ضفائر صبريه

٦

رفع العوجية بوجه مجد
- شكلت ولك ؟
لحظة صمت بينا انتهت بصوت عجوز  قاطعت ..

- حجي خلي الولد يطب للبيت موش هيج الحجي هذا ابن نبيلة يبقى من دمك ولحمك تعال يمة فوت فوت داخل..

بس جدي رفع ايده وسكتها ...

حاجاني خالي نجم الله يالحنين ولا فكرت تسال تكول شصار بختي وولدها وسفه عليكم ....

- بوية انت يهو منهم ميثم لو مجد  ما عرفتك..

دنكت و جريت حسرة ..

- اني مجد...

تجاهل جدي الي بس يخزر و اجة حضني
- كبران و صاير ضابط ما شاء الله ما شاء الله.

رحت اسلم على خوالي الباقين  من ارد اسلم على خالي سهيل رجع ورى ...
و خزرني ...

وعينه على جدي ...

- حدك .. سواية ابوك ما ناسيها وهاي امك وحدة ما تستاهل اكلها خوية دازتك تطالب بفلوس كاع انباعت من ١٠ سنين كسداد لدينكم الي
- خالي حرام امي يتيمة الام وهذا ورثها وانت اكلت مال يتيم بحجة دين الي اصلا ماله وجود انت شاركت ابوي على ان تتحملون الخسارة مثل ما  الربح تستفادونة يعني بربك وقت الربح انت تاخذه ومن خسرتوا تريدة يرجعلك راس مال الشغل الي حالك من حال ابوية راح بالخسارة.

باوع خالي لشاب

- شفت خضر هذا اليسموه انت نايم وتجيك تهايم بوية ماكو اي حق لامك هيج كللها .. و هذا اكيد ابوك الي رجع يقرا براسها و يدفعها ورى هاي السنين ..

- عوف ابوي .. رجال ميت لا تشيل راسه  ..

صفن بوجهي وسكت مدنك...

خالي فرقد سال..

- الى رحمة الله يمته مات ابوك..؟
- من ٦ اشهر هو و ميثم اخوي بحادث والله لو ما امي تلح فلا اجيكم بس حالتها تعبت وتحتاج عملية والفلوس نريدهن عمليه و قسم نريده نسد دين علينا

بس الظاهر سهله عدكم تاكلون حقوق يتيمة .. اودعناكم..

درت اريد اروح و خالي نجم وفرقد يكلولي ادخل بوية وين راجع 
-بوية شتحتاج اني ونجم حاضرين...
- تسلم خالي مجاي اطلب مساعدة اجيت اطالب بحق بس للاسف..

دخل جدي و خالي سهيل تجاهلوني لان صاحب حق يمهم و نكروه.
وكف شاب يمي شبكني وهو يراضيني

-  خوية لا تزعل شنو حقك هاي خوالي وانة احاجي جدي وابوي ..

باوعتلة من كال ابوه عرفته يقصد سهيل
- انت خضر؟
- اي خوية لازم ناسيني ولك ياما لعبنا .

باوعتلة و سلمت عليه ما جنا اصدقاء جنا نتنافس باللعب  وتنتهي بعركة ..
ما ادري ليش لا انة اطيقة ولا هو ..

هسة مبين مشاعر الطفولة راحت وهسة يرحب بية بس ما حبيته..
بعدني اذكر  امور عنه تحيرني و تخليني اتحذر ..