MY SUBSTITUTE BRIDE (COMPLETED)

MSB 29

Chapter 29

AGAD na napabalikwas ng bangon si Devee kinabukasan nang tumama sa mukha niya ang sinag ng araw na nag mumula sa labas ng bintana nang kuwarto niya. Napadaing pa ito ng biglang makaramdam ng pag kirot sa sentido niya.

"Good morning po ma'am Devee." Bati sa kanya ng isang kasambahay ni Ericjan. Agad naman siyang napalingon rito.

"Nasa bahay na po ako?" Nag tatakang tanong niya sa babae.

"Opo ma'am. Dumating po kayo kagabi ni sir Eric bandang alas dose y medya na po. Tulog po kayo habang karga ni sir. Siguro po nag enjoy kayo sa birthday ni madam kaya napadami ang inom niyo." Anang madaldal na kasambahay pag kuwa'y ngumiti pa sa kanya ng makahulugan. Agad na lumalim ang guhit sa pagitan ng mga kilay ni Devee.

"Lasing? Ako, lasing kagabi?" Nag tatakang tanong ng dalaga.

"Hindi ko po sigurado ma'am. O baka naman po nag lasing lasingan lang po kayo..." Aniya at humagikhik pa. Isang mabilis at matalim na tingin naman ang ibinigay niya sa kasambahay kung kaya't napatahimik rin ito. "Biro lang po ma'am." Anito at nag mamadali pang lumabas sa kanyang silid.

Muling napahiga sa kama ang dalaga at pilit na inalala ang mga nangyari sa nag daang gabi. Mula nong ipakilala siya ni Ericjan sa mga magulang nito bilang fiancee niya. Nong bigyan siya ni Kelly ng lady's drink daw... na hindi nakakalasing. Hanggang sa makita niya si Ericjan na nakikipag landian sa ibang babae samantalang iniwan siya nitong mag-isa. Maging ang ilang high ball glass na nainom niyang lady's drink.

"Naku! Devee... Nakakahiya sa magulang niya. Bakit kasi pinairal mo dun ang pagiging tanga mo." Naiinis na saad nito sa sarili pag kuwa'y ibinaon ang mukha sa unan niya.

'Masarap ka bang humalik?'

'Do-Do you want me to kiss you? R-right now?'

Muling napangiwi ang dalaga nang biglang lumitaw sa isipan niya ang mga sandaling iyon. Muli niyang tinanggal ang unan sa mukha niya. Wala sa sariling umangat ang kamay niya at dumapo iyon sa kanyang mga labi.

"What? Hinalikan ko siya kagabi? Nag k-kiss kami?" Hindi makapaniwalang tanong nito sa sarili.

'De-devee... Stop.'

'Please, kiss me. Huwag mo naman ako ibitin lagi.' Aniya.

Agad na napasabunot ang mga kamay niya sa sariling buhok dahil sa kagagahang ginawa niya kagabi. My god! Hindi niya akalain na ginawa niya 'yun kay Ericjan. Ano na lamang ang mukhang ihaharap niya sa binata mamaya? Nakakahiya talaga.
Panigurado siyang pulang-pula na ang mukha niya ngayon dahil ramdam niya ang pag iinit no'n.

"Devee... nakakahiya ka." Sermon nito sa sarili.

'Masarap ka bang humalik?' Ang paulit-ulit na nadidinig ni Devee sa utak niya. Parang mababaliw ata siya kakaisip sa mga nangyari kagabi. Muling umangat ang kamay niya papunta sa kanyang mga labi. Totoo nga... nag kiss sila ni Ericjan, hanggang ngayon kasi ramdam niya parin ang mainit at malambot na mga labi nitong nakalapat sa mga labi niya. Ang magaang pag galaw nito habang tumutugon sa mga halik niya.

"Ahhhhh... Bakit? Ang tanga ko. Ang tanga ko." Anito na parang nababaliw na at pinapagalitan ang sarili. Pero mayamaya ay mapapangiti ring bigla at mapapakagat labi. "Nag k-kiss na kami? Oh My god!! Oh my God!! Devee, malandi ka na." Anito at tumili ng malakas pagkatapos na ibaon ang mukha sa unan niya.

"GOOD MORNING..." Agad na natigilan ang dalaga sa pag labas sa pinto ng kuwarto niya nang marinig ang boses ni Ericjan. Malingalingang buksan niyang muli ang pinto at tumakbo papasok para lang hindi niya makita ang binata. Pero huli na siya. Mas nakakahiya kung hindi niya ito haharapin gayong nakita na siya nito. Kasabay ng pag pikit niya ng mariin ay nag pakawala siya ng malalim na buntong hininga bago pumihit paharap sa binata.