဂျုံးဂုအံ့ဩသွားသည်။ လက်ကောက်ဝတ်ထိဖုံးနေတဲ့ အင်္ကျီလက်ကိုအလျင်မြန်ဆွဲတင်လိုက်တော့ အညိုမဲစွဲနေသောအရာတွေ။
" ဒါဘာဖြစ်ထားတာလဲလို့ကျွန်တော်မေးနေတယ်လေ "
" ဘာမှမဖြစ်ဖူးဆိုကွာ "
" ရတယ် "
" ဂျုံးဂု "
တင်းကားသွားတဲ့မေးရိုးနဲ့ စူးရဲသွားတဲ့အကြည့်တွေကြောင့်ထယ်ယောင်းလန့်သွားသည်။ ဂျုံးဂုကဒေါသထွက်လျင်ဘာမှမြင်တတ်သည့်လူမျိုးမဟုတ်။ အထူးသဖြင့် ငယ်ငယ်တည်းက သူ့ကိုထိတဲ့ကောင်တွေဆိုတခုခုပြန်လုပ်လိုက်ရမှကျေနပ်တာမျိုး။
YOU ARE READING
The Blue Scenario [ Completed ]
Fanfictionအစွန်းနှစ်ဖက်ကို ရောက်သွားတဲ့အခါ ကိုယ်စီဒဏ်ရာတွေနဲ့ ..... နာကျင်မှုတွေကို ရင်ဝယ်ပိုက်ပြီး ဝေးကြရမယ်ဆိုတဲ့အခါ အချိန်တွေက ငါတို့နှစ်ယောက်ကို အပြစ်တင်လေမလား .... နောက်ပြန်လှည့်ကြည့်မိတဲ့အခါ ကိုယ်စီမျက်ဝန်းတွေမှာ မချစ်ပါဘူးလို့ဆိုလို့ရမလား .... အတိတ်တွေ...