Unicode
" ဘာ မဖြစ်နိုင်တာ "
အကြီးကျယ်ပျက်ယွင်းသွားတဲ့မျက်နှာကို ဂျုံးဂုကစေ့စေ့ကြည့်သည်။ ခြောက်ခြားနေတဲ့မျက်လုံးတွေက ဂျုံးဂုကိုကျေနပ်စေတယ်။
" မလုပ်ပါနဲ့ CEO ဂျွန် ကျွန်တော် အနူးညွှတ်တောင်းပန်ပါတယ် "
ဒီလုပ်ငန်းတခုလုံးကနေနုတ်ထွက်မယ်ဆိုတဲ့စကားက သူ့အတွက်တော့ ကမ္ဘာ ပျက်တာထက်တောင်ဆိုးဦးမည်။ စာချုပ်ဖောက်ဖျက်ရင် ပေးလျော်ရမယ့် ပမာဏက CEO ဂျွန်လိုလူမျိုးအတွက်က အိပ်နေသလောက်ပင်ရှိမည်။ ဒုက္ခ ရောက်မှာကသူ ။ ဒီလုပ်ငန်းကလည်း အစတည်းက CEO ဂျွန်အင်အားနဲ့အများဆုံးရပ်တည်ခဲ့တာ။
" sorry ပါ ကျွန်တော် ခင်ဗျားလိုလူမျိုးနဲ့ရေရှည်လက်တွဲနိုင်မယ်မထင်ဘူး ပေးလျော်ရမယ့်ပမာဏကို နည်းနည်းတောင်မလျော့စေဘဲပြန်ပေးမယ် "
" ကျွန်တော် တောင်းပန်ပါတယ် ကျေးဇူးပြုပြီးဒီစကားကိုရုပ်သိမ်းပေးပါ။ ကျွန်တော် မျှော်လင့်ပြီးသားပါ ကျွန်တော့်အပြစ်အတွက်ပြန်ပေးဆပ်ရမှာကို ဒါပေမယ့် ဒီတခါလေးဘဲပထမဆုံးနဲ့နောက်ဆုံးအနေနဲ့ခွင့်လွှတ်ပေးပါ"
တည်ငြိမ်နေတဲ့ ဂျုံးဂုအသွင် ကိုမြင်လေ မင်ဝူးမှာ ကမ္ဘာ ပျက်လေ။ တကယ် ဒါသူ့အတွက်သေရေးရှင်ရေးတမျှအရေးကြီးသည့် project ကြီး။ ဒါကိုသာရပ်ဆိုင်းသွားရင် ရှေ့ဆက်ဖြစ်လာမယ့် ဒုက္ခတွေကိုသူဘဲခါးစည်းခံရမှာ။
" ကျွန်တော် ငယ့်ကိုနည်းနည်းလေးတောင်ထိခိုက်အောင်ထပ်မလုပ်ပါဘူး ဒီကိစ္စမျိုးကနောက်ထပ်ရှိမလာစေရတော့ပါဘူး ကျွန်တော် ကတိပေးပါတယ်"
ဆုံးဖြတ်ချက် တခုကိုမပြင်တတ်သောထိုလူသားစကားကြောင့် တကယ်ပင်စိုးရိမ်ရပါသည်။ တိတ်ဆိတ်နေတဲ့အခန်းထဲမှာ ထိုအဖြေတခုကိုစောင့်ဆိုင်းနေရတာကိုက သေမိန့်ကျခံရမယ့်အပြစ်သားလိုဘဲ။
အတန်ကြာတိတ်ဆိတ်ပြီးနောက်မှာ ဂျုံးဂုဘက်ကနေတိတ်ဆိတ်မှုကိုဖြိုခွဲသည်။
" ကောင်းပြီလေ အကို့အပေါ်ရှိခဲ့ဖူးတဲ့ကျေးဇူးတွေအပေါ်ထောက်ထားပြီး ခင်ဗျားကိုနောက်ဆုံးအနေနဲ့အခွင့်ရေးပေးမယ် အကို့ကိုနည်းနည်းလေးတောင်မထိခိုက်စေနဲ့။ တခုခုဆိုတာနဲ့ ခင်ဗျားပြန်ပေးဆပ်ရမယ့်အရာတွေကိုသတိရ။ အကိုပြန်မလာမချင်း အကိုကခင်ဗျားဆီမှာဘဲရှိနေမှာ။ ဒီကြားထဲတစ်ခုခုထပ်ဖြစ်ရင် အသက်ချင်းလဲဖို့လည်း ကျုပ်ဝန်မလေးဘူး "
![](https://img.wattpad.com/cover/213596037-288-k70694.jpg)
YOU ARE READING
The Blue Scenario [ Completed ]
Fanfictionအစွန်းနှစ်ဖက်ကို ရောက်သွားတဲ့အခါ ကိုယ်စီဒဏ်ရာတွေနဲ့ ..... နာကျင်မှုတွေကို ရင်ဝယ်ပိုက်ပြီး ဝေးကြရမယ်ဆိုတဲ့အခါ အချိန်တွေက ငါတို့နှစ်ယောက်ကို အပြစ်တင်လေမလား .... နောက်ပြန်လှည့်ကြည့်မိတဲ့အခါ ကိုယ်စီမျက်ဝန်းတွေမှာ မချစ်ပါဘူးလို့ဆိုလို့ရမလား .... အတိတ်တွေ...