My Wacky Girlfriend (Completed)

Chapter 57 - BTW2

"I am his older brother." Ika ni Ash.

"Sure. Come in." sabi nang doktor bago niya pinapasok si Ash sa hospital room ni Sky. Naiwan ako sa labas kasama ng lahat. Hay!

Pagkatapos ng ilang minuto ay lumabas na si Ash at ang doctor. Seryoso ang mukha ni Ash nang lumabas siya. Tinanong ko agad siya sa kung ano ang nangyari. Sobrang nag-aalala na kasi ako. Wala na akong pakialam kung nakukulitan na ba sa akin si Ash.

"Ash, anong nangyari? Malaki ba ng sugat niya? Kailangan ba niya ng dugo? Idodonate ko ang dugo ko!" mabilis kong sinabi. Hindi na talaga ako mapakali. Wala na yata ako sa tamang katinuan.

"Let's go inside." Aya ni Ash sa akin. Hindi man lang niya sinagot yung tanong ko. Hindi man lang niya sinabi sa akin kung ano ang balita! Dumoble tuloy ang aking naging kaba.

Pumasok ako sa loob ng hospital room kung saan naroroon si Sky. Naka-benda ang kamay niya na tila may malaki itong sugat. Naroroon ang mahal ko at nakahiga lamang. Hindi ko pa rin mapigilan ang pagbuhos ng luha sa mata ko. Ako ang may kasalanan kung bakit naging ganito si Sky. Ako ang dapat na nandiyan ngayon at hindi siya. Gusto kong sampal-sampalin ang sarili ko sa inis.

Dali-dali akong lumapit kay Sky.

"S-Sky, patawarin mo ako. Sorry." Pinilit kong linawin ang boses ko. "Hindi ko sinasadya. Hindi ko sinasadya!" paiyak ko nang sinabi sa kanya. Hindi ko talaga mapigilan ang pagpatak ng luha ko.

Hindi nagsasalita at hindi umiiyak ang mga The Vengeance sa likod ko pero kita ko sa mga mata nila na nag-aalala sila kay Sky. Galit ba sila sa akin? Ako nga ba ang sinisisi nila sa nangyaring ito? Sino pa nga ba? Ako lang naman di ba?

Yumuko nalang ako habang yakap yakap ang kamay ni Sky. Hanggang ngayon ay hindi pa rin siya nagigising.

Dumaan ang ilang minuto...

"Aly, si Sky!" si Dwight.

Pagtingin ko ka Sky, nakabukas na ang mata niya at nakatingin ng diretso sa akin. Seryoso.

1...

2...

3...

"Who are you?" tanong niya sa akin.