Chasing Mr. Right [Complete]

Forty-eighth Chase

Forty-eighth Chase

Third year college. March.

"Charm!" I looked around at nakita ko si Zeke na tumatakbo papunta sa'kin. Nakasuot siya ng dark blue na toga at cap katulad ng iba pang gagraduate ngayon.

"Zeke! Bakit ka nandito? Bumalik ka na dun sa upuan mo. Ako na maghihintay kina Tita." Dumating na kasi yung mga pamilya nina Aaron at Dave at sumama na si Maggie sa parents ni Dave kaya ako na lang yung naghihintay dito dahil mukhang malelate daw yung pamilya ni Zeke, natraffic pa ata kasi sila.

Ngumiti siya sa'kin. "Hindi, okay lang. Late naman sigurado magsisimula yung program. Tsaka malapit na daw sina Mama. May surprise sila para sa'yo." Kumindat sa'kin si Zeke.

Napailing na lang ako kay Zeke at napangiti. I looked around unconsciously. Simula kanina, napapansin kong maya't maya na bigla na lang lumilibot sa paligid yung mga mata ko. Because I know na gagraduate rin ngayong araw si Tiffany. And her whole family is going to be here. He is going to be here.

"Nandiyan na pala sila!" Sinundan ko ng tingin yung tinuturo ni Zeke. Nandun yung family van na laging gamit ng pamilya nila tuwing may lakad sila at nagpapark na.

"Tara, puntahan natin sila." Aya ko kay Zeke at sabay kaming lumakad papunta sa van.

"Ate Chaaaa!" Tili nung mga kapatid ni Zeke, sina Len at Ria, pagkalabas nila ng van at tumakbo sila agad papunta sa'kin.

"Oy, teka, ako yung Kuya niyo, di ba?" Reklamo ni Zeke sa likod ko.

Dinedma lang siya nung mga kapatid niya kaya natawa ako. "Ate Cha, namiss kita!" Sabi sa'kin ni Len.

"Namiss ko rin kayo." Sabi ko sa kanya bago ko siya niyakap.

"Cha!" Napatingala ako nung marinig ko yung boses na 'yun at nagulat ako nung bumaba mula sa van si Mama, kasunod niya si Kael.

"Ma!" Tumingin ako kay Zeke na ngumiti sa'kin.

"Surprise." He said with a grin. It's been a while simula nung makita ko sina Mama dahil naging busy ako sa finals at sangkatutak na papers at reports kaya hindi na ko nakauwi sa Bulacan.

Nilapitan ko sina Mama at Kael. "Sinama na kami nina Ellen dito para manood ng graduation nina Zeke."

"Hi Cha!" Bati sa'kin nung parents nina Zeke. Binati ko rin sila.

"Tara na?" Yaya ni Zeke. Humawak si Len sa'ming dalawa ni Zeke kaya nasa gitna namin siya habang naglalakad.

"Anong grade ka na nga ngayon, Ria?" Tanong ko sa kanya.

"Grade five po, Ate Cha."

Tumawa si Zeke. "Charm, tanda mo yung mga ginawa mo nung grade 5 ka pa lang?"