#89 - Matagal Na Pala
I
Matagal na pala kayo.
Nagdiriwang na kayo ng anibersaryo.
Masaya ako para sa inyo.
Sana magtagal pa kayo.
II
Matagal na pala kayo.
Binabati ko kayo.
Ang saya-saya ninyo.
Kumusta naman ako?
III
Matagal ko na rin palang itinatago
Na lubos na nasasaktan pa rin ako.
Hanggang ngayon? Oo.
Hindi halata, ano?
IV
Hayaan mo na ako.
Ganito talaga kapag nagmamahal nang patago.
Ganito kapag minamahal mo ang kaibigan mo.
Ganito kapag mahal mo ang taong hindi sa'yo.
V
Masakit, oo.
Wala naman akong karapatang magreklamo.
Masaya ka na, at iyon ay nakikita ko.
Kitang-kita naman sa mga mata mo.
YOU ARE READING
From Me To You (a compilation of poems)
Poetry🐝 Since 2016 🐝 In the past, it is titled as "Hugot Poems (English and Tagalog)." This is a compilation of Tagalog, and English poems. If you need to copy some pieces from my works, please do consult me by private messaging. If you just WANT my poe...
