Sharap (Baka Girls #1)-Completed

24

Lets assume na TAGALOG ang main language ng mga tiga CDO. 

-

"Bakit ganyan ang suot mo?" Bungad na tanong ni Al sa akin. Tinignan ko pababa ang suot kong skirt na itim, long sleeve na pinatungan ng black cardigan at converse na puti.  

"Pakelam mo ba?!" Masungit kong ingos sa kanya. Ang cute kaya ng outfit ko at namimiss ko na tong suotin dahil lagi akong nakauniform. 

"Jeez!" Narinig kong mahinang angal nito habang inilagagay ang mga bagahe namin sa Compartment ng Taxi na tinawag niya para sakyan naming papuntang Airport.  

"Ano bang problema sa suot ni Jasmin? Ang ganda nga e. Bagay na bagay sa kanya lalo na sa ugali niya." Sabay ngisi ni Tita Mildred sa akin. Namula ako sa kahihiyan dahil sa damit ko. "Parehas pasaway." Tumawa ito bago ako naman ay napangiwi." O sya, mag-iingat kayo. Ikamusta mo ako sa Mommy mo Jasmin. Al wag masyadong maulit don huh?"  

"Mommy naman!" Pumadyak ito. "Hindi na ako bata kaya wag niyo ako bilinan ng ganyan." Sabay nguso. Pinigil ko ang tawang gusting lumabas sa bibig ko.  

"Oo na di ka na bata. Sige na, umalis na kayo at baka matraffic pa kayo." Tumango ako sa kanya. "Ingat kayo dito, Tita." Ngumiti ito sa akin.  Pinagbuksan ako ni Al ng pinto kaya nauna akong pumasok sa loob umunod naman siya. 

Magmula nang sumakay kami sa Taxi ni Al ay hindi nito inaalis ang kayang braso sa balikat ko. Nangbumaba kami ay sa bewang ko naman siya humawak hanggang sa pagsakay naming sa eroplano ay nakaakbay ito sa akin. Napaka possessive pala ng lalaking to dahil lahat ng makasalubong naming lalaki na napapatingin sa amin ay iniirapan niya o kaya naman hinahamon ng suntukan kung hindi ko lang aawatin kanina pa kami nasa presinto at hindi kami makakarating dito sa CDO. Lumapag ang eroplano sa  Laguindingan Airport. 

Dumeretso kami sa Seda Centrio kung saan magchecheck-in si Al. Pagkapasok naming sa loob ay inilapag ni Al ang kanyang malate habang ako ay pumunta sa glass window kung saan  maganda ang view ng nakuha niyang room. "Hindi ba pwedeng dito ka na rin matulog?"Ungot nito na parang bata.  Niyapos niya ako sa Likod bago inilagay ang dalawang braso papulupot sa bewang ko. 

"Alam mong hindi pwede diba? Sige na, ihatid mo na ako. Pasado Alas kwatro na ng umaga sigurado gising na sila Mommy. Hinahanap na pati niya ako." 

"Tara." Lumabas kami ng hotel at nagpakuha ng taxi sa gwardya para magpahatid Recto kung saan nandon ang bahay namin. "Dito ka na kasi magpa-umaga." Pangungulit na naman niya. 

"15 minutes lang naman ang layo ko, ano ka ba? Dun ka na sa amin mag umagahan."Sumakay na kami papuntang  Baranggay 24. Bumaba kami sa isang kulay Berdeng gate na puro santan na halaman ang unahan.  Habang kinukuha ni Al ang aking maleta ay nag door bell na ako ng ilang ulit pero alam kong gising na ang mga tao don dahil bukas na ang mga ilaw. 

Bumungad sa akin si Mommy na nakabistidang bulaklakan na pula. "Mommy!" bati ko sa kanya. 

Yumakap akong mahigpit dahil feeling ko maiiyak ako dahil sa sobrang pagkamiss ko sa kanya. "Oh my Baby Girl." Hinagod ng palad niya ang likod ko. Naramdaman ko ang init ng yakap ng isang ina na parang taon kong hindi naramdaman.