My Wacky Girlfriend (Completed)

Chapter 24 - Risked

"Shibs..."

"Shh. Basta. Do your best later. Whatever happens, I'll be here for you."

.

"Salamat Shibs." at ako naman ang yumakap sa kanya.

Pinasuot ako ni Shibama ng red sleeveless cropped top at black leather skater skirt na hanggang gitna lang ng hita ko. Nakaboots ako na hanggang tuhod na medyo may kaunting wedge. Nakatirintas ang buhok ko na parang head band at nakakulot naman ang dulong bahagi ng mga buhok ko na hindi nakatirintas. Ang ganda ko lang. Ang galing talaga ni Shibama. Napangiti ako ng konti.

***

[5th Heaven Bar]

5th Heaven. Wow. Heaven nga talaga! Ngayon ko lang nalaman na may ganitong bar pala! Sobrang laki! Sa sobrang laki ay napagtanto ko na invited pala ang buong ECB! Kasabay pa nito ay ang mga alumni din ng ECB! Ganun kalaki ang kayang sakupin ng bar nila Debbie! Ang yaman! Mas maganda pa ito sa Tritonne! Modernong moderno ang pagkakagawa dito. Ang ganda ganda talaga!  

Malakas na tugtugan nanaman ang sumalubong sa akin pagpasok ko at agad kong nakita ang mga taong nagsasayaw. Kung ang paldang suot suot ko ay hanggang sa gitna ng hita ko, mas malala ang suot ng mga babaeng nagsasayaw. Halos panty nalang! Mas maikli pa sa tunay na panty! Halos wala na! Kadiri! May nakita pa akong isang lalaking kinurot yung pwet nang isang babae! Waaaa! Bastos!

Hindi man lang nagalit yung babaeng kinurot ang pwet. Tumawa pa siya at lumapit sa akin. LUMAPIT SA AKIN! Niyakap pa niya ako! 

"Ynna! I'm glad you came!!!" sabi ni Debbie pagkalas niya sa yakap.

"S-Syempre naman." naiilang  na sagot ko. Hindi ko parin maalis sa isipan ko yung nakita ko kanina. Hindi man lang nagalit si Debbie kay Dwight! Bastos na yun! Oo. Siya lang naman ang kumurot sa pwet ni Debbie. Hayyy! Subukan lang talaga gawin ni Sky sa akin yan! At nako! Kukurutin ko rin yung kanya! Hehe! Joke!

Oo nga pala. Nasaan na kaya yun?

"Debbie... Si Sky?" tanong ko.

"Ah. He's there o." tinuro ni Debbie sa akin ang lalaki naka gray hoodie.

Tinignan ko siya at mabilis na nagtama ang mga tingin namin. Hindi siya umiwas ng tingin kaya naman pupunta na sana ako sa kinaroroonan niya nang hilain ako bigla ng isang lalaki. 

"Sayaw tayo, Ynna! Yeah yeah yeah! Pwede bang pahawak ng sexy legs mo? Ooh la la!" si Viel. Oo nga pala at alumni party din nila ito.

"Viel. Kailangan kong makausap si Sky." sagot ko.

"Mamaya na Ynna! Mag-enjoy ka muna kasama kamin!" hirit naman ni kuto boy, si Clyde.

"Clyde kasi... May kailangan talaga kaming pag-usapan."

"Is that important? Come join us!" sigaw naman ni Austin mula sa malayo.

"Oo eh!" sigaw ko pabalik.

"Life and Death?!" sabay namang pang-aasar ni Dwight at King. Nag-apir pa sila dahil sa sabay nilang pagkakasabi. Tss. Mga weirdo.

"Oo." iritado kong sagot.

"You really like our Sky that much huh?" sabi naman ni Chase habang umiinon ng medyo mabahong beer. Hindi man lang siya tumingin sa akin.

Tinignan ko lang siya ng masama.

"Let her go." sabi naman ni Erick kaya naman pinalaya na nila ako. Buti pa si Erick. Siya lang yata talaga ang may isip sa buong Vengeance.