My Wacky Girlfriend (Completed)

Chapter 29 - Blackmailed

[Resume of Classes]

Ang bilis talaga ng oras. Hindi ko namalayang pasukan nanaman pala agad. Ano ano lang ba ang ginawa ko noong sembreak? 

DAY 1: Alumni party nila Ash at birthday ni Debbie.

DAY 2: Century Park Hotel kasi tumirik "daw" yung kotse ni Sky.

DAY 3: Bahay ni Sky kasi may Milo Marathon. Nameet ko din si Tita Amanda.

DAY 4: Driving lessons kasama si Sky.

DAY 5: Paramore concert na sinira nila Dave at Farrah.

Huh? Di ba isang linggo dapat ang sembreak? Bakit yung amin limang araw lang? Di ba dapat pitong araw? May nakaligtaan ba ako? Hay! Ewan! Ang ulyanin ko na. Pero kung nakalimutan ko man yung ibang ginawa ko noong sembreak, hindi ko naman maialis alis sa isipan ko kung sino talaga ang trumatraydor sa akin. 

Narito ako ngayon sa dressing room at inaayusan na ako ni Shibama para sa simula ng klase ko mamaya. 

"Girl! You looked so tensed! What's up?"

Oo nga pala at hindi pa rin alam ni Shibama na may nagtratraydor sa akin. Kagabi lang kasi nangyari yun. At pag-uwi ko sa bahay, nasa disneyland na si Shibama. 

"Shibs... May ano kasi... may traydor." naging putol-putol ang pagkakasabi ko.

"WHAT?!" napalakas ang sigaw niya. "WHO?!"

"Kahapon sa concert, nandun sila Dave at Farrah. At sinabi nila na may nagtratraydor sa akin. Yung traydor ang nagbigay ng number ko sa kanila para mabigyan nila ako ng hate texts."

"Do you have any idea now who it is?"

"Isa lang kila Dwight, Erick, Karen at Debbie. Pero kahit isa sa kanilang apat ay parang hindi naman yun magagawa sa akin. Bakit naman nila gagawin yun sa akin? Mga kaibigan ko sila."

"I bet it's Debbie!!!!"

"Huh? Bakit naman?" nagtataka kong tanong.

"Wala lang. Mukha kasi siyang bitch eh. Yung itsura niya yung mukhang laging bumabaliktad. Hehehehe." biro ni Shibama at nag-peace sign pa.

"Ang sama mo, Shibs!" pinalo ko siya ng mahina.

"Joke lang! I bet it's Karen then!"

"At bakit?" taas kilay kong tanong.

"Ang payat payat kasi. Buto't balat. Mas payat pa sayo! Mukhang di pinapakain ng magulang. Nauuhaw nga ako tuwing nakikita ko yung picture niya sa kwarto mo eh. Mukhang kailangan ko ng H2o lagi! Nakakadehydrate!" pagtitili niya.

"Anong connect?"

"Wala lengs! Hehehehe! Okay! Baka si Dwight!"

"Iniisa isa mo lang eh." inirapan ko nalang siya.

"Hindi. Si Dwight talaga! Baka may lihim na inggit yan kay Sky! O kaya naman baka may gusto siya kay Farrah! O kaya sayo! OMG, girl! Ang benta ng market mo ha! Haba ng hair! Nagrejoice ka ba, girl?!"

"At ano naman ang reason mo kay Erick, aber?" inunahan ko na siya. Hindi kasi siya makausap ng matino eh. 

"It's not Erick." simple niyang sagot.