قرار العُهر

بارت 29

بقلمي
الكاتبة غدير الحيدري
.......

لم تؤرقني فكرة المواجهة
بقدرِ ما حطّت على قلبي كلماتكَ
سهماً مسموماً يتخلل الروح كل لحظة..
.......

خنساء

كان ثابت
كنت مهزوزة
كان واثق..
كنت إنعدام..

كانت عيونة تطالب بالفهم
وعيوني تتلصص خشية من الحقيقة

شراح تسميني!؟
خنساء او خوخ؟
مااعرف!!

كان اكو سكوت كبير بينا
وعيوننا بوحدها تحجي
كنت اشبه بالطفل المذنب بحضرة والديه
واكف بكل خوف ينتظر العقاب

اخيرا كال..

حسن:ليش اخفيتي عني حقيقتج؟ ليش ما كلتي انتي بنت هذا البيت؟

كلت وصوتي يرتجف

خنساء: انت يهمك خنساء بنت منو بالضبط؟
حسن:كلتي اسمج خبايا بوقتها كانت هذي الكذبة الوحيدة؟ لو راح اسمع سيمفونية من الاكاذيب؟

نصيت راسي

حسن:منتظر اسمع
خنساء:تسمع شنو؟
حسن:الحقيقة من افواه المواقف هي واضحة لكن اريد اسمعها

بلعت ريك
كال

حسن:ليش اتصلتي؟ ليش انا بالذات؟
خنساء: مو معمل الخياطة س.سمعت انت م.مسؤول عنة..

قاطعني
وكال بأسف

حسن: معمل الخياطة!؟

دمعت عيوني

خنساء: انا بحاجة للشغل وامك ترفض اي شخص من عائلتي ماكان بأيدي أي حل غير ان اتصل بيك انت..
حسن: وهاجر؟
خنساء: انا ماعندي موبايل اساسا م.مااعرف شلون يستعملوه بس هاجر نطتني موبايلها وو و.اتصلت

سكت

خنساء: ماعندي اي نية سوء وو الله بس..

قاطعني

حسن:ليش ما كلتي من البداية!؟

سكتت
حك انفة وكال

حسن: ما نطيتج فرصة كنت موهوم ضايع وتافه وغبي
خنساء: لا انت مو...

قاطعني ونتر

حسن: ششش بلا مثاليات

سكتت

حسن:ليش كذبتي علية بحقيقتج؟ ما تريدين اعرفج انتي منو مو مشكلة بس ليش حسستيني انتي بنت خير والحقيقةة..

سكت
دمعت عيوني

خنساء: الحقيقة شنو؟
حسن:انا وانتي نعرفها

ما رديت
احس ماعندي كلام اكولة..

حسن:كنتي مصورتلي حياتج بألوان مختلفة اختفائج المكرر وظيفة خوفج الغير مبرر شرف وعفة اتصالج اعجاب كنتي مشوفتني الحقيقة من جانب اخر

تنهد بتعب

حسن:انا انجرفت بمشاعري انتي ليش ما استوقفتيني بالحقيقة؟ ليش استمريتي؟ كنت اسولف الج عن اصحاب المصالح وبكل اذن صاغية ونفس حقيرة كنتي تسمعين وكل هذا وصلت بيج الصلافة تجين وتشتغلين ببيتي ببيت الانسان اللي ضاحكة علية!!