بقلم نهال عبد الواحد
وجمت كارما فجأة، التمعت عيناها، تهللت أساريرها وقالت: هو ده، تسلم دماغك يا هدهود!
- تسلم دماغي على إيه! هو أنا قُلت إيه!
- هي دي الفكرة اللي بجد تحفة وجديدة...
أمسكت بقلمها ترسم رسم تخطيطي عشوائي، وهي تهدر بسعادة: بم إن موضوع كاس العالم في روسيا هو موضوع الساعة! يبقى ليه لأ؟
ونبدأ من لعبة كرة القدم، ودي لعبة من ضمن مجموعة ألعاب رياضية، يبقى هنتكلم عنها...
ممكن كمان نتكلم عن مفهوم الرياضة عمومًا وتأثيرها على الجسم وأربطها بالغذاء الصحي، يبقى عندي كمان مفهوم الغذاء.
لعبة كرة القدم في حد ذاتها لعبة جماعية يعني قيمة التعاون والعمل الجماعي وروح المنافسة والروح الرياضية والتسامح.
كاس العالم ده هيشارك فيه عدد من الدول ممكن أتكلم عن كل بلد بطريقة سطحية ويا سلام لو عرفوا أكتر حاجة بتميز كل بلد وعلم كل بلد... تصدقي يا ماما النقطة دي ممكن أعمل عليها عرض!
المهم! روسيا في حد ذاتها عبارة عن بلد يعني هستخرج مفهوم الوطن، وبما إنه الأرض اللي هتستقبل كاس العالم يبقى مفهوم السياحة...
طبعًا هخش منه على السياحة في مصر وشوية عن التاريخ المصري... الله! دي في حد ذاتها ورشة عمل فني تجنن، وعارفة كمان ممكن نعمل عرض فرعوني، لا وكمان ممكن أعمل مسرحيتين صغيرين، عن (أسطورة إيزيس وأزوريس) وعن ( عروس النيل)...
يا سلام على أفكارك يا كوكو!
لا وكمان ممكن أدخل شوية مهن هتشتغل أكتر في الموسم ده زي السواقين، الشيالين، المرشد السياحي، الفنادق، الطباخين، المطاعم، المحلات...
ونزود كمان مفاهيم النظافة، الكرم، النظام...
يا سلام عليكِ يا بت يا كوكو! بس كل ده عايز يترتب بتسلسل منطقي كده في ريبورت محترم وأطلع الأهداف المحترمة بتاعتي الأول، وأقسمه على فترة زمنية مناسبة... إده إده! ده أنا كمان ممكن أطلع مجموعة أغاني مناسبة ويبقى كده جهزت فريق الكوير.
تسلم دماغك يا ماما مش عارفة من غيرك كنت هعمل إيه!
احتضنتها وقبلت رأسها، وهدى في بلاهة ووجوم لاتفهم شيء مما حكته ابنتها وهي تخطط برنامجها السنوي، لكنها أفاقت فجأة وقالت: إيه كل الكلام اللي هتعلميه للعيال ده!
- سر المهنة يا هدهود! وبكده أخلص الريبورت ده إنهاردة وأسلمه بكرة لميس نعمات، ونشوف هنجتمع إمتى ونناقش الحاجات دي عشان نبدأ.
- يا بنتي إنتِ مش كنتِ قايلة إنها عايزاكِ تكوني مسؤولة عن حفلة آخر السنة!
- أيوة يا ماما، ما ده لحفلة آخر السنة.
YOU ARE READING
(هات و خد) By : Noonazad
Romantikaعبر المصادفة تعرفت عليه وطلبت منه المساعدة، فتفاجأت أن للمساعدة مقابل بل مزيد من العطاء... 👈الفائزة بأسوة 2020 من ضمن القائمة الطويلة. December 2019: February 2020
