قرار العُهر

بارت 26

بقلمي
الكاتبة غدير الحيدري
.......

إن الروحَ تنادي لك
تناغي الأحزان في طيفك
إن القلبَ يغني من الحزنِ تهويدة
نقلةُ بين المسافات
جزءً من الحكاية ونصاً مفقود
ماضي حاولَ النسيان تسويده..
......

الأرض وعليها علامات الدم
اثار مطبوعة و واضحة
ورزاق فاقد وعية امامي
او يمكن ميت..!!

كعدت ع جهة
لميت رجلي لصدري
غمضت عيوني

ما راح اسمح يتم تهميشي من جديد
ما راح اسمح لأي شخص يأذيني
انا تعبت..

تعبت وانا اكون لقمة سهلة
تعبت من دور الضحية..

انعاد موقف الاغتصاب بكل تفاصيلة
ولكيت نفسي طفلة صغيرة امام كومة ادغال
انا ضعيفة
انا ما اكدر اواجه نفسي..

بقيت ابجي بهدوء
لحد ما سمعت الباب انفتحت..
اجت العمة..

صرت اسمع خطواتها
وصوتها وهي تسأل

:براءة وينج

دخلت للغرفة
وباوعت لعيونها اللي توسعت بصدمة
باوعت الي وصرخت

:شصااااايييير

كمت من مكاني وكلت بخوف

براء:حااول يعتدي عليةة

ضربت وجهة وركضت ع رزاق
صارت تشوف النبض
باوعت علية وكالت بعصبية

:الله لا ينطيج العافية ع هالضربة تعالي شيليه وياية

كلت بعصبية

براء:ماراح اشيييلة ان شاء الله الموت ياخذ روحة

صاحت بية بصوت عالي
وكالت

:تجيييين تشيليه غصبا عنج لا تنسين نفسج انتي شنو ترا مكاعدة ببيت الخلفوج

صفنت ع كلامها
وادركت كل اللي تكولة صح
مسحت دموع عيوني
وشلتة وياها
صارت تضمد الة راسة وتحجي

:ان وديتة للمستشفى ما راح يصدكون خاصة هالاغبر مو مريح شكلة

كلت ببرود

براء:تعرفي شنو هو مع هذا تريدين تزوجي الي

نترت

:هيج وضعج احسن!؟ مشككة ملابسج وكاعدة كدامي ذليلة؟
براء:ومن اتزوج رزاق راح يلبسني حرير مو!؟
:ما يلبسج حرير بس ع الاقل اموت وانا مرتاحة

كملت لف راسة
وكالت بخوف

:كون يكعد وما يموت او يدخل بغيبوبة
براء:لا تخافين علية بزون بسبع ارواح واساسا الضربة مو قوية

خزرتني وكالت

:شلون تصير الضربة بعد ودمة تارس الكاع؟
براء:تصير قوية من اشوف جمجمتة متهشمة وما الة نفس

رفعت حاجبها مصدومة

:لهالدرجة تكرهي؟
براء:واكثر بعد
:جا ما دافعتي ع نفسج من اغتصبوج
براء:كنت صغيرة وكنت ضعيفة اما هسة اطلع عيونة اللي يتقرب الي بالشر