"ഞാനൽപ്പം തിരക്കിലായിപ്പോയി അല്ലെങ്കിൽ നിന്റെ കുടൽമാല പുറത്തെടുത്തേനെ..."
അമ്മി പറഞ്ഞാൽ പറഞ്ഞത് ചെയ്യും അതുകൊണ്ട് അമ്മിയുടെ വാക്കുകൾ കേട്ട ഉടനെ ഞാൻ നവാലിന്റെ കൈകൾ വിട്ടു.
"അല്ലാതെ അമ്മിയെ പേടിച്ചിട്ടല്ല..." കൈകൾ രണ്ടും തമ്മിൽ കൂട്ടി തിരുമ്മികൊണ്ട് അവൾ എന്റെ മറുപടിക്കായി കാതോർത്തു.
മറുപടി പറഞ്ഞാൽ ചീറ്റി പോകേണ്ട എന്ന് കരുതി മുഖം കൊണ്ട് ഒരു ഘോഷ്ഠി കാണിച്ച് ഞാൻ കിച്ചനിലേക്ക് നടന്നു.
"അമ്മീ.... ഉപ്പ എവിടെ???"
"ഉപ്പ അല്ലെ അവിടെ പേപ്പറും വായിച്ചിരിക്കുന്നെ..." ഹാളിലേക്ക് ചൂണ്ടികാണിച്ച് അമ്മി പറഞ്ഞു.
ആഹാ...
ഞാനും നവാലും വഴക്ക് കൂടുമ്പോൾ മൂപ്പര് അവിടെ തന്നെ ഉണ്ട്, ഇരുത്തം കണ്ടാൽ തന്നെ മനസ്സിലാകും എല്ലാം കണ്ടിട്ടും കാണാത്തെ പോലെ ഇരിക്കാണെന്നു...
ഞാൻ സമ്മതിക്കോ അങ്ങനെയിരിക്കാൻ ....
അമ്മി ഗ്ലാസിൽ പകർന്നു വെച്ച ചായയും എടുത്ത് നേരെ ഉപ്പ പേപ്പറും വായിച്ചിരിക്കുന്ന സോഫയുടെ അടുത്ത് ചെന്നിരുന്നു...
"അമ്പോ....
ആരാ ഇത്....
ഇമ്മാതിരി ശീലമൊക്കെ എപ്പോ തുടങ്ങി???"
"നിന്റെ ഒക്കെ കച്ചറ രാവിലെ തന്നെ കേൾക്കുന്നതിനെക്കാൾ എത്രയോ നല്ലത് ഇതാ..."
എന്റെ മുഖത്ത് നോക്കാതെ മുഴുവൻ ശ്രദ്ധയും പേപ്പറിൽ കേന്ദ്രീകരിച്ച് ഉപ്പ പറഞ്ഞു.
"പിന്നെ വെട്ടും കുത്തും വായിക്കുന്നതാണല്ലോ ഭയങ്കര രസം..."
"ആ... വെട്ടും കുത്തും അറിയുന്ന ഒരുത്തനെ നിനക്ക് കല്യാണം കഴിക്കാൻ കിട്ടോന്ന് നോക്കട്ടെ..."
"എന്നാ വല്ല ഇറച്ചിക്കാരനേം നോക്കിക്കോ ഉപ്പാ... അതാകുമ്പോൾ വെട്ടാനും അറിയാം എന്റെ വയറും നിറയും" ഉപ്പ ഒന്നും പറയാതെ വായന തുടർന്നു.
അതെന്തോ എനിക്കങ്ങോട്ട് പിടിച്ചില്ല...
"ഭർത്താവ് ഭാര്യയെ തലക്കടിച്ചു കൊന്നു"
ഞാൻ ഉറക്കെ വായിച്ചു.
VOCÊ ESTÁ LENDO
"നിക്കാഹ്"
Romanceഞാൻ അമ്മീയുടെ മുഖത്തേക്ക് നോക്കി, അമ്മിയുടെ കണ്ണുകളിൽ സന്തോഷം കാണാൻ എനിക്ക് സാധിച്ചില്ല... "ഞാൻ.... ഞാൻ എടുത്ത തീരുമാനം തെറ്റാണോ???" ഞാൻ എന്നോട് തന്നെ സ്വയം ചോദിച്ചു. ആ മുഖം മനസ്സിലേക്ക് വന്നപ്പോൾ തീരുമാനം തെറ്റായി തോന്നിയില്ല... എന്നാലും... "ഇന്നെന...
