قرار العُهر

بداية❤

حقيقية..
للكاتبة غدير الحيدري

لم يكن قرار العُهر قرارنا يوماََ
لكن الدنيا أرتنا العجب..!!
من كل جانبٍ همشتنا
وعادت تصرخ:مرحا يا محب
اتسمعُ ضجيجُ روحها؟؟
أم هامت مسامعكَ بعُهرٍ صَخب

هي فاتنة حد الهلع
هي راكدة تماماً كالوجع

ساقتها مظالمُ الأقدار لأزقةِ البغي
والبستها افواه الناس ثوبَ الشغب
وعادت طفلةُ لا تعرف أين المسير..
بعدما احتضنتها ايادي من ذَهب

هل كانت يداك من ذهبٌ يا عاشقي؟؟
أم اوهمتني بنحاس وحديد؟؟
هل كان حضنُكَ دافئاً؟
أم إن حرارة ألمي هي من صَهرت ذلكَ الجليد..
اتركني وإرحل

سنلتقي يوم الوعيد
سنلتقي حتماً وسأفعل مااريد
لكن..!!!!!
بعد ان انتزع قرار العُهر
واثبتُ لك إنه ليسَ قراري..
......
لمحات من الماضي..

امشي ودموعي ع خدي
وخالتي تسحب بأيدي
اتلفت واحس روحي محتركة

وارفع ايدي بحركات واهية
كأنما نادمة ع ضياع حلمي
واتمنى لو ارجع
لكن القرار مو قراري!!
ولا بيدي

دمعة حارة حركت خدي
وشعلت احاسيس مطفية بروحي
كلت واتنهد اثر الوجع والقهر

:خااالة شلون اعوفها هنااا خالة هايه قطعة منييي

وترد خالتي بصوت متعب

:ولج يمة الله يعرف حالتج انتي مجبورة

وتسحب بية واني اتلفت
الى ان عبرنة هالمنطقة المشؤومة
وصعدنة بسيارة بيهه عالم هواي

بوقتها كعدت وخليت ايدي ع راسي
وصرت اون
اني هم انحسب بشر بعد اللي سويتة؟؟

هم عندي كلب ودم ومشاعر واحس؟؟
ماعندي خيار ثاني امامي
بس شلون كلبي نطاني وفضلت روحي ع روحي

تحركت بينة السيارة
وصوت صراخ عج بأذني
باوعت بنظرة شاحبة لذاك المكان

ودموع الم تكورت بعيوني
ضغطت ع الاجراس بأيدي بقوة
الى ان بعدت المسافة

حسيت ع قطرات حارة توكع ع رجلي
باوعت وشفت دم
رخيت ايدي وشفت الاجراس ملطخة بدمي

رجفت شفافي
راح يجي يوم وتكون هالاجراس دليل؟؟
لو راح ابقة مضيعة روحي؟
.....
لمحات من الحاضر

:ما أعرف ليش تدعين المثالية وبس هزة خصرچ تعادل الف راقصة گولي ان انتي شريفة؟؟؟

مسحت دموعي
ولميت رجلي لصدري
نصة نفسة وكعد كدامي

درت وجهي وهو مد ايدة
جر حنكي بقوة
باوع بعيوني بحدة
احس عيونة تاكل تفاصيل وجهي

كال

:احجي ليش ساكتة؟؟

صاح بقوة

:گوووومي اودييييج