ZODIAC UNIVERSITY: Meet The Zodiac Circle

Chapter 71

*** Photo above is Carina Lewis ***

*---*---*---*

Hinila ako ni Anna gamit ang kaniyang thread ability. Nakahanda ngayon ang mga boys sa pag-atake.

"Blu, what's the plan?" tanong ni Vita.

"Paghiwalayin natin sila since hindi kayang pagsabayin ni Sky na higupin ang black hollow nila," sagot pa ni Blu.

Nararamdaman ko ngayon ang lakas ng aura ng paligid. Nasa itaas kami ngayon ng bronze building. Nabaling naman ang atensyon ko sa nag-fa-flash na imahe ng Zodiacus sa likod nila. Could it be? Nandoon ang hari ng Dark Source?

"S-sino ang hari?" tanong ko sa kanila.

"Si sir Polaris, Sky," tugon.

Biglang nagteleport si Crater malapit sa amin at naglabas ng napakalaking energy ball sa kamay. Agad kaming naghiwalay ng landas bago tumama ang energy ball. Pinaghatian na naming harapin ang dalawa. Me, Carina and Vita will deal with Crater, while Anna, Blu and Kim will deal with Grus.

Sunod-sunod na naglabas ng maliliit na energy ball si Crater sa amin. Sobrang bilis niya at sobrang alerto. Naglabas ako ng flame wreck sa kaniya. Naglabas din ng air attack si Carina. Sinundan din ito ng water attack ni Vita.

Binigyan ko si Crater ng triple kick at kasunod na energy bomb mula sa katawan ko. Tumalsik siya pero bumalik ulit sa amin. Binitag siya ng water ability ni Vita sabayan ng air ability rin ni Carina. Pero sa isang iglap ay natunaw ito. Itinaas ni Crater ang kaniyang kanang kamay at bigla nalang kaming napapalibutan ng sobrang lakas ng hangin na may halong maliliit na tibo ng basag na salamin. Sugat-sugat na ngayon ang braso at mukha namin.

"This is beyond my capacity, ito na ang pinakamataas na lebel ng kapangyarihan ng hangin," sigaw ni Carina.

Hindi kami makagalaw dahil sa nakakabingi na hangin sa paligid namin. Sa puntong ito, wala akong ibang maisip kundi ang magwala sa loob. Mas lalong nilakasan ni Crater ang hangin. Gustong-gusto kong sagipin ang mga kaibigan ko.

Suddenly, a raging thunder is released from my body, pinakamalakas na yata na kidlat na nagawa ko. Tinamaan silang tatlo sa kidlat ko kaya tumalsik sila. Pero itinuon ko na ang sarili ko kay Crater na nasa rooftop ng bronze building.

His stare is still as cold as ice.

Pero wala na akong inaksayang panahon kundi ang sugurin siya ng fire attack ko. Lumipad ako pababa sa kaniya na nasa harapan ko ang aking apoy. Tumama ito sa kaniya at sabay kaming bumaon sa loob ng building hanggang sa umabot kami ng ground floor. Agad ko siyang itinali sa mga bato at sinakal sabay higop ng kaniyang black hollow.

"Come back Crater, Cass still needs you," wika ko.

Napahiga ako sa sakit ng katawan ko, sumusuka na naman ako ng dugo. Pero good news ay naririnig kong umuubo si Crater sa tabi ko.

"Sky?" Crater.

Pinahinga ko muna ang sarili ko pero naluluha pa rin ako sa sakit. Sige lang, kaya ko namang matiis ito para sa kapakanan ng mga kaibigan ko.

Napatanaw lang ako sa itaas ng building na ngayo'y butas dahil sa pagkakabaon namin ni Crater. Mabuti naman hindi nagcollapse ang building.

Unti-unti akong bumangon at inalalayan naman ako ni Crater. "Hanapin muna natin si miss Twinkle, n-nasa labas siya, hindi ko mahihigop ang black hollow ni Grus sa ganitong sitwasyon."

Pagkalabas namin, nakita namin sina miss Twinkle, miss Friah at si Klyde na nakatingin sa itaas. Halos lumilindol ngayon sa buong campus sa labanan ng mga Zodiac Circle. Pinahiga muna ako ni miss Twinkle at ginagamot.