بقلمي
الكاتبة غدير الحيدري
........
حتى لو توضحت تلكَ الحقائق
سيبقى العالم مظلماً
يحتاجُ الى التوضيح دوماً
يحتاج الى نبرة من التلقائية
قد أرهقتنا المسؤلية
وما عدنا سوى رماد في طرق الحياة
ايهما نخفي؟
بماذا نبوح؟
.......
ابان
بلعت ريك
وانا واكف امام امي
وكلشي يكول الي انفضحت ابان
رمشت بسرعة
وكلت
ابان:ع كيفج يمة هاي شبيج؟
نترت
ام ابان:شعندددك مودي مسواك لذاك البيت منوو هناك؟؟
ابان:اصدقاء بينة سوينة كعدة يعني منو يكون هناك مثلا؟
رفعت تك حاجب
وكالت بشك
ام ابان: شنو نوع الكعدة؟ مستخدم ذاك البيت لل... يا .....
الموضوع انحرف عن مسارة الاصلي
حسيت بالراحة شوي
كلت بعصبية
ابان:انتييي ليش تتهميني هيج اتهامات؟؟ شنو ما واثقة مني؟ زين ما واثقة من تربيتج؟؟؟
ام ابان: هذا الزمن كلشي بي
ابان:انااا مو .... حتى افتح بيتي لل... بعدين اللي يريد ..... اكو شقق وكلشي اكو ما يجي بنص العالم
مشيت
جرتني من ايدي
رفعت ايديها بتحذير
ام ابان: وروح ابوك اذا عندك هاي السوالف الأ...
قاطعتها وصحت
ابان:لشوووكت ابقى اوضح وابرر واكلج انا موو هيج
ام ابان: منو ذول اصدقائك وشعدهم بذاك البيت؟
ابان: تدرين بية استخبارات لو لا؟؟ تدرين عملي صعب وخطر لو لا؟؟ انا مو مثل الباقين مااكدر التقي بكل اصدقائي بالاماكن العامة بين قوسين مهنتي خطرة وانتي تعرفين وخالي يعرف وحتى الضابط ضياء اللي فاضحتني يمة هم يعرف بعد المن هالدراما؟؟
اجت بان تركض
وع وجهها ملامح القلق
بان:شكو شبيكمم
ابان:فهمييي امج ان انا ماعندي شيي من اللي ببالها فهميها لان تعبت وانا اوضح واشرح وهي تتهم بية
صعدت ع الدرج وانا اصيح
ابان:شحال لو جاييج سكران اتطوطح كل يوم كان شسويتي؟؟ شحال لو لزمتيني بالملاهي شتسوين؟ شو كاتد وساكت وملاحكتنيي
دخلت للغرفة
قفلت الباب بقوة
سحبت نفس بعمق
لالا ابان الوضع زاد عن حدة
اكيد احد شايفني وموصل الكلام لأمي
فتحت شباك الغرفة
باوعت للسما
هسة يربي انا شمسوي؟
بنية تايهة مشردة
فوك ما لامها ودادور ع اهلها هيج اتجازة؟
شراح يخلصها وي امي؟؟
دخلت للحمام فتحت الدوش
اعصابي لازم ترتخي شوي
احس بتعب وقلق فضيع
هرم لازم ما تبقى بذاك البيت
بس وين اوديها؟
زين الى متى ابقى متحمل مسؤليتها!؟
الى ان يفرجها الله
مااكدر اعوفها تواجه مصيرها بوحدها
غبية وما تفتهم
واكو شي بداخلي يجبرني اراعي وضعها
احسها حالتها تقهر..
YOU ARE READING
قرار العُهر
Romanceحقيقية.. للكاتبة غدير الحيدري لم يكن قرار العُهر قرارنا يوماََ لكن الدنيا أرتنا العجب..!! من كل جانبٍ همشتنا وعادت تصرخ:مرحا يا محب اتسمعُ ضجيجُ روحها؟؟ أم هامت مسامعكَ بعُهرٍ صَخب هي فاتنة حد الهلع هي راكدة تماماً كالوجع ساقتها مظالمُ الأقدار لأزقة...
