بقلمي
الكاتبة غدير الحيدري
......
في حين كُنت ثابتة
كان كُل شيء يدفعني الى الإنهيار
......
هرم
بقيت اباوع الها ومحتارة
انتي نفسج شمسة لو انا متوهمة!؟
كلشي بيج مختلف
بس عيونج بعدها
نفسها..
قادرة ع ايقاع الف رجل
ابتسمت الي
وكالت
شمسة:هرم؟
توسعت عيوني
كلت
هرم:شجابج هنا؟
ضحكت ومدت ايدها
شمسة:تعالي ابوسج تعالي
صارت تبوس بية
بعدها كلت
هرم:انتقلتوا للعيشة هنا؟
ابتسمت
شمسة:بوحدي بس
هرم:شلون ؟
شمسة: مو انا تزوجت وهذاك زوجي
اشرتلي ع رجال متوسط بالعمر
واكف برا وشكلة وقور ومحترم
مرتب هواي ولابس دشداشة وشايل سبحة بأيدة
هرم:تزوجتي هنا؟ شلون؟
شمسة:سالفة طويلة احجيلي انتي شنو اخبارج كالوا لكيتي اهلج؟
هرم:انا بخير الحمد الله شوكت تزوجتي؟
شمسة:قبل 3 اشهر تقريبا اجة شخص من البصرة وسوة مشكلة وتدخل شيخ عشيرتهم حتى يحلها وابنة اجة وشافني والحمد الله صارت القسمة
رفعت حاجبي متعجبة
هرم:خطبج يعني؟
شمسة:ايي وتزوجنا وهسة انا عايشة هنا والحمد الله حياتي بخير وحياة الغجر صارت سوالف
دمعت عيوني
وصرت اقارن ما بينها وبيني
كلت
هرم:بالعافية عليج واتمنالج كل خير
شمسة: اصبري هسة اجي
راحت ع زوجها صارت تحجي وياه
وتأشرلة علية
وانا اباوع الهم وعيوني مدمعة
هز راسة بالموافقة
وهي اجت علية
شمسة:هذا رقمي وعنواني حتى نبقى ع تواصل وياج طبعا اخذت موافقتة يلا
هرم:حقج
شمسة:راح نتواصل واي شي تحتاجي لا تترددين انا اختج
هزيت راسي بمعنى اي
بوستني وراحت
دمعتي نزلت
مسحتها ورجعت اكمل شغل
حتى انتي يا شمسة
الله جبر بخاطرج وانسعدتي
وهرم بعدها
تدفر بيها الحياة ومن كل مكان
صرت ابتسم ودموعي توكع بنفس الوقت
مااعرف حزينة او فرحانة
كل الاعرفة شمسة متغيرة هواي
صايرة عاقلة وثكيلة
وكعد حظها وبختها
بالعافية تستاهل كل خير..
كملت شغلي
وطلعت للبيت
كان اكو خمول بروحي
فتحت الباب ودخلت
استقبلتني امي
رديت الها ببرود
بدلت وكعدت صافنة
بالي بعيد وتعبانة
امي كعدت يمي وكالت
YOU ARE READING
قرار العُهر
Romanceحقيقية.. للكاتبة غدير الحيدري لم يكن قرار العُهر قرارنا يوماََ لكن الدنيا أرتنا العجب..!! من كل جانبٍ همشتنا وعادت تصرخ:مرحا يا محب اتسمعُ ضجيجُ روحها؟؟ أم هامت مسامعكَ بعُهرٍ صَخب هي فاتنة حد الهلع هي راكدة تماماً كالوجع ساقتها مظالمُ الأقدار لأزقة...
